Ko-Dabirɛnu 45:15 - ALLALA KUMƐ

¹⁵ Yusufu ye diyi-kɛ wo kun na, a ye a na-kelen-nyɔgɛnu kɔndɔnna ka anu sunbu. Wo kɔma, sikɛ bɔra a kɔrɔ wonu tɔ. Wo le ya a ma, anu kera kumala Yusufu la.

Ko-Dabirɛnu 45:15 ပူးပေါင်းရင်းမြစ်များ

Ko-Dabirɛnu 29:11

Yakoba ya Resɛli kɔndɔn ka di sewɛ bolo.

Ko-Dabirɛnu 29:13

Leban ya a berinnɛ Yakoba wara-koe lamɔɛn tumɛ min, a burimatoe tara a labɛn ka a kɔndɔn ka a ramɔnsɔn. Anu tara bɔn la. Koe min bɛɛ ara ma nun, Yakoba ya wo fɔ a berin Leban ye.

Ko-Dabirɛnu 33:4

Kɔnɔ Isɔ burimatoe fanan tara ka a labɛn gbuturu diyanayɛ rɔ. Anu mɔgɔ filɛ dira biribiri!

Ko-Dabirɛnu 42:24

Yusufu ya a bɔ anu dafɛ. A tara di a dan na. A ban a radela di-kɛ ma, a nara anu bara tun. A ya a kɔrɔ Simiyɔn bɔ anu yala. A ya a fɔ ala kɛlɛ-dan donu ye ko, “Wo ni a kiri anu yala.”

Ko-Dabirɛnu 45:14

Yusufu anubɛ a dɔgɔ Bɛnyamɛ ya anu nyɔgɔn bira gbuturu! Anu donta diyi-kɛ rɔ.

Ko-Dabirɛnu 45:16

Mɔgɛnu ya kɛ sura-kumɛ lamɔɛn mansɛ wola bɔn la ko Yusufu na-kelen-nyɔgɛnu bara na, wo diyara mansɛ anubɛ ala mɔgɔ-banu ye.

Ko-Dabirɛnu 45:2

Yusufu dira ha Iyipiti kɛ minnu bi bɔn wola foolɛ rɔ, wonu ya a di-kɛ-kan wo lamɔɛn. Anu tora a fɔla ha mansɛla mɔgɛnu ya a lamɔɛn.

Ko-Dabirɛnu 46:29

a ma mɛ, Yusufu ya ata kirindi bi ka ta a fa labɛn tinɛ Kosɛn sigisɔn rɔ. A ya a fa taran Kosɛn. Anubɛ a fa ya anu nyɔgɔn bira gbuturu! Yusufu donta diyi-kɛ rɔ. A mɛra dila.

2 Samuwɛli 14:33

Abasalɔm ya min bɛɛsi fɔ Yohabu ye, wo tara wonu takaran Mansa Dawuda ye. Ale mansɛ ya Abasalɔm kele. Abasalɔm ke mansɛ ma, a ya a laburun a ma a kɔrɔ. Mansɛ ya a sɛnibɔ ka a sunbu.

Yaburi 77:4

A ye a mala, kinɔgɔ ti sa n yɛ ma. Yisi-tinya ara n tade don!

Bɔ-Koe-Iyipiti 4:27

Mari ya a fɔ Aruna ye ko, “Ta Musa labɛn wulɛ rɔ.” A tara ka a labɛn Sinayi kɔnkɛ la. Anu ya anu nyɔgɔn kɔndɔn.

Luka 15:20

Nba, a wulita ka sɛgi a fa wara. “Yanni a ni ke nyɔ, a fa ya a yen nala wula-yan la. A yisi fara kinikinɛ la. A ya a buri ka a bole mini ala dan kan ma ka a sunbu.

Kɛwɔlɛnu 20:37

Anu dama dira ka Pɔli ramɔnsɔn ka a sunbu.

Ruti 1:14

Anu donta diyi-kɛ rɔ tun. Ɔrapa ya a lasɔ. A ya a mama sunbu ka a fɔ a ye ko, “Ma tele, yo.” A sɛgira ala mɔgɛnu bara. Kɔnɔ Ruti ma sɔn a mama bolokala.

Ruti 1:9

Alamɛ wo taranta wo diya wola kei-kurɛnu barɛ.” Neyomi ya anu masara diyanayɛ rɔ ka anu sunbu. A mama-nyaganɛ wonu donta diyi-kɛ rɔ.

1 Samuwɛli 10:1

Samuwɛli ya dantɛgɛ-tuli do bi ka a kɛ Sɔli kunyɛ rɔ ka a sunbu. A ko, “Mari ara ile le yabɔ ka ma mansɛ la Isirɛla mɔgɛnu kun na. I si mansayɛ kɛ Marita mɔgɛnu kun na ka anu matanka anu yogenu ma minnu bi anuna foolɛ rɔ. I wa bɔ n dafɛ bi, i si kemini fila taran Resɛli kanbɛ dafɛ Sɛlɛsa soe kɔma Bɛnyamɛta nyamani-dan la. Kemini filɛ wonu si a fɔ i ye ko, ‘I ye sofɛlɛ minnu nyinina nun, wonu bara yen.’ Anu si a fɔ tun ko, ‘I fa hɔnni ma sofɛlɛ wonu wara-koe la tun. A hɔnnɛ ile le wara-koe la gbɛ bawo tuma-wo-tuma, a ye a fɔla ko a ma a lɔn a si min ma ala dan wara-koe rɔ. Wo bɛɛ wa ma tumɛ min, wo le ye a yirala i la ko Mari le wara i yabɔ ka i ma mansɛ la.’

1 Samuwɛli 20:41

Dennɛ wo bɔnɛ nyɔ rɔ, Dawuda bɔra farɛ wonu kɔma. A ya a maburun dugi ma Yonatan kɔrɔ iko sawa. Anu ya anu bole sa anu nyɔgɔn kan ma ka anu nyɔgɔn kɔndɔn ka di. Kɔnɔ Dawuda, wo le dira belebele-wɛ-kɛ.