Ko-Dabirɛnu 41:8 - ALLALA KUMƐ

⁸ Kiyo wonu ya mansɛ lafili pirikali! Wo wulun sɔgɔma, mansɛ wo ya kilayɛnu tanyɛnsɛn ala nyamanɛ rɔ ka hɛnkilimɛnu anubɛ nya-nyini-kɛlɛnu kele. Ale Iyipiti mansɛ ya ala kiyo rakaran anu ye kɔnɔ ala nyamanita-mɔgɛ wonu fenfen ma ke ala kiyo wonu kɔrɛ fɔla a ye.

Ko-Dabirɛnu 41:8 ပူးပေါင်းရင်းမြစ်များ

Ko-Dabirɛnu 40:6

Sɔgɔma, Yusufu donta anu kuma, a ya anu taran, anu yisi magboyanɛ.

Ko-Dabirɛnu 40:8

Anu ya a fɔ a ye ko, “Ma ara kiyo sa su-tenbinɛ kɔnɔ mɔgɔ sa yan min si mala kiyo wonu kɔrɛ fɔ ma ye.” Yusufu ya a fɔ anu ye ko, “Alla le si kiyo kɔrɔ-takaran-hɛnkili di mɔgɛ ma. Wo kiyora nfen na?”

Ko-Dabirɛnu 41:15

Mansɛ wo ya a fɔ Yusufu ye ko, “N bara kiyo min sa, mɔgɔ-wo-mɔgɔ ma ke nna kiyo wo kɔrɛ fɔla n ye. Kɔnɔ n bara ile wara-koe lamɔɛn ko ile si ke le ka mɔgɛnuna kiyo kɔrɛ rakaran.”

Ko-Dabirɛnu 41:24

Nyɔ-sɔnfɔlɔn wɔrɔnfilɛ wonu ya nyɔ-kunba wɔrɔnfilɛ wonu nakunu salon! Kɔnɔ n ya kiyo kɛnu takaran hɛnkilimɛ anubɛ nya-nyini-kɛlɛnu ye kɔnɔ anu fenfen ma ke kiyo kɛnu kɔrɛ fɔla n ye.”

Ko-Dabirɛnu 41:7

Nyɔ-sɔnfɔlɔn wɔrɔnfilɛ wonu ya nyɔ-kunba wɔrɔnfilɛ wonu nakunu. Mansɛ kundenta tun, a ko, “Yaga, n bi kiyo la nun kɛ?”

Yaburi 25:14

Ile Mari diyana-mɔgɛ le tɔn-biralɛnu na. I ye ita sarama-kan yirala anu na.

Bɔ-Koe-Iyipiti 7:11

Mansɛ ya ala hɛnkilimɛnu anubɛ kofo-dannu kele. Ale mansɛla kofo-dannu fanan ya a ma wo nya na le anuta kofo-denyɛ rɔ.

Bɔ-Koe-Iyipiti 7:22

Ale mansɛla kofo-dannu fanan ya a ma wo nya anuta kofo-denyɛ rɔ. Hali wo, mansɛ yisi gbɛlɛyara ka tenbi a fila nyɔgɛ la. A ma sɔn Musa anubɛ Arunata kumɛ birala. Iko Mari ya a fɔ nya min, Mari kuman-kan bɔra-a-la.

Bɔ-Koe-Iyipiti 8:7

Mansɛla kofo-dan wonu fanan ya anu sanka Aruna ma anuta kofo-denyɛ rɔ ka turukɔɔkɔ donu nana Iyipiti nyamanɛ rɔ.

Bɔ-Koe-Iyipiti 9:11

Mansɛla kofo-dan wonu ma ke anu sɔla Musa yakɔrɔ sumunɛ wonuna ko la kamasɔrɔn sumunɛ sigira kofo-dan wonu ma anubɛ Iyipiti mɔgɛ bɛɛ.

Aiseya 19:3

Koe min bɛɛ rabɛnnɛ Iyipiti kɛnu bolo, a si wonu tinya anu ma pɔ! A si kumakɔɛ ladon anu tɛma. Anu si anuna bɛsɛnu madiya alako wonu ni anu dɛnbɛ. Anu si ta bolo-tafɛlɛnna-su bɛɛ wara alako wonu ni hɛnkili di anu ma.

Aiseya 29:14

Woletɔ a ko a si to anu mabanna fitina-gbesili la. Minnu hɛnkili kolo, a ko wonu si ma kun-takolɔn la. Anuna kɛwuyɛ bɛɛ si ma fufafuyi la.

Aiseya 8:19

Mɔgɛnu bi a fɔla wo ye ko wo ni yi-kɔrɔ-fɛlɛnnɛnu manyinika alako wo ni hɛnkili sɔrɔn anu bolo, ado anu bi huma-humana dɔrɔn. Mɔgɛnu bi a fɔla ko, “A kin mɔgɛnu ni furi manyinika kɛndɛwagɛnuna ko la.”

Daniyɛli 1:20

Mansɛ kɛ wa nyinikalɛ sa, ni wo ma, ka hɛnkili nyini tuma-wo-tuma, mɔgɔ nanɛ kɛnu si wo nya-yen ka tenbi nyɔ-bolo-tafɛlɛnnɛnu anubɛ nyɔ-durinu na nyamanɛ wo bɛɛ rɔ pirr!

Daniyɛli 4:18

“Nde, Nɛbukanasa ya kiyo min sa, wo le kɛ la. N ya a fɔ Daniyɛli ye ko a ni nna kiyo kɛ kɔrɛ fɔ n ye. Nyamani-hɛnkilimɛnu, wo do-wo-do ma ke a kɔrɛ fɔla n ye fɔ ale Daniyɛli bawo ale Allata sɛnbɛ anubɛ nyinɛnutɛ ye a fɛ.”

Daniyɛli 4:19

Mansɛ ya a fɔ tun ko, “Daniyɛli min tɔgɛ fanan Bɛlitisasa, wo ya kiyo wo kɔrɛ lɔn tumɛ min, a kilanta. A ma ke fenfen fɔla wati-kundi wo kɔrɔ. Nde, mansɛ ya a fɔ a ye ko a kana kilan kiyo wo kɔrɛ rakaranna n ye. “Ale Daniyɛli ya a fɔ n ye ko a fisa nun, kiyo kɛ kɔrɛ ni sigi n yogenu denu na.

Daniyɛli 4:5

N tara n sa tumɛ min, n ya ko-rayen min kɛ nna kiyo rɔ, wo ya n kumakɔ kilan bolo.

Daniyɛli 4:6

Wo kɔma, n ya n hɛnkilimɛ bɛɛsi kele minnu bi Babilɔn nyamanɛ kɛ rɔ alako wonu ni nna kiyo wo kɔrɛ fɔ n ye.

Daniyɛli 4:7

Durinu anubɛ bolo-tafɛlɛnnɛnu anubɛ hɛnkilimɛnu nara. N ya nna kiyo rakaran anu ye min kɛ, anu ma ke a kɔrɛ fɔla n ye.

Daniyɛli 5:11

Mɔgɛ do ye ila nyamanɛ kɛ rɔ, ale Allata sɛnbɛ anubɛ nyinɛnutɛ ye min fɛ. I fa ye mansayɛ la tumɛ min, kei wo ya hɛnkili-nyimɛ labɔ. Ala ko-lɔn mani de iko ale Allata sɛnbɛ anubɛ nyinɛnutɛ ye nya min. I fa Nɛbukanasa ya ale kei ma a durinu anubɛ a bolo-tafɛlɛnnɛnu anubɛ a hɛnkilimɛnuna kun-tigi la.

Daniyɛli 7:28

“N ya koe min bɛɛsi yen nna kiyo rɔ, wo le kɛ la. N kilanta furr, ha n mɔlɔkɔnta kɔnɔ n ya a bira n tɔ.”

Daniyɛli 8:27

Ka a tɛgɛ nde, Daniyɛlita ko-rayen kɛnu ma, a ya tele-siyaman bɔ n mankulan bɔnɛ n ma. Wo kɔma, Mansa Bɛlisasa wo ya n sɔ wɔli min na, n tara wo kɛ tinɛ. Kɔnɔ hali wo, ko-rayen wo ya n kɔndɔfili. N ma ban nun a nya-yenna.

Saraka-Masɔlɛnuta Tɔnnu 19:31

“Ni a sɔgɛ ye mɔgɛ do la ka a nyɛrɛ fɛ-koe lɔn, a kana ta ke yi-kɔrɔ-fɛlɛnnɛnu ma wa bolo-tafɛlɛnnɛnu. Ni min ya wo ma, wo tigi-sɛninyabɛlɛ si to. Nde, wota Mari Alla ya kɛ le fɔ wo ye.

Saraka-Masɔlɛnuta Tɔnnu 20:6

“Mari ko wo kana ta ke yi-kɔrɔ-fɛlɛnnɛnu ma ka hɛnkili sɔrɔn anu bolo. A ko ni min ya wo ma, a si a kan-kɔ sɔ wo tigi la. Mari ti a miri ko atɛ le wo mɔgɔ sufa la tun.

Habakuku 3:16

N ya kɛ damasi lamɔɛn tumɛ min, n kumakɔra. N da-gbole tora yɛrɛyɛrɛnna kumakɔɛ bolo. N kolenu mara yɔrɔyɔrɔ! N kiannu tora yɛrɛyɛrɛnna n kɔrɔ sigisigi! Kɔnɔ n si n tade ka ma yogenu tɔrɔ-tele makɔnɔ Mari bolo.

Matiyu 2:1

Yisa sɔrɔnta Bɛtalehɛm soe burɔ Yudiya nyamanɛ rɔ wo tumɛ Hɛrodi ye mansayɛ la nyɔ kun na. A ma mɛ wo kɔma, minnu ya lolenu-karan lɔn, wo donu bɔra tele-bɔɛ ka na Yerusalɛm.

Kɛwɔlɛnu 17:18

Ɛpikuriyannu anubɛ Sitowikanuna karan-mɔgɛ donu ya a sɔsɔ. Donu ko, “Karanbɛlɛ nyɛrɛ-mayiralɛ kɛ ye a rayala ka nfen fɔ?” Donu ko fanan, “A manɛ iko a ye kumala mɔgɔ-gbɛrɛnuna allanuna ko la.” Anu ya kɛ fɔ bawo Pɔli ye kawandili bɔla Yisala ko la nun anubɛ mɔgɔ-lawuli-koe ka bɔ furinu tɛma.

Kɛwɔlɛnu 7:22

A karanta Iyipiti kɛnuna hɛnkili bɛɛ la. A si kuma nya min wo, a si ko ladan nya min wo, a mara mɔgɔ-ba la wo bɛɛ rɔ.

1 Kɔrɛnti 1:19

ado a sɛbɛnɛ Allala kitabu rɔ ko, “N si hɛnkilimɛla hɛnkili tinya ka mɔgɔ-karannɛnuta lɔnnɛ ma fuyi la.”

1 Samuwɛli 6:2

anu ya anuna bɛsi Degɔnta saraka-masɔlɛnu anubɛ anuna bolo-tafɛlɛnnɛnu kele. Wonu nanɛ, anu ya a fɔ wonu ye ko, “Ma si nfen ma Marila tɔn-kenkirɛ kɛ la? Ni ma ye a lasɛgila a tiginu ma, ma si nfen sa a kuma?”