Ko-Dabirɛnu 43:30 - ALLALA KUMƐ

³⁰ Yusufu ban wo fɔla, kinikinɛ donta a rɔ. Di-kɛ-sɔgɛ ya a bira. A tara ala bɔn konko la di-kɛ-tinɛ.

Ko-Dabirɛnu 43:30 ပူးပေါင်းရင်းမြစ်များ

Ko-Dabirɛnu 42:24

Yusufu ya a bɔ anu dafɛ. A tara di a dan na. A ban a radela di-kɛ ma, a nara anu bara tun. A ya a kɔrɔ Simiyɔn bɔ anu yala. A ya a fɔ ala kɛlɛ-dan donu ye ko, “Wo ni a kiri anu yala.”

Ko-Dabirɛnu 45:2

Yusufu dira ha Iyipiti kɛ minnu bi bɔn wola foolɛ rɔ, wonu ya a di-kɛ-kan wo lamɔɛn. Anu tora a fɔla ha mansɛla mɔgɛnu ya a lamɔɛn.

Ko-Dabirɛnu 46:29

a ma mɛ, Yusufu ya ata kirindi bi ka ta a fa labɛn tinɛ Kosɛn sigisɔn rɔ. A ya a fa taran Kosɛn. Anubɛ a fa ya anu nyɔgɔn bira gbuturu! Yusufu donta diyi-kɛ rɔ. A mɛra dila.

1 Mansɛnu 3:26

Kɔnɔ kinikinɛ donta dan wo na-bɛrɛbɛrɛ yisi rɔ ala danla ko la. A ya a fɔ mansɛ ye ko, “E, mansɛ, i yandi, i kana dan kɛ faga! A di n ta-nyɔgɛ kɛ ma.” Kɔnɔ musi minta ma dan kɛ la, wo ya a fɔ mansɛ ye ko, “Kɛ ti to mɔgɔ-wo-mɔgɔ ye. I ni a fara fila la!”

Yɛrɛmaya 31:20

Mari ko a diyana-den-bɛrɛbɛrɛ le Isirɛla mɔgɛnu na. A ko anu di a ye kosɛbɛ! A ko a nɛn-naban anu tɔgɔ ratɛgɛla, anuna keninteya ara don a rɔ. A ko a hɛnkili ti bɔ anu ko, ado anuna hinɛ si to a burɔ.

Hoseya 11:8

“N si ile Isirɛla don bolo tɔ kama? N si wo boloka kama? N si wo kasara kama iko n ya a ma nya min Adima anubɛ Sebom soe la? N ti sɔn wo kasara-koe ma. Nta keninteyɛ da rakolo wo ye.

Kɛwɔlɛnu 20:19

Yahudiya donu ya dunbɛ rasa n ma ka a lagbɛlɛya n kuma ha n ya-yi bɔra kɔnɔ n ya nna wɔlɛ bɛɛ kɛ Mari ye famayigi rɔ.

Kɛwɔlɛnu 20:31

Woletɔ wo ni wo yɛ lakalan. Wo yili ni to kɛ ko. San sawa, n tɔrɔta wola ko la ka wo kelen-kelennamɛ-bɛɛ karan su-ni-tele.

Kɛwɔlɛnu 20:37

Anu dama dira ka Pɔli ramɔnsɔn ka a sunbu.

Filipai 1:8

N bi n miri-wɛ min kɛla wo ma, wo ye bɔla Kirasiti Yisa nyɛrɛ le yisi rɔ. N ba wo fɔ, Alla ye n sere la ko n bi tonyɛ le fɔla wo la.

Filipai 2:1

Ka a fɔ ko Kirasiti siginɛ wo yisi rɔ, kumɛ wo ti wo sɛnbɛ don, ba? Ala keninteyɛ ti wo yisi-kimɛ, wa? Wo ye ta-nyɔgɔnyɛ kɛla ata Ni-Sɛnimɛ baraka rɔ, a sa wo nya? Wo sa kinikinɛ anubɛ nyɔgɔn-keni kɛla, wa?

Kɔlɔsi 3:12

Allala mɔgɛ le wole la. A ara wo keni ka wo yabɔ a nyɛrɛ ye. Woletɔ wo ni kinikinɛ anubɛ nyimayɛ anubɛ famayigiyɛ anubɛ dinyɛ anubɛ munyɛ don wo ma.

2 Timoti 1:4

N bi n mirila i ya-yi-layigi ma, wo le ya a to, i yen-sɔgɛ ye n na bɛrɛkɛ, ado wo le si a diyɛ don n tɔ.

1 Yɔni 3:17

Ni nɔnfuli ye mɔgɛ do bolo, a ni a yen ko a na-kelen-nyɔgɛ makoe ye fan do la kɔnɔ a ma kinikini a ma, wo si a fɔ kama ko Allala keninteyɛ ye a yisi rɔ?