Ko-Dabirɛnu 45:26 - ALLALA KUMƐ

²⁶ Anu ke anu fa ma, anu ya a fɔ a ye ko, “Yusufu ye a kɛndɛ la, yo! Ado nfan, ale le kun-tigiyɛ la Iyipiti nyamanɛ bɛɛ kun na.” Yakoba siginɛ tora tantulan! A ma la anu na hali!

Ko-Dabirɛnu 45:26 ပူးပေါင်းရင်းမြစ်များ

Ko-Dabirɛnu 37:31

Yusufu kɔrɔnu ya baa-dan faga ka ala duruku-hakikɛ wo bi ka wo sa baa-dan yele wo rɔ.

Ko-Dabirɛnu 37:35

Yakobala dannu ya anu taya ka anu fa madiya kɔnɔ a ma sɔn a rade-koe ma. A ko, “Nde si to nna dan kɛ dila ha n ni a taran lakira.” A tora dila ala dan Yusufula ko la wo nya le.

Ko-Dabirɛnu 42:29

Anu nara anu fa Yakoba wara Kenan nyamanɛ rɔ tumɛ min, koe min bɛɛsi mara anu na anuna tagama wo rɔ, anu ya anu dantɛgɛ anu fa Yakoba ye.

Ko-Dabirɛnu 42:36

Anu fa ya a fɔ anu ye ko, “A sɔgɛ ye wole la, n ni foo nna dan dama la, wa? Yusufu sa tun, Simiyɔn sa tun. A sɔgɛ ye wole la, wo ni ta Bɛnyamɛ fanan na? Tɔrɔyɛ kɛ damasi ara sigi nde le la.”

Ko-Dabirɛnu 42:38

Kɔnɔ Yakoba ko, “Ndeta dan kɛ, wo ti ta wo fɛ mumɛ! A na ya anu mɔgɔ fila pe le sɔrɔn. A kɔrɔ ara sa. A kelen pe le tonɛ gbɛ! Ni ko mara a la wola tagama rɔ, wo si a ma, n kɔrɔyanɛ ni faga yisi-tinya bolo.”

Ko-Dabirɛnu 44:28

A ara bɔnɔ mɔgɔ kelen tɔ. A ko a manɛ iko sogo-yogomɛ le ya a rafarafara bawo a ma a yen wo kɔma tun.

Ko-Dabirɛnu 45:25

Anu bɔra Iyipiti nyamanɛ rɔ ka sɛgi anu fa Yakoba warɛ Kenan nyamanɛ rɔ.

Ko-Dabirɛnu 48:11

Yakoba ya a fɔ Yusufu ye ko, “N ma a lɔn nun mumɛ, ni n si i yen tun. Kɔnɔ Alla ara a ma, n bara wobɛ ila dannu yen.”

Yobu 29:24

Hali anu yisi magboyanɛ, anu ba n yakɔrɛ yen tumɛ min, anu si sewa.

Yobu 9:16

Hali a ya a ma, n ni kuma, n ma la a la, ni a si a wɔlɔ matɔlɔ nna kumɛ wo la.

Yaburi 105:21

A ya a sigi ata nyamanɛ kun na ka a ma nyamanɛ wo maralɛ la.

Yaburi 126:1

Mari ya ma lasɛgi Yerusalɛm soe burɔ tumɛ min, a mara le iko kiyo.

Yona 2:7

N ya a lɔn tumɛ min ko n bara gbɛrɛn kanba-dɛ ma, n ya ile Mari matara. I ya n kuman-kan lamɔɛn ita bon-sɛnimɛ la.

Luka 24:11

Kɔnɔ Yisala kilayɛnu ya anu miri ko musinu ya min fɔ, yuwaya-kumɛ le wo la. Anu ma la wo la.

Luka 24:34

Karan-dannu ya a fɔ anu ye, ko, “Mari ara wuli serr! Saimon ara a yen!”

Luka 24:41

Anu sewanɛ kɔnɔ kabana-koenu ya a ma, anu ma ke lala a la yona. Woletɔ a ya anu manyinika ko, “Dɔn-fan do ye wo bolo yan, ba?”