Ko-Dabirɛnu 41:51 - ALLALA KUMƐ

⁵¹ A fɔlɔtɛ sɔrɔnta tumɛ min, Yusufu ko, “Alla ara a ma, n fala denbayɛnu ya koe min ma anubɛ nta tɔrɔyɛ, n bara nyina wonu ko. Woletɔ nna den-kei-sarɛ kɛ tɔgɛ le Manasa bawo tɔgɛ wo kɔrɛ le iko mɔgɔ wa a fɔ ko, ‘Ka nyina.’ ”

Ko-Dabirɛnu 41:51 ပူးပေါင်းရင်းမြစ်များ

Ko-Dabirɛnu 41:30

Wo kɔma san wɔrɔnfila, kɔnkɔ-fitinɛ burunnɛ Iyipiti nyamanɛ kuma bɛff! San wɔrɔnfilɛ wonu, kɔnkɛ wo si a ma, mɔgɛnu ni nyina san wɔrɔnfila diyanɛ wonu ko. Kɔnkɔ-fitinɛ si nyamanɛ kɛ tinya.

Ko-Dabirɛnu 41:50

Yanni san wɔrɔnfilɛ wonu kɔnkɔ-fitinɛ ni na Iyipiti nyamanɛ rɔ, Asɛnati ya den-kei fila sɔrɔn Yusufu ye.

Ko-Dabirɛnu 41:52

Den-kei fila nyɔgɛ sɔrɔnnɛ, Yusufu ko, “Alla ara a ma, n bara yiri tɔrɔya-nyamanɛ kɛ rɔ.” Woletɔ a ya dan wo tɔgɔ sa Ifɛrɛm bawo tɔgɛ wo kɔrɛ le iko mɔgɔ wa a fɔ ko, “Yiri.”

Ko-Dabirɛnu 48:1

A ma mɛ kɛ kɔma, anu ya a fɔ Yusufu ye ko a fa ma kɛndɛ. A tara ala den-kei filɛ la a bolo, Ifɛrɛm anubɛ Manasa ka ta a fa Yakoba kɔndɔn tinɛ.

Ko-Dabirɛnu 48:5

Yakoba ya a fɔ Yusufu ye tun ko, “Ila den filɛ Ifɛrɛm anubɛ Manasa i wara minnu sɔrɔn Iyipiti nyamanɛ rɔ kɛ la, ntɛ le wonu na iko ntɛ le i kɔrɔ Rubɛn anubɛ i kɔrɔ Simiyɔn na nya min.

Yobu 11:16

Tɔrɔyɛ min bɛɛsi ye i ma, i si i sɔrɔn wonu na. Ila tɔrɔyɛ wo si ma iko yi min bi tenbila suyi rɔ.

Yaburi 30:11

I wara nna diyi yɛlɛma n ye sewɛ la. I wara di-kɛ-bɔrɛ bɔ n kan na ka sewa-bɔrɛ don n kan na wo gbɛ rɔ.

Yaburi 30:5

Ala fondo-bɔɛ mani de iko ya-makeri kelan kɔnɔ dan sa ala nyimayɛ wo la. Ya-yi si to yigila suyi rɔ kɔnɔ sɔgɔma, diyi wo si a laban a bolo nyagalan ma.

Yaburi 45:10

Ile mansala kɔnya-kurɛ, i tole masɔ nta kumɛ kɛ la. I ni nyina ita mɔgɛnu ko hali i fata kebilɛ.

Hɛnkilimaya-Kumɛnu 31:7

Anu ni anu min alako anu ni nyina anuna tɔrɔyɛnu ko.

Aiseya 57:16

A ko a ti to wo kɛlɛla. A ti kɔrɔtɔ wo ma. Ni a tora wonu mala wo la, hadama-dan bɛɛ si firan dugu-kole ma. A ya sɔndɔmɛ min bɛɛ ladan, a ti wo bɛɛ lato dogbe!

Aiseya 65:16

Nba, min ya duwɛ sɔrɔn dugi ma, wo tigi ara duwɛ sɔrɔn Alla, tonya-tigi le bolo. Ni min ya a gboro dugu-kole kuma, wo tigi ara gboro Alla tonya-tigi le tɔ. Kɛnu bara ma bawo ma la ara nyina tɔrɔya-kɔrɔmɛnu na. A ko a si tɔrɔyɛ wonu masɛgi wo la.

Yilan-Yilan Koe 26:28

Yusufu ya den-kei mɔgɔ fila sɔrɔn. Kelan tɔgɛ le Manasa. A fila nyɔgɔn tɔgɛ le Ifɛrɛm. Mɔgɔ filɛ wonu mara bɔnsɔn-kun-tiginu na.

Tɔn-Fɔɛ-Fila-Nyɔgɛ 33:17

Fanka ye Yusufu bɔnsɔn-mɔgɛnu na iko turɛ. A bɔnsɔn filɛ, Manasa anubɛ Ifɛrɛm, wonu tagbɛlɛ iko sigi-kere. Manasa bɔnsɔn kɛlɛ-den waga siyamɛnu anubɛ Ifɛrɛm kɛlɛ-den waga tan-tannu, wonu si anu yogenu kɛlɛ ka anu tasɔgɔ-sɔgɔ iko sigi-dalamɛ si mɔgɛ rasɔgɔ nya min. Hali minnu fɛ-yan anu na, anu si ta wonu gbenna ka anu nato dogbe!”

Yasowa 14:4

Yusufu bɔnsɔn fanan farata bɔnsɔn fila la, Ifɛrɛm anubɛ Manasa. Musa ma nyamani-fenfen di Lifayi bɔnsɔn ma, fɔ kan-tina-kundunɛnu anuna kolo-fannu si anu de-nyini kan min anubɛ soe donu anu si sigi kan min.

Yasowa 17:1

Manasala den-kei-sarɛ Makiri ya dan do sɔrɔn min tɔgɛ Kaliyadi. Makiri wola kebilɛ ya Kaliyadi anubɛ Basan nyamanɛ sɔrɔn Yorodan bɛ kɔma tele-bɔɛ wara la bawo kɛlɛ-kurugbɛ le ale la nun.

1 Samuwɛli 1:20

A ya buyi bi. Wati tenbinɛ, a ya dan sɔrɔn, den-kei. A ya dan wo tɔgɔ sa Samuwɛli bawo tɔgɛ wo kɔrɛ le, “A matarata Mari le ma.”