Ko-Dabirɛnu 43:26 - ALLALA KUMƐ

²⁶ Yusufu nara anu bara bɔn la tumɛ min, anu ya anu madu a kɔrɔ dugi ma ka a sanbɛ wonu don a bolo.

Ko-Dabirɛnu 43:26 ပူးပေါင်းရင်းမြစ်များ

Ko-Dabirɛnu 27:29

Alamɛ bɔnsɔn siyaman wɔlita i ye. Mɔgɛnu ni anu famayigi i kɔrɔ. Alamɛ i mara kun-tigi la i na-kelen-nyɔgɛnu kuma. Anu ni anu famayigi i kɔrɔ. Ni min ya i danka, wo si dankɛ sɔrɔn. Ni min duwara i ye, wo si duwɛ sɔrɔn.”

Ko-Dabirɛnu 33:3

Anu gbɛrɛn anu nyɔgɔn ma, Yakoba tenbira ala denbayɛ yarɔ. A tara a kunyɛ madula a kɔrɔ Isɔ kɔrɔ iko wɔrɔnfila ka a kɔndɔn.

Ko-Dabirɛnu 42:6

Wo wati rɔ, Yusufu le kandayɛ la Iyipiti nyamanɛ rɔ. Ale le ye dɔn-fan mayirala mɔgɛnu ma. Yusufu-kɔrɔnu tara ka anu naburun a ma dugi ma a kɔrɔ.

Ko-Dabirɛnu 43:11

Anu fa Yakoba ya a fɔ anu ye ko, “Ni wo ko wo nya le, wo ni mala nyamanɛ kɛ fen-hakikɛ donu bi ka a ma kandɛ wo sanbɛ la iko se-tuli wo, liyi wo, kɛnɛ wo, isɛnti wo anubɛ kɔn-gbɔ-kole donu.

Ko-Dabirɛnu 43:28

Anu ko, “Ila wɔli-kɛlɛ, ma fa, a kɛndɛ ken!” Anu ya anu madu a kɔrɔ tun ka anu nyɛnkin.

Yaburi 72:9

Sibolo-gbɛrɛ minnu bi wula-da-rakolɔn rɔ, wonu si anu madu a ye ka a bato. A yogenu fanan si anu nyɛrɛ gbesi dugi la ka bɔnkɛ dɔn.

Bɔ-Koe-Iyipiti 18:7

Musa tara a biran-kei labɛn tinɛ kilɛ la ka a kɔndɔn. A ya a nyɛnkin a kɔrɔ ka a sunbu. Anu donta fani-bɔn la.

Romu 14:11

ado a sɛbɛnɛ Allala kitabu rɔ ko Mari ara a keli a nyɛrɛ rɔ ko mɔgɛ bɛɛ si na a nyɛnkin a ye. Mɔgɛ bɛɛ si a fɔ a dɛ la ko Mari le Alla la.