Ko-Dabirɛnu 43:15 - ALLALA KUMƐ

¹⁵ Ala dan wonu ya Bɛnyamɛ bi anubɛ sanbɛ wonu anubɛ wodi. Anu tara Iyipiti nyamanɛ rɔ ka anu dantɛgɛ Yusufu ye.

Ko-Dabirɛnu 43:15 ပူးပေါင်းရင်းမြစ်များ

Ko-Dabirɛnu 42:35

Anu ya anuna bɔrɛnu nafulen anu fa yakɔrɔ tumɛ min, anu dama ya anuta wodi taran anuna bɔrɛnu tɔ. Anu ya wodi wo yen min kɛ, anu dama kilanta.

Ko-Dabirɛnu 43:11

Anu fa Yakoba ya a fɔ anu ye ko, “Ni wo ko wo nya le, wo ni mala nyamanɛ kɛ fen-hakikɛ donu bi ka a ma kandɛ wo sanbɛ la iko se-tuli wo, liyi wo, kɛnɛ wo, isɛnti wo anubɛ kɔn-gbɔ-kole donu.

Ko-Dabirɛnu 43:21

Ma ban mala dɔn-fen sanna, ma ya mala dunɛnu bi ka ta. Ma kira kan min, ma ya mala bɔrɛnu nafulen nyɔ. Ma bɛɛsi tɛrɛnara wodinu na mala bɔrɛnu tɔ. Fenfen ma bɔ mala dɔn-fen-sɔnkɛ wonu na. Ma ma a lɔn ni min ya wodi wonu sa mala bɔrɛnu tɔ. Woletɔ ma ya wodi min yen mala bɔrɛnu tɔ, ma ara na wo la ma bolo tun. Ma ara na wodi-gbɛrɛkɛ la ma bolo fanan alako ma ni dɔn-fan do sɔrɔn tun.”

Ko-Dabirɛnu 43:25

Anu tara Yusufu sanbɛ minnu na, anu ya wonu nabɔ bawo anu bara a lɔn ko Yusufu ye fen-dɔn-kɛla anu fɛ bɔn la nyɔ.

2 Ko-Kɔrɔta-Karan 28:7

Mansa Ehasila den Meyaseya wo, ala bɔlon fɛ-biralɛ Asiraikam wo, ala kandɛ Ɛlakena wo, Sikiri min bi Isirɛla kɛlɛ-denyɛ la, wo nara wonu faga.

Hɛnkilimaya-Kumɛnu 19:6

A sɔgɛ ye mɔgɔ-siyaman na, anubɛ mɔgɔ-banu ni to diyanayɛ rɔ. A sɔgɛ si mɔgɔ-siyaman bira fanan, anubɛ mɔgɔ-kɔlɛnu ni to kirabɔla.