Ko-Dabirɛnu 42:28 - ALLALA KUMƐ

²⁸ A ya a fɔ a na-kelen-nyɔgɛnu ye ko, “Anu ya nta wodi lasɛgi nna bɔrɛ rɔ. Wo na a mafɛlɛn ba.” Anu yisi gbalata ka kilan. Anu ko, “Alla ara nfen ma ma la kɛ la?”

Ko-Dabirɛnu 42:28 ပူးပေါင်းရင်းမြစ်များ

Ko-Dabirɛnu 27:33

A fa yɛrɛyɛrɛnta, a ko, “Mɔgɔ yon ya soge nyini ka na a la n ye? N bara ban wota soge dɔnna, ado n bara ban duwala wo ye fanan. Ila duwɛ wo ara to wo bolo habadan!”

Ko-Dabirɛnu 42:29

Anu nara anu fa Yakoba wara Kenan nyamanɛ rɔ tumɛ min, koe min bɛɛsi mara anu na anuna tagama wo rɔ, anu ya anu dantɛgɛ anu fa Yakoba ye.

Ko-Dabirɛnu 42:36

Anu fa ya a fɔ anu ye ko, “A sɔgɛ ye wole la, n ni foo nna dan dama la, wa? Yusufu sa tun, Simiyɔn sa tun. A sɔgɛ ye wole la, wo ni ta Bɛnyamɛ fanan na? Tɔrɔyɛ kɛ damasi ara sigi nde le la.”

Ko-Dabirɛnu 43:23

Wɔli-kɛlɛ wo ya a fɔ anu ye ko, “Wo ni wo yisi-kimɛ. Wo kana kilan. Wobɛ wo fata Alla, wo le ya nɔnfuli di wo ma wola bɔrɛnu tɔ. Wo ya wola dɔn-fen-sɔnkɛ minnu nabɔ, wo donta nde le bolo nun.” Wo kɔma, wɔli-kɛlɛ wo ya Simiyɔn nabɔ yele la.

1 Mansɛnu 10:5

Mansɛ ye dɔn-fen-sufa min dɔnna ala tebulu kuma, musi wo ya wonu yen a yɛ la min kɛ, a yɛ bɔra wonu na ka kawa. A ya ala mɔgɔ-banu sigi-bole yen anu sansan-yili ma tebulula foolɛ rɔ nya min, a yɛ bɔra wonu fanan na ka kawa. Wo kɔma, a ya mansɛla wɔli-kɛlɛnu makiri-nya anubɛ ala baan-bɔlɛnu yen nya min, a yɛ bɔra wonu fanan na ka kawa. Wo kɔma fanan, a tara Mari Bato-Bɔn la ka saraka-mintantɛnu yen Mansa Silamɛni ye minnu dila Mari ma nyɔ. A ya kɛ dama yen a yɛ la min kɛ, a kawara ha a ya a bole sa a dɛ la.

Yaburi 61:2

Hali n fɛ-yan n barɛ la, ado n bi yisi-tinyɛ rɔ, n si i tɔgɛ rakele. Ta n na kan-tina-latankanɛ rɔ

Keninteya-Siginu 5:6

Dɛla kɛ nna kei ye, n ma a yen. Yaga, a ara ta. A kuman-kan lamɔɛn-sɔgɛ ye n na. N ya n yɛ lakalan a ma kɔnɔ n ma a yen. N ya a rakele kɔnɔ a ma a labira.

Aiseya 45:7

A ko ale le ya pinpi ani fila waan dan. Ale le ye nala duwɛ anubɛ kasarɛ la. Ale Mari ko ale le wara kɛ dama ma.

Nimisa Koe 2:17

Mari ara a fɔ ko a ye min mala nun, a ara wo le ma kɛ la. A ara ban Yerusalɛm soe kasara-koe latɛgɛla nun, ado a ara wo le ma kɛ la gbɛ! A ara a ma, ma yogenu bara sewa bawo soe ara tinya.

Nimisa Koe 3:37

Yon si ke kumɛ fɔla, a ni bɔ-a-la, ni n Tigi Mari ma sɔn wo ma fɔlɔ nun, ba?

Saraka-Masɔlɛnuta Tɔnnu 26:36

“Wo tumɛ wo ye nyɔ rɔ, wo si to yutoyɛ rɔ. Hali fɔnyɔ wa yanba-kunyɛnu namaga, wo si wo buri a kɔrɔ. Wo si to wo burila ka bui kilan bolo. A mani de iko wo yogenu denu bi wo kɔma kilɛ la.

Emɔsi 3:6

Kɛlɛ-buri si fɛ soe burɔ, a ni to, mɔgɔ ma kilan? Soe do si halaki a nyɛrɛ ma, ni Mari ma sɔn min ma?

Luka 21:26

Min bi nala kɛla duninya bɛɛ rɔ, anu bi wo makɔnɔna. Mɔgɛnu kuma si kɔ ha anu ni kirɔn-a-la bawo san-koleta-sɛnbɛnu ta si maga ka bɔ anu gbɛ rɔ.

Tɔn-Fɔɛ-Fila-Nyɔgɛ 28:65

Wo tara wo sigi kan-bo-kan, wo ti yisi-kimɛ sɔrɔn nyɔ. Wo si ma yilan-yilantoenu na bawo wo ti wo sigi-tina-latelennɛ sɔrɔn wo nyɛrɛ ma. Mari si a ma, wo ni to hɔnna yigi-tɛgɛ bolo. Wo yisi si tinya bawo wo ye masibɛ kɔrɔ tuma-wo-tuma. Wo kumakɔnɛ si to kilan bolo su-ni-tele.