Ko-Dabirɛnu 45:3 - ALLALA KUMƐ

³ Yusufu ya a fɔ a na-kelen-nyɔgɛnu ye ko, “Wo na-kelen-nyɔgɛ Yusufu le nde la. Ha bi, n fa ye a kɛndɛ la?” A na-kelen-nyɔgɛnu ma ke a yabila kamasɔrɔn anu kun ma ara tɛgɛ. Anu ma a lɔn nun ni Yusufu le.

Ko-Dabirɛnu 45:3 ပူးပေါင်းရင်းမြစ်များ

Ko-Dabirɛnu 37:20

Wo na, ma ni a faga ka a lakɛ kɔlon-tagbalanɛ do rɔ. Ma ni a fɔ ko sogo-yogomɛ do ara a faga. Ma si a lɔn wo rɔ ni ko si bɔ ata kiyo wonu tɔ.”

Ko-Dabirɛnu 42:21

Anu ya a fɔ anu nyɔgɔn ye ko, “Ni i ya a yen ma ye tɔrɔla ka, ma ya ko-yogomɛ min ma ma dɔgɛ Yusufu la, wo le dankɛ bilanɛ ma fɛ kɛ la. Ma ya a yakɔrɔ-mamɔnɛ yen tumɛ min wo tumɛ a ye ma madiyala ko ma kana a faga. Kɔnɔ ma ma ma tole masɔ a la woletɔ ma ye tɔrɔyɛ kɛnu sɔrɔnna.”

Ko-Dabirɛnu 42:22

Anu kɔrɔ sarɛ Rubɛn ko, “N ma a fɔ wo ye nun ko ma kana ko-yogoma ma a la? Kɔnɔ wo ma wo tole masɔ n na. Kaka, male fanan bi nala matɛ sɔrɔnna ka a tɛgɛ ma dɔgɔ-kei wo faga-koe ma.”

Ko-Dabirɛnu 43:27

Wo kɔma, ale fanan ya anu kɔndɔn ka anu manyinika anu fa-kɛmɔgɔla ko ma, a ko, “Wo fa kɛndɛ?”

Yobu 23:15

N bi yɛrɛyɛrɛnna kilan bolo a yakɔrɔ. N ba n miri kɛ bɛɛ ma, n kun ma si kɔ.

Yobu 4:5

Kɔnɔ kaka, tɔrɔyɛ ara na ile kuma, yaga, ile ti ke i munna wo kɔrɔ.

Sakaraya 12:10

A ko a si kinikinɛ anubɛ madiyalɛ ladon Mansa Dawuda kegeyɛnu anubɛ Yerusalɛm kɛnu yisi rɔ. Anu ya min tasɔgɔ-sɔgɔ ka a faga, anu ba wo yen anu yɛ la, anu ni na to kinikinina mɔgɛ wo ma ka di wola ko la biribiri iko anuna den kelan wa faga. Anu si di iko mɔgɔ wa foo a sarɛ la.

Maraka 6:50

Anu dama kun makɔra. Yisa kumara anu ye kelenna! A ko, “Wo ni wo yisi kimɛ! Nde le. Wo kana kilan!”

Luka 5:8

Koe min mara, Saimon Pita ya wo yen tumɛ min, a ya a nyɛnkin Yisa kɔrɔ. A ko, “N fa, i yandi, i masɛgi n na bawo hakɛ-tigi le nde la!”

Kɛwɔlɛnu 7:13

Anu ta fila nyɔgɛ, Yusufu ya a nyɛrɛ raka a na-kelen-nyɔgɛnu ye. Mansɛ fanan nara to Yusufula mɔgɛnu lɔnna worɔ.

Kɛwɔlɛnu 9:5

Sɔli ya nyinikalɛ kɛ ko, “N fa, yon bi ile la?” Kuman-kan wo ko, “Yisa le nde la, i ye min tɔrɔla.

Lankɛnimayɛ 1:7

Wo ni wo yɛ lana! A ye nala banda-finyɛ rɔ! Mɔgɛ bɛɛ si a yen nala hali minnu ya a sɔgɔ tanbɛ la. Duninya-mɔgɛ bɛɛ si di ala ko la, ado a ye mala wo nya na le! Amina.