Ko-Dabirɛnu 42:13 - ALLALA KUMƐ

¹³ Anu ko, “Ma siginɛ Kenan nyamanɛ le tɔ. Ma den mɔgɔ tan-ni-filɛ le nun. Mɔgɔ kelen bara faga ma rɔ. Ma ara ma dɔgɛ to ma fa fɛ nyɔ.”

Ko-Dabirɛnu 42:13 ပူးပေါင်းရင်းမြစ်များ

Ko-Dabirɛnu 37:30

A tara a dɔgɛnu bara ka anu manyinika ko, “N ma Yusufu taran kɔlɔn rɔ. Nde si nfen ma kɛ rɔ?”

Ko-Dabirɛnu 42:11

Kei-kelen-dan le male la. Mɔgɔ-latelennɛ le male la. Nyamani-lakɔrɔsila ma ma la feu!”

Ko-Dabirɛnu 42:12

Yusufu ya a fɔ anu ye ko, “Wo ye foninyɛ le la. Wole nara le ka mala nyamanɛ kɛ da masa tinɛ lɔn, yɔ!”

Ko-Dabirɛnu 42:14

Yusufu ya a fɔ anu ye ko, “Iko n bara a fɔ nya min, wo nara ko-lakɔrɔsi-tinɛ le, yɔ!

Ko-Dabirɛnu 42:32

Ma ya a fɔ a ye ko, ‘Ma den mɔgɔ tan-ni-filɛ le nun.’ Ma ya a fɔ ko, ‘Kei-kelen-dan le male la.’ Ma ya a fɔ a ye tun ko, ‘Mɔgɔ kelen bara faga ma rɔ. Ma dɔgɛ tora ma fa fɛ Kenan nyamanɛ rɔ.’ ”

Ko-Dabirɛnu 42:36

Anu fa ya a fɔ anu ye ko, “A sɔgɛ ye wole la, n ni foo nna dan dama la, wa? Yusufu sa tun, Simiyɔn sa tun. A sɔgɛ ye wole la, wo ni ta Bɛnyamɛ fanan na? Tɔrɔyɛ kɛ damasi ara sigi nde le la.”

Ko-Dabirɛnu 42:38

Kɔnɔ Yakoba ko, “Ndeta dan kɛ, wo ti ta wo fɛ mumɛ! A na ya anu mɔgɔ fila pe le sɔrɔn. A kɔrɔ ara sa. A kelen pe le tonɛ gbɛ! Ni ko mara a la wola tagama rɔ, wo si a ma, n kɔrɔyanɛ ni faga yisi-tinya bolo.”

Ko-Dabirɛnu 43:29

Yusufu ya a yɛ lata tumɛ min, a ya a tagbara-sɛ Bɛnyamɛ yen. A ko, “Wo dɔgɔ-laban le kɛ la wo ya min bara-koe fɔ n yala?” A ya a fɔ Bɛnyamɛ wo ye ko, “Nna den, alamɛ Allata duwɛ tora i fɛ, yo!”

Ko-Dabirɛnu 43:7

Ala dan wonu ya a fɔ a ye ko, “Kei wo ya ma manyinika ma fa anubɛ mala denbayɛla ko ma. A ya ma manyinika ko, ‘Wo fa ye a kɛndɛ la? Wo dɔgɛ do ye nyɔ?’ Ma si a to ma ma nyinikalɛ wonu yabi? Ma ma a lɔn nun ni a si a fɔ ko ma ni ta ma dɔgɛ kɛ la.”

Ko-Dabirɛnu 44:20

Ma ya a fɔ i ye ko ma fa-kɛmɔgɛ ye nyɔ. Ma ya a fɔ tun ko ma dɔgɔ-kei ye nyɔ, ma fala kɛmɔgɔ-dan, kɔni. Ma ya a fɔ i ye fanan ko ma dɔgɛ, wo kɔrɔ-keminɛ ara faga. Ale kelen pe le tonɛ gbɛ a na buyi rɔ, ado a di ma fa ye kati!

Ko-Dabirɛnu 44:28

A ara bɔnɔ mɔgɔ kelen tɔ. A ko a manɛ iko sogo-yogomɛ le ya a rafarafara bawo a ma a yen wo kɔma tun.

Ko-Dabirɛnu 45:26

Anu ke anu fa ma, anu ya a fɔ a ye ko, “Yusufu ye a kɛndɛ la, yo! Ado nfan, ale le kun-tigiyɛ la Iyipiti nyamanɛ bɛɛ kun na.” Yakoba siginɛ tora tantulan! A ma la anu na hali!

Yɛrɛmaya 31:15

Mari ko sɔnkɔ-sɔnkɛ anubɛ di-kɛ-kan bɔra Rema soe burɔ. Resɛli ye dila ala dannuna ko la. A ye dila, ado a ma ti diya bawo anu bara ala dan bɛɛ faga.

Nimisa Koe 5:7

Ma benba minnu bara faga, wonu ya hakɛ min kɛ, male ye wo le tɔrɔyɛ kun na kɛ la kaka.

Matiyu 2:16

Hɛrodi ya a lɔn tumɛ min ko tele-bɔ-hɛnkilimɛnu bara a yanfa, a yisi bɔra bɛrɛkɛ! A ya a fɔ ko den-kei min bɛɛ ye Bɛtalehɛm soe burɔ anubɛ a dafɛ-soenu tɔ, a ko dan minnu sɔrɔn ma tenbi san fila la, wo bɛɛ ni faga. Hɛnkilimɛnu ya lole wo yen wati min, ale Hɛrodi ya san-fila-koe wo latɛgɛ wola ko la.

Matiyu 2:18

“Ma ya diyi-kɛ-kan anubɛ sɔnkɔ-sɔnkɛ lamɔɛn Rema soe burɔ. Resɛli ye dila ala dannuna ko la. A ye dila, ado a ma ti diya bawo anu bara ala dan bɛɛ faga.”