Ko-Dabirɛnu 42:22 - ALLALA KUMƐ

²² Anu kɔrɔ sarɛ Rubɛn ko, “N ma a fɔ wo ye nun ko ma kana ko-yogoma ma a la? Kɔnɔ wo ma wo tole masɔ n na. Kaka, male fanan bi nala matɛ sɔrɔnna ka a tɛgɛ ma dɔgɔ-kei wo faga-koe ma.”

Ko-Dabirɛnu 42:22 ပူးပေါင်းရင်းမြစ်များ

Ko-Dabirɛnu 4:10

Wo kɔma, Mari ko, “I wara nfen ma kɛ la? I tole masɔ! I dɔgɛ yele ye dila n dala ka bɔ dugi rɔ a tayili-sara-koe la.

Ko-Dabirɛnu 42:23

Hali kan-natenbilɛ ye anu tɛma nun kɔnɔ anu ma a lɔn ko anu bi min fɔla, Yusufu ara wonu namɔɛn.

Ko-Dabirɛnu 45:3

Yusufu ya a fɔ a na-kelen-nyɔgɛnu ye ko, “Wo na-kelen-nyɔgɛ Yusufu le nde la. Ha bi, n fa ye a kɛndɛ la?” A na-kelen-nyɔgɛnu ma ke a yabila kamasɔrɔn anu kun ma ara tɛgɛ. Anu ma a lɔn nun ni Yusufu le.

Ko-Dabirɛnu 50:15

Nba, Yusufu na-kelen-nyɔgɛnu ya a yen tumɛ min ko anu fa ara faga, anu ya anu nyɔgɔn manyinika ko, “Ma ya ko-yogomɛ minnu ma Yusufu la, ni a ya a tayili sara ma la, wo si ma kama?”

1 Mansɛnu 2:32

Mari si dunɛ wo sigi Yohabu kuma bawo a ya mɔgɔ-telenni fila faga, Nɛrila den Abina anubɛ Yɛtala den Amasa, kɔni. (Isirɛla mɔgɛnuna kɛlɛ-den-kunyɛ le Abina kɛ la nun. Yudala mɔgɛnuna kɛlɛ-den-kunyɛ le Amasa kɛ la nun.) N fa ma ko lɔn kɛnu faga-koe rɔ, ado mɔgɔ filɛ kɛnu fisa Yohabu ko.

1 Mansɛnu 2:33

Woletɔ dunɛ wo si to sigila Yohabu anubɛ ala kebilɛ kuma habadan! Kɔnɔ Mansa Dawuda anubɛ ata kebilɛ minnu bi sigila a gbɛ rɔ, wonu si to yisi-kimɛ sɔrɔnna Mari bolo habadan!”

2 Ko-Kɔrɔta-Karan 24:22

Hali ka a miri Sakaraya fa Saraka-Masɔla Yɛhoyadala wɔli-nyimɛ ma, a ya min ma a ye, a ma wo ma. Sakaraya ye fagala tumɛ min, a ya a dɛ sa-a-rɔ, a ko, “Wo ye minnu mala n na kɛ la, alamɛ Mari ya wo yen. A ni wole fanan tɔrɔ.”

Yaburi 9:12

Alla fonde ye mɔgɔ-tɔrɔnɛnu ko. A si a wɔlɔ matɔlɔ anu di-kɛ-kan la ka wonu tɔrɔ minnu bi ata mɔgɔ-tɔrɔnɛnu yakɔrɔ-mamɔla.

Isikiyɛli 3:18

Ni n ya a fɔ ko karagbɛlɛ do ye nala fagala, ile ma sɔn tala wo makawandila alako a ni bɔ a sɔn-yogomɛ wo da la ka kisi, ni wo fagara ko-yogomɛ wo kun na, ile hadama-dan gbɛ le wo la, ado n si i bira wo yili la, yɔ!

Luka 23:41

Anu bi male tɔrɔla mala ko-yogomɛla ko la kɔnɔ ale ma fenfen ma!”

Kɛwɔlɛnu 28:4

Nyɔ-dugurannu ya fɔnfɔnɛ dunnɛ yen Pɔli bole la. Anu ya a fɔ anu nyɔgɔn ye ko, “Mɔgɔ-fagalɛ le kei kɛ la feu! Nba, hali a ara kisi kɔgɔ-yi ma kɔnɔ bɛsɛ min bi ko-latelennɛ kun na, wo ti sɔn a ni beli.”

Romu 2:15

Anu kɛ-nya si a yira ko tɔn-kitabu wara-koe sɛbɛnɛ anu yisi rɔ. Anu sɔndɔmɛ fanan bi sereyɛ bɔla ko tonyɛ le wo la. Wo ye mala bawo wati do, anu nyɛrɛ miriya si anu yiliki. Wati-gbɛrɛ, anu miriya si anu fɛka.

Lankɛnimayɛ 13:10

Min si ma yɔɔn la, wonu si ma yɔɔn la serr! Min si faga, wonu si faga serr! Allata mɔgɛnu ni anu munyu ka to dɛnkɛninyɛ rɔ koe kɛ bɛɛ rɔ.)

Lankɛnimayɛ 16:9

Tele-wuyan wo ya mɔgɛnu mintan. Sarati ye Alla min bolo fitinɛ kɛnu kuma, mɔgɛ kɛnu ya ale Alla tɔgɛ rasɛ. Kɔnɔ anu ma anu kɛ-nyanu yɛlɛma ka Alla tanto ala gbiliyɛla ko la.

1 Samuwɛli 19:4

Wo wulun sɔgɔma, anubɛ a fa sɔra gbɛkole ma min kɛ, Yonatan ya Dawuda matɔgɔ a fa ye nyɔ ka a tanto. A ko, “N fa, i yandi, i kana ko-yogoma ma ila kɛlɛ-den-kunyɛ Dawuda la. Lun-kelen-bɛrɛn, a ma ko-yogoma ma i la, ado nfan, a ara koe min bɛɛsi kɛ, wonu bara i dɛnbɛ.