Ko-Dabirɛnu 46:5 - ALLALA KUMƐ

^5-7 Yanni anu ni bɔ Biri-Siba, Yakobala dannu ya anu fa anubɛ anuna denbayɛ bɛɛ bi ka anu sigi mansɛla kirindi wonu tɔ. Anu ya anuna kolo-fannu anubɛ anu bolo-fan mumɛ bɛɛ bi anu ya minnu sɔrɔn Kenan nyamanɛ rɔ ka ta anu na Iyipiti nyamanɛ rɔ.

Ko-Dabirɛnu 46:5 ပူးပေါင်းရင်းမြစ်များ

Ko-Dabirɛnu 21:14

Woletɔ Iburayima ya a lasɔ subaga dɛ ma ka a fandɛ anubɛ yi-gbolo-bɔrɛ don Hega bolo. Wo ya yi-bɔrɛ dun a kɛɛ la. Iburayima ya Hega anubɛ ala dan Sumanyila lata anu kun fɛ. Anu tara ka to yilan-yilanna Biri-Siba wulɛ rɔ.

Ko-Dabirɛnu 45:19

“Anu ni kirindi donu bi alako anu si ta anu fa anubɛ anuna dennɛnu anubɛ anuna musinu bi nya min ka na anu na yan tɔ.

Ko-Dabirɛnu 45:21

Yakobala dan wonu ya a ma iko Yusufu anubɛ mansɛ wo ya a fɔ anu ye nya min. Yusufu ya kirindinu don anu bolo anubɛ anuna kila-fandɛ.

Ko-Dabirɛnu 45:27

Yusufu ya a sara anu na kumɛ min bɛɛ la, anu ya wo dantɛgɛlɛ sa anu fa-kɛmɔgɛ ye. Yakoba ya kirindi wonu yen a yɛ la tumɛ min, Yusufu ya minnu nata a bi tinɛ, anu fa niyi bilara a rɔ tun.

Bɔ-Koe-Iyipiti 10:24

Ale mansɛ ya Musa kele tun. A ko, “Awa, n bara sɔn wo ni ta wola denbayɛnu na wo bolo wota Mari bato tinɛ kɔnɔ n ti sɔn wo ni ta wola sagɛnu anubɛ wola ninkinu na wo bolo.”

Bɔ-Koe-Iyipiti 10:26

Kɔnɔ a gbuyɛ, fɔ malela kolo-fannu ba ta ma fɛ. Hali maleta kolo-fen kelan, ma ti wo to ma kɔma kilɛ la kamasɔrɔn ma si donu bi wonu tɔ ka anu ma sarakɛnu na mata Mari Alla ye. Ma ma a lɔn ni ma si minnu ma sarakɛ la kɛnu tɔ ma Mari ye ha ma ni ke nyɔ tumɛ min.”

Kɛwɔlɛnu 7:15

Woletɔ Yakoba tara anu sigi Iyipiti nyamanɛ rɔ. Ale anubɛ ma benbanu siyi banta nyɔ le.

1 Samuwɛli 12:8

“Ma benba Yakoba anubɛ ala denbayɛnu tara anu sigi Iyipiti tumɛ min, Iyipiti kɛnu tora anu tɔrɔ-belebele-wɛ kɛla ka anu kɔndɔfili. Wo benbanu tora dila Mari dala anu dɛnbɛn-koe la. A ya Musa anubɛ Aruna lata anu kunka tinɛ. Wonu denu bɔra wo benbanu na Iyipiti ka na anu na nyamanɛ kɛ rɔ yan.