Ko-Dabirɛnu 42:6 - ALLALA KUMƐ

⁶ Wo wati rɔ, Yusufu le kandayɛ la Iyipiti nyamanɛ rɔ. Ale le ye dɔn-fan mayirala mɔgɛnu ma. Yusufu-kɔrɔnu tara ka anu naburun a ma dugi ma a kɔrɔ.

Ko-Dabirɛnu 42:6 ပူးပေါင်းရင်းမြစ်များ

Ko-Dabirɛnu 18:2

A ya a yɛ lata ka kei sawa sɔnɛ yen wulɛ la. A ya anu tagbɛ tumɛ min, a burimatoe bɔra fani-bɔn la ka anu nabɛn. A ya a laburun a ma dugi ma anu kɔrɔ.

Ko-Dabirɛnu 19:1

Melika filɛ wonu ke Sɔdɔm soe burɔ wurala-tumɛ le la, anu ya Lɔti siginɛ taran Sɔdɔm tarɛ dɛ la. Lɔti ya anu yen tumɛ min, a ya a lasɔ ka anu nabɛn. A ya a laburun a ma dugi ma anu kɔrɔ.

Ko-Dabirɛnu 33:3

Anu gbɛrɛn anu nyɔgɔn ma, Yakoba tenbira ala denbayɛ yarɔ. A tara a kunyɛ madula a kɔrɔ Isɔ kɔrɔ iko wɔrɔnfila ka a kɔndɔn.

Ko-Dabirɛnu 41:43

A ya mansɛla kandɛya-kirindi don a bolo ka ale Yusufu yira ala nyamanita-mɔgɛnu na. Anu tara kan-bo-kan, anu si a mayon ko, “Wo ni wo nyɛnkin! Wo ni wo nyɛnkin!” Yusufu taranta kun-tigiyɛ la wo nya na le Iyipiti nyamanɛ rɔ.

Ko-Dabirɛnu 41:54

San wɔrɔnfilɛ kɔnkɔ-fitinɛ ya a dabira iko Yusufu ya a fɔ nya min. Dɔn-fen wo dɔn-fen sa nyamanɛnu tɔ minnu bi Iyipiti nyamanɛla foolɛ rɔ kɔnɔ kɔnkɛ ya Iyipiti nyamanita-mɔgɛnu bira tumɛ min, anu dira mansɛ dala dɔn-fen-koe rɔ. Mansɛ ya a fɔ anu ye ko, “Wo ta Yusufu wara. Ni ale ya min fɔ wo ye dɔn-fen-koe rɔ, wo ni wo ma.” Kɔnkɔ-fitinɛ wo gbɛlɛyara nyamanɛ bɛɛ rɔ tumɛ min, Yusufu ya bondɔnnu dɛ laka ka a mayira Iyipiti kɛnu ma. Dɔn-fan minnu namaranɛ nun, wonu tagbayara Iyipiti nyamanita-mɔgɛnu ma.

Ko-Dabirɛnu 41:57

Duninya-mɔgɛ bɛɛsi tara Yusufu wara Iyipiti nyamanɛ rɔ dɔn-fen nyini tinɛ bawo kɔnkɔ-fitinɛ ara duninya-mɔgɛ bɛɛ tɔrɔ wati wo rɔ.

Ko-Dabirɛnu 44:14

Yuda anubɛ a na-kelen-nyɔgɛnu tara Yusufu wara bɔn la tumɛ min, anu ya anu sa dugi ma Yusufu kɔrɔ.

Ko-Dabirɛnu 45:26

Anu ke anu fa ma, anu ya a fɔ a ye ko, “Yusufu ye a kɛndɛ la, yo! Ado nfan, ale le kun-tigiyɛ la Iyipiti nyamanɛ bɛɛ kun na.” Yakoba siginɛ tora tantulan! A ma la anu na hali!

Ko-Dabirɛnu 45:8

“Woletɔ wole ma n nana yan fɔ Alla. A ya n ma kun-tigi la Iyipiti nyamanɛ bɛɛ kun na ka n ma Iyipiti mansɛla kandɛ la. Iyipiti mumɛ bɛɛ ye nde le bolo.

Ko-Dabirɛnu 48:12

Yusufu ya ala dan wonu bɔ a fa kian kuma ka a laburun a ma dugi ma a fa kin kɔrɔ.

Hɛnkilimaya-Kumɛnu 11:26

Mɔgɛ min si dɔn-fan lamara, a ti a mayira fɔ a dɛ wa gbɛlɛya, mɔgɛnu si wo tigi danka. Kɔnɔ hinɛ ye mɔgɛ min tɔ, wo ti atɛ lamara fɔ ka a mayira kɔnkɔtoenu ma.

Aiseya 60:14

Mɔgɛ minnu bara i matanban nun, wonu si anu maburun i kɔrɔ. I sɔgɛ labɔnɛ minnu na, wonu si na anu sa i kin kɔrɔ. Wonu si i kele ko, “Marita So-Karantan.” Wonu si i kele fanan ko, “Isirɛlata Alla-sɛnimɛ warɛ,” Yerusalɛm, kɔni.

Kɛwɔlɛnu 7:10

Alla ya a kandan ala tɔrɔyɛ bɛɛ rɔ. Yusufu sɔra Iyipiti mansɛ yakɔrɔ tumɛ min, Alla ya kɛ-nya-nyimɛ anubɛ hɛnkili di a ma. Mansɛ ya Yusufu ma kandɛ la ala nyamanɛ anubɛ ala denbayɛ bɛɛ kuma.

Lankɛnimayɛ 3:9

Nba, wo ni wo tole masɔ! Minnu bilanɛ Setanɛ fɛ, foninya-fɔlɛ le wonu na. Anu bi a fɔla ko Yahudiya le anu na kɔnɔ a sa wo nya. N si a ma, anu ni anu sa wo kin kɔrɔ wo madiya tinɛ. Anu dama si a lɔn ko wo di n ye.

1 Samuwɛli 20:41

Dennɛ wo bɔnɛ nyɔ rɔ, Dawuda bɔra farɛ wonu kɔma. A ya a maburun dugi ma Yonatan kɔrɔ iko sawa. Anu ya anu bole sa anu nyɔgɔn kan ma ka anu nyɔgɔn kɔndɔn ka di. Kɔnɔ Dawuda, wo le dira belebele-wɛ-kɛ.