Ko-Dabirɛnu 41:40 - ALLALA KUMƐ

⁴⁰ Nba, woletɔ n si ile Yusufu ma kun-tigi la nyamanɛ kɛ bɛɛsi kun na. I ya kuma-wo-kuma fɔ, nyamanita-mɔgɛnu si wo bira. Ile si ma nna kandɛ la. Fɔ nde kelen pe, nde le i yarɔ nyamanɛ kɛ rɔ.

Ko-Dabirɛnu 41:40 ပူးပေါင်းရင်းမြစ်များ

Ko-Dabirɛnu 39:9

Ila kei ara a ma, ma ra ara kɛnya bɔn kɛ la. A ma fenfen namara a nyɛrɛ ye, fɔ ile. Nde si nfen ko-yogomɛ ma n tigi wola musi la? Ni nde ya wo ma, n bara bila Alla la.”

Ko-Dabirɛnu 44:18

Yuda ya a madon Yusufu la. A ya a fɔ a ye ko, “E, n tigi, i si sɔn i wɔlɔ matɔlɔla n na? N ni kuma? Hali i manɛ iko mansɛ, i kana i fonde magboya n na.

Ko-Dabirɛnu 45:26

Anu ke anu fa ma, anu ya a fɔ a ye ko, “Yusufu ye a kɛndɛ la, yo! Ado nfan, ale le kun-tigiyɛ la Iyipiti nyamanɛ bɛɛ kun na.” Yakoba siginɛ tora tantulan! A ma la anu na hali!

Ɛsita 10:3

Mɔdekɛyai Yahudiya kɛ, ale le manɛ mansɛ wo kan-kɔrɔ-sigilɛ la, ado a di a ta-nyɔgɛ Yahudiyanu ye. Anu ma a wara-koe sa fi fila rɔ. A wɔlita a kin na alako ala mɔgɛnu anubɛ anu kegeyɛnu ni sigi anu diya.

Ɛsita 3:1

Wati tenbinɛ, Mansa Sakasi ya mɔgɛ do ma ala kandɛ la. Wo tɔgɛ le Heman. Heman kɛ fa tɔgɛ le Hamideta. Ekaki bɔnsɔn-mɔgɛ do le anu denu na.

Yobu 31:27

Ha bi, n ma kilɛ boloka ka anu gbiliya dogɔn rɔ. N ma ko-wo-ko ma n nyɛrɛ la anu bato tinɛ.

Yaburi 2:12

Wo yɛrɛyɛrɛnmatoe ni wo madu a kɔrɔ. Ni wo ma, a fonde si bɔ. Wo si firan dugu-kole kɛ kuma feu! Mɔgɔ-sewanɛ le wo tigi la min bi tala Mari wara kanan-koe rɔ.

Hɛnkilimaya-Kumɛnu 22:29

Mɔgɔ-wo-mɔgɔ kusan wɔlila, wo ti to ata wɔlɛ kɛla dogɔn tɔ. Hali mansɛ, a si a bolo don a wara-koe rɔ ala wɔli-nyimɛ wola ko la.

Daniyɛli 5:29

Tiriyante wo rɔ, Bɛlisasa ya a fɔ ala wɔli-kɛlɛ do ye ko a ni ta duruki-ba-hakikɛ donu bi ka na anu don Daniyɛli bolo. Anu ya sɛnɛ-yɔlɔkɛ fanan bila a kan na. Min sanɛ wo kuma, a ya a mayon ko ale Daniyɛli mara ala kandɛ tatugunnɛ la.

Daniyɛli 6:3

A ma mɛ, mansɛ wo ya Daniyɛli kɛ nya-yen ko a kusan wɔlila ka tenbi a ta-nyɔgɛ mɔgɔ filɛ wonu na anubɛ kun-tigi mɔgɔ kɛmɛ ani mɔgɔ mogan. Bawo ale kusan ala wɔlɛ la min kɛ, woletɔ a sɔgɛ ya mansɛ bira ka ale ma ala kandɛ la nyamanɛ wo rɔ.

Kɛwɔlɛnu 7:10

Alla ya a kandan ala tɔrɔyɛ bɛɛ rɔ. Yusufu sɔra Iyipiti mansɛ yakɔrɔ tumɛ min, Alla ya kɛ-nya-nyimɛ anubɛ hɛnkili di a ma. Mansɛ ya Yusufu ma kandɛ la ala nyamanɛ anubɛ ala denbayɛ bɛɛ kuma.

1 Samuwɛli 10:1

Samuwɛli ya dantɛgɛ-tuli do bi ka a kɛ Sɔli kunyɛ rɔ ka a sunbu. A ko, “Mari ara ile le yabɔ ka ma mansɛ la Isirɛla mɔgɛnu kun na. I si mansayɛ kɛ Marita mɔgɛnu kun na ka anu matanka anu yogenu ma minnu bi anuna foolɛ rɔ. I wa bɔ n dafɛ bi, i si kemini fila taran Resɛli kanbɛ dafɛ Sɛlɛsa soe kɔma Bɛnyamɛta nyamani-dan la. Kemini filɛ wonu si a fɔ i ye ko, ‘I ye sofɛlɛ minnu nyinina nun, wonu bara yen.’ Anu si a fɔ tun ko, ‘I fa hɔnni ma sofɛlɛ wonu wara-koe la tun. A hɔnnɛ ile le wara-koe la gbɛ bawo tuma-wo-tuma, a ye a fɔla ko a ma a lɔn a si min ma ala dan wara-koe rɔ. Wo bɛɛ wa ma tumɛ min, wo le ye a yirala i la ko Mari le wara i yabɔ ka i ma mansɛ la.’