Ko-Dabirɛnu 41:32 - ALLALA KUMƐ

³² I kiyora ko filɛ minnu na kɛ la, Alla ara ban a latɛgɛla. A sa mɛla tun kiyo kɛ damasi kɔrɛ si bɔ-a-la.

Ko-Dabirɛnu 41:32 ပူးပေါင်းရင်းမြစ်များ

Ko-Dabirɛnu 37:9

Yusufu ya kiyo-dogbɛrɛ sa tun. A ya wo rakaran a na-kelen-nyɔgɛnu ye ko, “N kiyora le bi-suyi rɔ. Tele wo, karɛ wo, anubɛ lolo tan-ni-kelen, wonu bara anu nyɛnkin n kɔrɔ.”

Ko-Dabirɛnu 41:25

Yusufu ya a fɔ mansɛ ye ko, “Ila kiyo filɛ kɛ bɛɛsi, kɔrɔ kelen. Alla ye nala min mala, a ya wo le tamasere yira i la wo la.

Ko-Dabirɛnu 41:28

Yusufu ko, “A si ma iko n bara a fɔ ile mansɛ ye nya min kɛ la. Alla ye nala min mala nyamanɛ kɛ rɔ, a ara wo le yira ile mansɛ la kiyo rɔ wo la.

Ko-Dabirɛnu 41:31

Wo wati rɔ, wo ya dɔn-fan minnu sɔrɔn nun san wɔrɔnfila diyanɛ wonu kɔrɔ, wo fenfen ti to wo bolo nyamanɛ kɛ rɔ gbɛlɛyɛ bolo.

Aiseya 30:33

Mari ara ta-bondɔn ladan Asiriya mansɛ ye, bi ko ma, a si mintan kan min gburr! Nyɔ rayan, a kolo, a lafanɛ sɔgɛ la pim. Mari si tɛ lafɛ alako tɛ ni bira ale mansɛ la kiribo!

Daniyɛli 2:45

Farɛ min kurukurunta ka bɔ kɔnkɛ kuma a nyɛrɛ ma a kerita kan min, Allata mansayɛ le wo la. A fɛrɛnta mɔgɔla muninyɛ wo la min nadannɛ nɛgɛ anubɛ bɔnkɛ anubɛ silɛɛ anubɛ wodi-gbɛ anubɛ sɛnɛ la. Koe minnu bi nala mala yarɔ, Alla-makawanɛ ya wonu denu yira ile, ma tigi, la wo la. N bara ala kiyo anubɛ a kɔrɔ-bɛrɛbɛrɛ le fɔ a ye kɛ la gben, ado a ye bɔla a la le serr!”

Yilan-Yilan Koe 23:19

Alla sa iko mɔgɔni-finyɛ minnu si foninyɛ fɔ. A ti a miriya yɛlɛma iko hadama-dannu. A ya lanyiri kiri fenfenna ko la, a si wo ma, yɔ! Ni a kumara, a ara ban.

Matiyu 24:35

San-kole anubɛ dugu-kole si tenbi kɔnɔ nna kumɛ ti tenbi mumɛ!

Matiyu 25:34

Wo kɔma, nde, mansɛ si a fɔ n bolo-nyimarɔ-mɔgɛnu ye ko, ‘N Fa Alla ara ata duwɛ layigi wole min kuma, wo na! Wo na mansayɛ sɔrɔn min tabɛnnɛ wo ye kebi duninya danta.

Matiyu 25:41

“Wo kɔma, minnu bi n maran rɔ, n si a fɔ wonu ye ko, ‘Wo ni wo bɔ n fɛ, wole min bi Allala dankɛ kɔrɔ! Wo ta habadan-tɛ rɔ min tabɛnnɛ Setanɛ anubɛ ata melikanu ye!

Maraka 10:40

Kɔnɔ min si sigi n bolo-nyimɛ rɔ anubɛ n maran rɔ, sɛ sa nde ye ka wo yabɔ. Alla ara minnu yabɔ, a ara dinkirɛ wo rabɛn wonu denu ye.”

1 Kɔrɛnti 2:9

Kɔnɔ hali wo, iko a sɛbɛnɛ Allala kitabu rɔ nya min, “Mɔgɛ ma min yen bɛ wo, a ma min namɔɛn bɛ wo, hali ka a miri min ma wo, Alla ara wo le rabɛn wonu ye a keninɛ minnu bolo.”

2 Kɔrɛnti 13:1

Iko a sɛbɛnɛ Allata kitabu rɔ nya min ko, “Mɔgɔ kelenna sereya-bɔɛ ti a ma, wo ni mɔgɛ yiliki fɔ sereya fila, ni wo ma, sawa.” Nba, n kinyama sawa nyɔgɔn le kɛ la gbɛ, n bi nala wo kɔndɔnna.

Lankɛnimayɛ 9:15

Mɔgɛ bɛɛ faranɛ sigi tina sawa la, melika nanɛ wonu fulenta ka mɔgɛ wonu sigi tina kelan faga. Alla ya anu namara wati wo nyɛrɛla ko la, tele wo nyɛrɛ rɔ, karɛ wo nyɛrɛ la, san wo la gben!