Ko-Dabirɛnu 41:15 - ALLALA KUMƐ

¹⁵ Mansɛ wo ya a fɔ Yusufu ye ko, “N bara kiyo min sa, mɔgɔ-wo-mɔgɔ ma ke nna kiyo wo kɔrɛ fɔla n ye. Kɔnɔ n bara ile wara-koe lamɔɛn ko ile si ke le ka mɔgɛnuna kiyo kɔrɛ rakaran.”

Ko-Dabirɛnu 41:15 ပူးပေါင်းရင်းမြစ်များ

Ko-Dabirɛnu 40:8

Anu ya a fɔ a ye ko, “Ma ara kiyo sa su-tenbinɛ kɔnɔ mɔgɔ sa yan min si mala kiyo wonu kɔrɛ fɔ ma ye.” Yusufu ya a fɔ anu ye ko, “Alla le si kiyo kɔrɔ-takaran-hɛnkili di mɔgɛ ma. Wo kiyora nfen na?”

Ko-Dabirɛnu 41:8

Kiyo wonu ya mansɛ lafili pirikali! Wo wulun sɔgɔma, mansɛ wo ya kilayɛnu tanyɛnsɛn ala nyamanɛ rɔ ka hɛnkilimɛnu anubɛ nya-nyini-kɛlɛnu kele. Ale Iyipiti mansɛ ya ala kiyo rakaran anu ye kɔnɔ ala nyamanita-mɔgɛ wonu fenfen ma ke ala kiyo wonu kɔrɛ fɔla a ye.

2 Ko-Kɔrɔta-Karan 26:5

Sakaraya min ya Mansa Yusaya labila Mari wara-koe la, wo ye a niyi la tumɛ min, mansɛ ya Alla hɛnɛ, ado Allata duwɛ tora a kuma.

Yaburi 25:14

Ile Mari diyana-mɔgɛ le tɔn-biralɛnu na. I ye ita sarama-kan yirala anu na.

Daniyɛli 2:3

a ya a fɔ anu ye ko, “N ya kiyo do le sa, woletɔ n yisi tinyanɛ. A sɔgɛ ye n na, n ni kiyo wo kɔrɛ lɔn.”

Daniyɛli 4:18

“Nde, Nɛbukanasa ya kiyo min sa, wo le kɛ la. N ya a fɔ Daniyɛli ye ko a ni nna kiyo kɛ kɔrɛ fɔ n ye. Nyamani-hɛnkilimɛnu, wo do-wo-do ma ke a kɔrɛ fɔla n ye fɔ ale Daniyɛli bawo ale Allata sɛnbɛ anubɛ nyinɛnutɛ ye a fɛ.”

Daniyɛli 4:9

nna durinuna kun-tigi le ale la, ado n ya a lɔn fanan ko ale Allata sɛnbɛ anubɛ nyinɛnutɛ ye a fɛ. Ale le si ko-dogonnɛ bɛɛ nya-yen. N ban nna kiyo wo rakaranna a ye, n ko a ni a kɔrɛ fɔ n ye.

Daniyɛli 5:12

A hɛnkili ye kiyo wo kɔrɛ takaran tinɛ, ado a ya sɔgɔsɔgɔma-tilinu-kɔrɛ lɔn. Hali ka ko-dogonni-kɔrɛ fɔ i ye, a ya wo lɔn. Ale keminɛ kele. A tɔgɔ le Daniyɛli. Anu bi a kelela fanan ko Bɛlitisasa. Wo si ke le sɛbɛli kɛ damasi kɔrɛ fɔla i ye.”

Daniyɛli 5:14

Mansɛ wo ya a fɔ a ye ko, “N bara a lamɔɛn ko Allata sɛnbɛ anubɛ nyinɛnutɛ ye i fɛ. N bara a lamɔɛn fanan ko i ya hɛnkili-nyimɛ labɔ, ado ko i ya ko-lɔn bɛrɛkɛ!

Daniyɛli 5:16

N bara a lamɔɛn fanan ko ile si ke ko-dogonnɛnu kɔrɛ lɔnna le. Hali kɔndɔfili-koenu, i si wonu nya-yen. Ni ile kera sɛbɛli kɛ rakaranna ka a kɔrɛ fɔ n ye, n si ko sawa ma i ye. N si duruki-ba-hakikɛnu di i ma. N si sɛnɛ-yɔlɔkɛ bila i kan na. Wo kɔma, n si i tugun nna kandɛ la nyamanɛ kɛ rɔ.”