Ko-Dabirɛnu 41:45 - ALLALA KUMƐ

^45-46 Mansɛ ya tɔgɔ-kurɛ di ale Yusufu ma, a ko, “I tɔgɛ le gbɛ ‘Duninya-Kisilɛ.’ ” Mansɛ ya Asɛnati furu Yusufu ye ka a di a ma. Asɛnati wo fa Pɔtifɛra le saraka-masɔ-wɔlɛ kɛla Iyipiti bɛsɛnu ye Hɛliyapolisi soe burɔ. Yusufu-sɔrɔn ya san bi-sawa bɔ tumɛ min, a nara to sɔ tinɛ wo sɔrɔnna Iyipiti nyamanɛ rɔ. Yusufu ya ala wɔlɛ dabira ka Iyipiti nyamanɛ ratagama.

Ko-Dabirɛnu 41:45 ပူးပေါင်းရင်းမြစ်များ

Ko-Dabirɛnu 14:18

Selam so-tigi Mɛlikisidaki nara biredi anubɛ nɔnbɔ-gbɔ-yi la Burama ye. Alla Min Bi Fan Bɛɛ Kun Na, wola saraka-masɔlɛ do le Mɛlikisidaki kɛ la.

Ko-Dabirɛnu 41:50

Yanni san wɔrɔnfilɛ wonu kɔnkɔ-fitinɛ ni na Iyipiti nyamanɛ rɔ, Asɛnati ya den-kei fila sɔrɔn Yusufu ye.

Ko-Dabirɛnu 46:20

Wo tumɛ Yakobala den Yusufu ye Iyipiti, ala musi Asɛnati ya den-kei mɔgɔ fila sɔrɔn a ye, Manasa anubɛ Ifɛrɛm. Pɔtifɛra min bi saraka-masɔ-wɔli kɛla Iyipiti bɛsɛnu ye Hɛliyapɔlisi soe burɔ, wola den-sɔrɔnnɛ le Asɛnati wo la.

2 Samuwɛli 20:26

Aira min bɔra Yeyaya soe burɔ, saraka-masɔlɛ do le wo fanan na.

2 Samuwɛli 8:18

Yɛhoyadala den Bɛnaya, wo le ye Mansa Dawuda makandannɛnu kun na. Mansa-makawandilɛ le mansɛla den-keinu na.

Bɔ-Koe-Iyipiti 2:16

Kei min taranta saraka-masɔ-wɔli kɛla Midiyan nyamanɛ rɔ nyɔ, wo tɔgɛ le Yɛtiro. Wola dunmusu mɔgɔ wɔrɔnfila nara yi-bi-tinɛ kɔlɔn wo rɔ. Anu ya yi do kɛ miran rɔ alako anu fala sagɛnu ni anu min.

Yɛrɛmaya 43:13

Iyipiti mɔgɛnu bi tele kɔla kan min, kuru-lɛsɛnɛ minnu gbili anu ma nyɔ, Babilɔn mansɛ si kuru-lɛsɛnɛ wonu tatii ka anuna kɔ-tinɛ wonu mintan.”

Isikiyɛli 30:17

Hiliyapolisi so-burɔ-keminɛnu wo, Bubasiti so-burɔ-keminɛnu wo, wonu kunyɛ si to kɛlɛ rɔ. Anuna mɔgɛ toenu si to biralɛ rɔ.

Daniyɛli 1:7

Anu karan-mɔgɛ ya tɔgɔ-kura sa anu kuma. A ya Daniyɛli tɔgɔ yɛlɛma Bɛlitisasa. A ya Hananaya tɔgɔ yɛlɛma Sadiraki. A ya Misiyɛli tɔgɔ yɛlɛma Mɛsaki. A ya Asaraya tɔgɔ yɛlɛma Abɛdinigɔ.

Luka 2:1

Kun-tigi-ba Ɔgasita min bi Romu nyamanɛ kun na, wo wati rɔ, a ya tɔn sigi ko ala nyamanita-mɔgɛ bɛɛ tɔgɛ ni sɛbɛ.

Kɛwɔlɛnu 11:28

Kelen bi anu tɛma min tɔgɛ Agabasi, wo ya a sɔ ka wɔlɔyiyɛ kɛ Allata Ni-Sɛnimɛ sɛnbɛ baraka rɔ ko kɔnkɔ-fitinɛ ye nala duninya bɛɛ rɔ. (Wo kɛra wo tumɛ Kaladiyasi ye Romu nyamanɛ kun-tigiyɛ la.)