Ko-Dabirɛnu 44:16 - ALLALA KUMƐ

¹⁶ Yuda ya a fɔ tun ko, “Kuma sa male bolo tun ma si min fɔ. Male si ke kɛ masɔsɔla kama ka a fɔ ko male gba ma. Alla ara ma sɔn-yogomɛ labɔ gbɛ rɔ. Yi-lafɛ yenta ma dɔgɛ min bolo nun, wo dɔrɔn sa mala yɔɔn la. Ma dama le mala yɔɔn la gbɛ!”

Ko-Dabirɛnu 44:16 ပူးပေါင်းရင်းမြစ်များ

Ko-Dabirɛnu 37:9

Yusufu ya kiyo-dogbɛrɛ sa tun. A ya wo rakaran a na-kelen-nyɔgɛnu ye ko, “N kiyora le bi-suyi rɔ. Tele wo, karɛ wo, anubɛ lolo tan-ni-kelen, wonu bara anu nyɛnkin n kɔrɔ.”

Ko-Dabirɛnu 44:17

Kɔnɔ Yusufu ko, “Ka a fɔ wo dama ni ma yɔɔn la, alamɛ nde tankara wo ma. Nta yi-lafɛ yenta min bolo, wo le dɔrɔn si ma nta yɔɔn la. Wole lafɛrɛnɛ ni ta wo fa warɛ.”

Ko-Dabirɛnu 44:32

Min sanɛ wo kuma, n bara n nyɛrɛ niyi sigi tulumɛ la n fa ma n dɔgɛ kɛ niyila ko la. N ya a fɔ ko ni n ma sɛgi ala den Bɛnyamɛ la a ma tun, wo nanparan si to nde kuma wo rɔ n siyi-tele-bɛɛ rɔ.

Ko-Dabirɛnu 44:9

Mala bɔrɛnu mafɛlɛn. Ni i ya a yen min bolo, wo ni wo tigi faga. Male si ma ila yɔɔn la.”

1 Mansɛnu 17:18

Kɛɛ-musi wo ya a fɔ Nɛbi Ilaya ye ko, “Ile Allata mɔgɛ, nfenna i wara kɛ ma n na? I nara le alako ka n hɛnkili bila n hakɛnu ma ka nna dan faga, wa?”

Ɛsira 9:10

“E, Alla, male si nfen fɔ kɛ kɔma gbɛ? I ya tɔn minnu fɔ ila nɛbinu ye, ma ara wonu tinya. Nɛbinu ya a fɔ ma ye nun ko ma ye nala sigila nyamanɛ min tɔ, nyamanɛ wo bɛɛ latinyani de! Ko-yogoma-su bɛɛ ye nyɔ.

Ɛsira 9:15

I yandi, Isirɛlata Mari Alla, i ti sɔn ko-radunɛ ma kɔnɔ hali wo, i wara ma to ma niyi la. Ma ara ma sɔ a la ko yo sa ma bolo. A ma bɛn ko ma ni ma sɔ i yakɔrɔ lefan!”

Hɛnkilimaya-Kumɛnu 17:15

Ka yo-tigi yiliki anubɛ ka mɔgɔ-yilikinɛ boloka, wo fenfen ma di Mari ye.

Hɛnkilimaya-Kumɛnu 28:17

Mɔgɔ-fagalɛ-yisi ti sa. A yisi si to a tɔrɔla ha a si faga, ado mɔgɔ-wo-mɔgɔ kana a dɛnbɛ.

Aiseya 27:9

Alla-lɔnbɛlɛnuna saraka-mintan-tinɛnu ba ma gbangban la tumɛ min Isirɛla mɔgɛnu bolo, Mari si Isirɛla mɔgɛnu makoto anu hakɛ la wo wati le tɔ. A ti anu makoto fɔ wusura mintan tinɛnu ba ban. A sa nyinina fenfen-lɛsɛni ma tun iko anuna bɛsi-musumɛ Asura manɛ nya min.

Aiseya 5:3

Nba, n diyana-mɔgɛ ye a fɔla kaka ko, “Wole Yerusalɛm so-burɔ-mɔgɛnu anubɛ Yuda nyamanita-mɔgɛnu, wo ni kiti sa mabɛ nna ki-fannu tɛma.

Daniyɛli 9:7

Ile n Tigi, i ya ko-wo-ko ma, wo telennɛ kɔnɔ male waralɛ, ma ara koe min bɛɛsi ma, fenfen sa wo kɔma fɔ miliya-koe gbansan! A mara Yuda nyamanita-mɔgɔ la wo, a mara Yerusalɛm so-burɔ-mɔgɔ la wo, a Isirɛla mɔgɔ to wo, kɛlɛ tara minnu na wo, kɛlɛ ma ta minnu na wo, ma damasi ye kɛ yilikiyi kɔrɔ.

Yilan-Yilan Koe 32:23

N bi wo makawandila, ni wo ya lanyiri kɛ tinya, wo ara hakɛ kɛ Mari la worɔ. Wo la a la serr, ko wo hakɛ-yulumu si wo bira gben!

Matiyu 7:2

bawo wo ye mɔgɛnu yilikila nya min, Alla ye wole fanan yilikila wo nya na le. Wo wa a ma mɔgɛnu ye nya min, Alla si a ma wole fanan ye wo nya na le.

Luka 12:2

Fan min dogonnɛ, wo si bɔ gbɛ ma. Gbundu-koe bɛɛ si na lɔn.

Kɛwɔlɛnu 2:37

Mɔgɛnu ya wo lamɔɛn tumɛ min, wo ya anu yisi tɔrɔ dɔgɔma-ma-de! Anu ya a fɔ Pita anubɛ Yisata kilayɛ doinu ye ko, “Ma na-kelen-nyɔgɛnu, ma si nfen ma gbɛ?”

Tɔn-Fɔɛ-Fila-Nyɔgɛ 25:1

“Ni Isirɛla mɔgɔ fila sɔsɔra, anu si ta kiti-tɛgɛlɛnu bara. Ni kiti-tɛgɛlɛnu ya kumɛ wo mafɛlɛn, mɔgɔ kelan yo, mɔgɔ kelan yiliki,

Yasowa 7:1

Mari ya a fɔ Isirɛla mɔgɛnu ye nun ko, “Wo ni Yɛrikɔ soe halaki ka fen bɛɛ tinya a rɔ tɛrr!” Kɔnɔ mɔgɔ kelen bi nyɔ min tɔgɛ Ekan, wo ma Marila kumɛ bira. Mari diminyara Isirɛla mɔgɛnu ma wola ko la. (Ekan wo, a fa tɔgɛ Kami, a benba tɔgɛ Sabadi. A bɔra Serahata denbayɛ rɔ Yuda bɔnsɔn rɔ.)

Yasowa 7:18

A nara Sabadila denbayɛ la kelen-kelenyɛ ma. Mari ya Kamila den Ekan yabɔ.

Kɛlɛ-Kurugbɛnu 1:7

Ale mansɛ ya a fɔ anu ye ko, “Nde fanan bara mansa bi-wɔrɔnfila bolo-gbungburu-wɛnu anubɛ anu kin-gbungburu-wɛnu tɛgɛ anu na nun. Mansɛ wonu tora dɔn-fen-pɛrɛnu denu matɔnbɔnna nna tebulu kɔrɔ. Kɔnɔ n ya min ma wonu na, Alla ara wonu denu tayili sara n na kɛ la.” Anu tara ale mansɛ la Yerusalɛm, a fagara kan min.