Ko-Dabirɛnu 46:1 - ALLALA KUMƐ

¹ Yakoba wulita ka a bolo-fannu bi ka ta. A kera Biri-Siba soe burɔ tumɛ min, a ya sarakɛnu bɔ a fa Isiyakata Alla ye nyɔ.

Ko-Dabirɛnu 46:1 ပူးပေါင်းရင်းမြစ်များ

Ko-Dabirɛnu 12:8

Wo kɔma, a bɔra nyɔ ka ta Bɛtɛli soe tele-bɔɛ wara la kɔnkɛnu siya kan min. Anu ya anu daga makɛ Bɛtɛli soe anubɛ Eyai soe tɛma. A ya saraka-mintan-tinɛ do fanan sɔ Mari ye nyɔ. A ya baraka bira a ye ka a bato.

Ko-Dabirɛnu 21:14

Woletɔ Iburayima ya a lasɔ subaga dɛ ma ka a fandɛ anubɛ yi-gbolo-bɔrɛ don Hega bolo. Wo ya yi-bɔrɛ dun a kɛɛ la. Iburayima ya Hega anubɛ ala dan Sumanyila lata anu kun fɛ. Anu tara ka to yilan-yilanna Biri-Siba wulɛ rɔ.

Ko-Dabirɛnu 21:31

Woletɔ kan tinɛ wo tɔgɛ sara ko Biri-Siba kamasɔrɔn anu mɔgɔ filɛ bɛɛsi ya anu keli Alla yala nyɔ.

Ko-Dabirɛnu 21:33

Iburayima ya kɔlɔma-nɛ do ki Biri-Siba dafɛ ka habadan-Mari-Alla bato nyɔ.

Ko-Dabirɛnu 22:13

Iburayima ya a yɛ lata gbɔfɔ-nɛ kɔrɔ ka saga-yigi yen a kere gbarannɛ nyansankalan rɔ. Iburayima tara ka saga-yigi wo bi ka a ma saraka-mintantɛ la ala dan wo gbɛ rɔ.

Ko-Dabirɛnu 28:10

Yakoba bɔra Biri-Siba soe burɔ ka Hɛran-so-kilɛ bira.

Ko-Dabirɛnu 28:13

Yakoba ya Mari sɔnɛ yen a tɔnkɔn rɔ. Mari ya a fɔ ale Yakoba ye ko, “I fa anubɛ i benba Iburayimata Mari Alla le nde la. I sanɛ dugi min kuma kɛ la, n si wo di wobɛ i bɔnsɔn ma.

Ko-Dabirɛnu 31:42

Ni n benba Iburayima anubɛ n fa Isiyakanuna Alla sa n fɛ nun, n bolo-kolɔn gbɛ le bɔla i warɛ nun. Kɔnɔ Alla ara nta tɔrɔyɛ anubɛ nta wɔlɛ yen n ya minnu kɛ i ye, woletɔ a ya i makuma suyi rɔ kiyo rɔ.”

Ko-Dabirɛnu 31:53

Alamɛ i benba Iburayima anubɛ n fa Nehorinuta Alla anubɛ wonu fanan fata Alla ya kiti tɛgɛ mabɛ ile tɛma.” Yakoba ya a keli a berin ye a fa Isiyakata Alla yala.

Ko-Dabirɛnu 33:20

Yakoba ya saraka-mintan-tinɛ sɔ nyɔ ka a tɔgɔ sa “Isirɛlata Alla Sɛnbɛ-Bɛɛ-Tigi Le.”

Ko-Dabirɛnu 35:3

Ma ni wuli wona ka ta Bɛtɛli. N si saraka-mintan-tinɛ sɔ Alla ye nyɔ bawo wo tumɛ n bi tɔrɔyɛ rɔ, Alla ya n denkun. A tora n fɛ ka n kandan nta tagama bɛɛ rɔ.”

Ko-Dabirɛnu 35:7

Yakoba ya a buri a kɔrɔ Isɔ kɔrɔ tumɛ min, Alla bɔra gbɛ rɔ a ye Bɛtɛli, woletɔ Yakoba ya saraka-mintan-tinɛ sɔ nyɔ ka a tɔgɔ sa “Allata Bɛtɛli.”

Ko-Dabirɛnu 4:4

Ebɛli fanan nara ata saga-den-fɔlɔ-hakikɛ do la. Mari sɔnta Ebɛli anubɛ ala kɔ-fan la

Ko-Dabirɛnu 45:28

Yakoba ko, “Sobore, nna den Yusufu ye a kɛndɛ la. N ni ta a yen yanni n ni faga.”

Ko-Dabirɛnu 8:20

Nowa ya saraka-mintan-tinɛ sɔ Mari ye. A ya sogo-sɛnimɛ anubɛ kona-sɛnimɛ donu bi ka wonu mintan gburr, ka wonu ma sarakɛ la Mari ye nyɔ.

Yobu 1:5

Anu ba ladiyɛ kɛ, banda wa ka, Yobu si suri a lasɔla sɔgɔma ka sarakɛ bɔ ala dan kelen-kelennamɛ wo bɛɛ ye alako wonu ni sɛninya Alla yala. A ye wo mala bawo a ye a mirila ko tumado ala dan do ara Alla lafɛya, a sa min kalama.

Yobu 42:8

Wo ni ta tura wɔrɔnfila anubɛ saga-yigi wɔrɔnfila la Yobu ma alako wo ni anu ma sarakɛ la wo nyɛrɛ ye. Yobu si madiyali kɛ wo ye. N si ata madiyalɛ lamɔɛn alako n kana wo layarabi iko a bɛnta, wo ni yarabi nya min. Wo ma tonya fɔ n bara-koe rɔ iko ale Yobu ya tonyɛ fɔ n bara-koe rɔ nya min.”

Emɔsi 7:9

Nɛbi Emɔsi ya Mari kuman-kannu natenbi ko, “Isiyaka kegeyɛnu bi ale Mari batola anuta kan-tina-sɛnimɛ minnu tɔ Isirɛla nyamanɛ rɔ, Mari ko a si kan tinɛ wonu kasara ka nyɔnu ma tonbon-kole la. Mari ko a si mansayɛ bɔ Mansa Yɛrabowami kebilɛ bolo.”

Kɛwɔlɛnu 7:15

Woletɔ Yakoba tara anu sigi Iyipiti nyamanɛ rɔ. Ale anubɛ ma benbanu siyi banta nyɔ le.

Yasowa 24:4

Wo kɔma, a ya den fila di Isiyaka ma, Yakoba anubɛ Isɔ. A ya kan tinɛ di Isɔ ma Idɔm kɔnkɛla minɛ rɔ. Wo kɔma, Yakoba anubɛ ala dannu tara Iyipiti.

1 Samuwɛli 3:20

Isirɛla nyamani-tonko-nanɛ mɔgɛ bɛɛ ya a lɔn ko Samuwɛli le nɛbiyɛ la Mari ye.

1 Samuwɛli 8:2

Ala den fɔlɔtɛ tɔgɛ le Yowɛli. Wo tagbara-sɛ tɔgɛ le Abaya. Wonu denu mara kiti-tɛgɛlɛnu na Biri-Siba.