Ko-Dabirɛnu 41:42 - ALLALA KUMƐ

⁴² Ale mansɛla mandan ye ala dɛɛn-kɔlɔnɛ min ma, a ya wo bɔ a bole la ka a don Yusufu bole la. A ya fɛrɛya-bɔ-hakikɛnu di a ma ka sɛnɛ-yɔlɔkɛ don a kan na.

Ko-Dabirɛnu 41:42 ပူးပေါင်းရင်းမြစ်များ

Ko-Dabirɛnu 38:18

Yuda ko, “A sɔgɛ ye ile la, n ni nfen tuluma sigi i ma?” A ko, “Ila kan-na-fan wo, fan min si a tamasere to fan ma wo, anubɛ ila sewuri, fen sawɛ wonu ni to n bolo.” Yuda ban wonu donna a bolo, a ya a sa a fɛ. Ki-n-barɛ-kelan, wo mara dan la Temara bolo. A ya buyi bi.

Ko-Dabirɛnu 41:43

A ya mansɛla kandɛya-kirindi don a bolo ka ale Yusufu yira ala nyamanita-mɔgɛnu na. Anu tara kan-bo-kan, anu si a mayon ko, “Wo ni wo nyɛnkin! Wo ni wo nyɛnkin!” Yusufu taranta kun-tigiyɛ la wo nya na le Iyipiti nyamanɛ rɔ.

Ɛsita 10:3

Mɔdekɛyai Yahudiya kɛ, ale le manɛ mansɛ wo kan-kɔrɔ-sigilɛ la, ado a di a ta-nyɔgɛ Yahudiyanu ye. Anu ma a wara-koe sa fi fila rɔ. A wɔlita a kin na alako ala mɔgɛnu anubɛ anu kegeyɛnu ni sigi anu diya.

Ɛsita 3:10

Mansɛ fanan ya ala mansaya-dɛɛn-kɔlɔnɛ bɔ a bole la ka a don Yahudiyanu yogo Heman bolo. Dɛɛn-kɔlɔnɛ wo le si a yira ko mansɛ kan le wo la.

Ɛsita 3:12

San wo karɛ fɔlɛ, a tele tan-ni-sawa nyɔgɛ ma, Heman ya mansɛla kɛdi-sɛbɛlɛnu kundɛn. A ya sereya do latenbi anu ma alako anu ni a sɛbɛ bɛɛta kan rɔ iko bɛɛta kan si sɛbɛ nya min. Anu ba ban a sɛbɛla, anu ni a don kun-tiginu anubɛ mɔgɔ-ba-malɔnnɛnu bolo nyamanɛ wo tonke bɛɛ rɔ. Anu ya wonu sɛbɛ mansɛ tɔgɔ rɔ. Anu ya mansɛla dɛɛn-kɔlɔnɛ wo bi ka wo mandan sa kɛdi wonu ma.

Ɛsita 8:10

Mɔdekɛyai ya a ma, anu ya a sɛbɛ Mansa Sakasi tɔgɔ rɔ ka ala mansaya-dɛɛn-kɔlɔnɛ-mandan sa kɛdi wonu ma. So-laburilɛnu ya mansɛla so-buri-kɛla-wɛnu bi ka ta kɛdi wonu to anu to tinɛnu tɔ.

Ɛsita 8:15

Mɔdekɛyai bɔmatoe mansɛla bɔn la ala mansaya-duruki min bi a kan na, a gbɛmɛ anubɛ a bilolamɛ le. Kura-hakika-finyɛ min tɔgɛ linɛn wo fanan bilanɛ a kan na. Susa so-karantan-mɔgɛ bɛɛsi ya a labɛn sewa-belebele-wɛ la.

Ɛsita 8:2

Mansɛ ya ala dɛɛn-kɔlɔnɛ min don Heman bolo nun, a ya wo bi ka a latenbi Mɔdekɛyai ma. Mansɛ nyɛrɛta mandan sanɛ dɛɛn-kɔlɔnɛ wo ma. Wo kɔma, Ɛsita ya a kɔrɔ Mɔdekɛyai sigi Heman bolo-fen-tonɛ bɛɛsi kun na.

Ɛsita 8:8

Kɔnɔ sereya min sɛbɛnɛ mansɛ tɔgɔ rɔ, ado ala dɛɛn-kɔlɔnɛ-mandan sanɛ wo ma, wo yɛlɛma-nya-wo-nya sa. Wo si min ma gbɛ, wo ni kɛdi-gbɛrɛkɛ sɛbɛ Yahudiyanuna ko la. Ni min di wo ye, wo ni wo sɛbɛ a rɔ. Wo kɔma, wo ni n tɔgɛ sɛbɛ a rɔ ka nta dɛɛn-kɔlɔnɛ-mandan sa a ma.”

Yaburi 73:6

Woletɔ anu bi wasinteyɛ donna anu kan na iko kanna-fan. Anu bi karagbɛlɛyɛ donna anu ma iko duruku-ba.

Hɛnkilimaya-Kumɛnu 1:9

Ni i ya wo ma, anuna karan si ila kɛ-nya-nyimɛ yira duninya la iko kun-yili anubɛ kan-na-fan si musi lakinya nya min.

Hɛnkilimaya-Kumɛnu 31:22

A si birinkannu nadan a nyɛrɛ ye ka a nyɛrɛ fɛrɛya-bɔ kura-hakikɛ la.

Hɛnkilimaya-Kumɛnu 31:24

A si kura-hakikɛnu kara fɛrɛya-bɔɛnu na ka anu mayira yilanu ma.

Keninteya-Siginu 1:10

Ila tolola-fannu bara a ma, i yakɔrɛ ara kinya. Ila kan-na-fan ara a ma, i mafɛlɛn bara diya.

Keninteya-Siginu 4:9

N kɔntɔ-nyaganɛ, i ye i yɛ makerila n mafɛlɛn tinɛ nya min hali n ba ila kan-na-fen kelan yen i kan la n yisi si murumuru n burɔ ila ko la.

Aiseya 3:23

anuna duruku-kɔrɔ-don wo, anuna da-lafiran-fen wo, anuna kun-makiri-kurɛ wo, anubɛ anuna kan-makɛ-kura wo, a si wo bɛɛ bi anu bolo.

Yɛrɛmaya 52:33

Ale mansɛ ya a rabɛn ko Yɛhoyasin ni yelela fanɛnu bɔ a ma. Ale mansɛ ya a rabɛn ko tun ko Yɛhoyasin kɛ ni to a de-nyinina ale mansɛ wara bɔn la a siyi-tele-bɛɛ kɔrɔ.

Isikiyɛli 27:7

Linɛn-kurɛ le manɛ anuna kulun-naburu-kurɛ la. Anu bɔra wo bonnɛ la Iyipiti nyamanɛ le tɔ, ado a si yen de wula-yan la. Anu ya kura-bilolamɛ bɔ Saiparasi yi-tɛma-dugi rɔ ka wo ma kulun-burɔ-fani-bɔn la.

Daniyɛli 5:16

N bara a lamɔɛn fanan ko ile si ke ko-dogonnɛnu kɔrɛ lɔnna le. Hali kɔndɔfili-koenu, i si wonu nya-yen. Ni ile kera sɛbɛli kɛ rakaranna ka a kɔrɛ fɔ n ye, n si ko sawa ma i ye. N si duruki-ba-hakikɛnu di i ma. N si sɛnɛ-yɔlɔkɛ bila i kan na. Wo kɔma, n si i tugun nna kandɛ la nyamanɛ kɛ rɔ.”

Daniyɛli 5:29

Tiriyante wo rɔ, Bɛlisasa ya a fɔ ala wɔli-kɛlɛ do ye ko a ni ta duruki-ba-hakikɛ donu bi ka na anu don Daniyɛli bolo. Anu ya sɛnɛ-yɔlɔkɛ fanan bila a kan na. Min sanɛ wo kuma, a ya a mayon ko ale Daniyɛli mara ala kandɛ tatugunnɛ la.

Daniyɛli 5:7

A ya a kuli mayɛlɛ a fɔ tinɛ ko anu ni ta ala durinu kele anubɛ a bolo-tafɛlɛnnɛnu anubɛ a hɛnkilimɛnu. Wonu nanɛ, mansɛ ya a fɔ anu ye ko, “Ni min kera sɛbɛli kɛ rakaranna ka a kɔrɛ fɔ n ye, n si ko sawa ma wo tigi ye. N si duruki-ba-hakikɛnu di a ma. Wo kɔma, n si sɛnɛ-yɔlɔkɛ bila a tigi kan na. A laban, ale si tugun nna kandɛ la nyamanɛ kɛ rɔ.”

Luka 15:22

Kɔnɔ a fa ya ala wɔli-kɛlɛnu kele. A ko, ‘Wo ni na duruku-nyima-ba la ka a bila a kan na tiriya! Wo ni dɛɛn don a bolo-nɔlɔnɛ la ka sanbarɛ don a kian rɔ.

1 Samuwɛli 18:4

Ale ye duruki min donna a kan na, a ya wo di Dawuda ma. Wo kɔma, a ya ala kɛlɛ-kɛ-duruki anubɛ ala kɛlɛ-kɛ-faan anubɛ ala kalabɛn anubɛ ala tɛ-kiri-fan di a ma fanan.