Ko-Dabirɛnu 41:30 - ALLALA KUMƐ

³⁰ Wo kɔma san wɔrɔnfila, kɔnkɔ-fitinɛ burunnɛ Iyipiti nyamanɛ kuma bɛff! San wɔrɔnfilɛ wonu, kɔnkɛ wo si a ma, mɔgɛnu ni nyina san wɔrɔnfila diyanɛ wonu ko. Kɔnkɔ-fitinɛ si nyamanɛ kɛ tinya.

Ko-Dabirɛnu 41:30 ပူးပေါင်းရင်းမြစ်များ

Ko-Dabirɛnu 41:21

Hali anu bara ninki-tɔlɔnɛ wonu dɔn, anu ma bɔ anu su la. Anu baranɛ kɔnkɔlɔnyɔ iko fɔlɔn. N kundenta.

Ko-Dabirɛnu 41:27

Ninki-barani wɔrɔnfilɛ anubɛ nyɔ-sɔnfɔlɔn wɔrɔnfilɛ wonu, san wɔrɔnfila le wonu fanan na. Wo kɔrɛ le, kɔnkɔ-fitinɛ si na nyamanɛ kɛ rɔ san wɔrɔnfila.”

Ko-Dabirɛnu 41:31

Wo wati rɔ, wo ya dɔn-fan minnu sɔrɔn nun san wɔrɔnfila diyanɛ wonu kɔrɔ, wo fenfen ti to wo bolo nyamanɛ kɛ rɔ gbɛlɛyɛ bolo.

Ko-Dabirɛnu 41:51

A fɔlɔtɛ sɔrɔnta tumɛ min, Yusufu ko, “Alla ara a ma, n fala denbayɛnu ya koe min ma anubɛ nta tɔrɔyɛ, n bara nyina wonu ko. Woletɔ nna den-kei-sarɛ kɛ tɔgɛ le Manasa bawo tɔgɛ wo kɔrɛ le iko mɔgɔ wa a fɔ ko, ‘Ka nyina.’ ”

Ko-Dabirɛnu 41:54

San wɔrɔnfilɛ kɔnkɔ-fitinɛ ya a dabira iko Yusufu ya a fɔ nya min. Dɔn-fen wo dɔn-fen sa nyamanɛnu tɔ minnu bi Iyipiti nyamanɛla foolɛ rɔ kɔnɔ kɔnkɛ ya Iyipiti nyamanita-mɔgɛnu bira tumɛ min, anu dira mansɛ dala dɔn-fen-koe rɔ. Mansɛ ya a fɔ anu ye ko, “Wo ta Yusufu wara. Ni ale ya min fɔ wo ye dɔn-fen-koe rɔ, wo ni wo ma.” Kɔnkɔ-fitinɛ wo gbɛlɛyara nyamanɛ bɛɛ rɔ tumɛ min, Yusufu ya bondɔnnu dɛ laka ka a mayira Iyipiti kɛnu ma. Dɔn-fan minnu namaranɛ nun, wonu tagbayara Iyipiti nyamanita-mɔgɛnu ma.

Ko-Dabirɛnu 47:13

Kɔnkɔ-fitinɛ tora gbɛlɛyala nyamanɛ wo rɔ bɛrɛkɛ, woletɔ dɔn-fen ma taran nyamanɛ wo rɔ nun hali! Iyipiti nyamanɛ anubɛ Kenan nyamanɛ kasarata kɔnkɔ-fitinɛ wo bolo.

2 Samuwɛli 24:13

Nɛbi Kadi tara a taran. A ya Mari kuman-kan wo latenbi a ma, a ko, “I ni ita bi kɛ sawɛ rɔ, san sawa, kɔnkɔ-fitinɛ ye ila nyamanɛ rɔ wo, karɛ sawa, wo ye wo burila wo yogenu kɔrɔ wo, tele sawa, kiraya-fitinɛ yɛ ila nyamanɛ rɔ wo. I miri a kilɛ fɛ. I ni ita bi. N ni ta wo fɔ Mari ye.”

1 Mansɛnu 17:1

Nɛbi do bɔra Tisiba soe burɔ Kaliyadi nyamanɛ rɔ. A tɔgɛ le Ilaya. Nɛbi wo tara a fɔ Mansa Ehabu ye ko, “N bi Isirɛlata Mari Alla-nimɛ min batola, n bara n keli wo tɔgɔ rɔ ko duri ti yigi, bandɛ ti na san-dande kɛ kɔrɔ Isirɛla nyamanɛ kɛ rɔ yan fɔ nde, Ilaya wa a fɔ ko bandɛ ni na.”

2 Mansɛnu 8:1

Nɛbi Ilaisa ya Sunam musi minna dan lakɛndɛya nun, a ya musi wo makawandi ko kɔnkɔ-fitinɛ ye nala nyamanɛ wo rɔ san wɔrɔnfila kɔrɔ. A ko a ni ala denbayɛnu bi ka ta anu na kan-tina-gbɛrɛkɛ!

Yaburi 105:16

Alla ya kɔnkɔ-fitinɛ ladon anuta nyamanɛ rɔ ka anu beli-fan bɛɛ bi anu bolo.

Hɛnkilimaya-Kumɛnu 31:7

Anu ni anu min alako anu ni nyina anuna tɔrɔyɛnu ko.

Aiseya 65:16

Nba, min ya duwɛ sɔrɔn dugi ma, wo tigi ara duwɛ sɔrɔn Alla, tonya-tigi le bolo. Ni min ya a gboro dugu-kole kuma, wo tigi ara gboro Alla tonya-tigi le tɔ. Kɛnu bara ma bawo ma la ara nyina tɔrɔya-kɔrɔmɛnu na. A ko a si tɔrɔyɛ wonu masɛgi wo la.

Luka 4:25

“Wo ni wo tole masɔ. Tonyɛ le, Nɛbi Ilayata wati rɔ, kɛɛ-musi siyaman bi Isirɛla mɔgɛnu tɛma nun. Bandɛ ma na san sawa anubɛ a tala tumɛ min, kɔnkɔ-fitinɛ donta dugi wo bɛɛ rɔ.

Yemesi 5:17

Nɛbi Ilaya, mɔgɛ le nun iko male. A ya Alla matara a yisi bɛɛ la ko bandɛ kana na. Bandɛ ma na dugu-kole kuma san sawa ani a tala.