Ko-Dabirɛnu 40:8 - ALLALA KUMƐ

⁸ Anu ya a fɔ a ye ko, “Ma ara kiyo sa su-tenbinɛ kɔnɔ mɔgɔ sa yan min si mala kiyo wonu kɔrɛ fɔ ma ye.” Yusufu ya a fɔ anu ye ko, “Alla le si kiyo kɔrɔ-takaran-hɛnkili di mɔgɛ ma. Wo kiyora nfen na?”

Ko-Dabirɛnu 40:8 ပူးပေါင်းရင်းမြစ်များ

Ko-Dabirɛnu 40:9

Mansɛla baan-bɔlɛ ya ata kiyo rakaran Yusufu ye ko, “N kiyora nɔnbɔ-kuri le la bi,

Ko-Dabirɛnu 41:25

Yusufu ya a fɔ mansɛ ye ko, “Ila kiyo filɛ kɛ bɛɛsi, kɔrɔ kelen. Alla ye nala min mala, a ya wo le tamasere yira i la wo la.

Yobu 33:23

Tumado Allata melika do si bɔ melika waga yirika-siyamɛ wonu tɔ ka mɔgɛ wo labila ko-latelennɛnu kɛla.

Yaburi 25:14

Ile Mari diyana-mɔgɛ le tɔn-biralɛnu na. I ye ita sarama-kan yirala anu na.

Aiseya 8:19

Mɔgɛnu bi a fɔla wo ye ko wo ni yi-kɔrɔ-fɛlɛnnɛnu manyinika alako wo ni hɛnkili sɔrɔn anu bolo, ado anu bi huma-humana dɔrɔn. Mɔgɛnu bi a fɔla ko, “A kin mɔgɛnu ni furi manyinika kɛndɛwagɛnuna ko la.”

Daniyɛli 2:11

A ara ma manyinika minna ko la, wo gbɛlɛ. Fɔ nyinɛnu dɔrɔn, wonu denu si ke wo fɔla, ado hadama-dannu sa anu yenna.”

Daniyɛli 2:27

Daniyɛli ko, “A hɛnkilima wo, a duru wo, a bolo-tafɛlɛnna wo, wo fenfen sa nyɔ min si ke n tigita kiyo wonubɛ a kɔrɛ fɔla a ye

Daniyɛli 2:28

kɔnɔ Alla min bi Arinyɛni tɔ, wo le si ke ko-dogonnɛ labɔla gbɛ ma. Koe min bi mala yarɔ, ale le wara wo fɔ ma tigi ye fanan. A ya ko-rayen min kɛ ala kiyo rɔ, n si wo fɔ a ye.

Daniyɛli 2:3

a ya a fɔ anu ye ko, “N ya kiyo do le sa, woletɔ n yisi tinyanɛ. A sɔgɛ ye n na, n ni kiyo wo kɔrɛ lɔn.”

Daniyɛli 2:47

Mansɛ wo ya a fɔ Daniyɛli ye ko, “Tonyɛ, i wara kɛ bɛɛ rakaran n ye min kɛ, wo ara a yira n na ko ileta Alla tenbira mata bɛsɛnu na, ado mansɛ-bɛɛta-Mari le ale la. Ale le ye ko-dogonnɛ bɛɛsi labɔla gbɛ ma.”

Daniyɛli 4:8

Wo kɔma, Daniyɛli nara. (N kɛnɛna a kelela ko Bɛlitisasa bawo nna bɛsi-tɔgɔma le ale la, ado ale Allata sɛnbɛ anubɛ nyinɛnutɛ ye a fɛ fanan.) N ya nna kiyo kɛ rakaran ale ye. N ya a fɔ a ye ko

Daniyɛli 5:16

N bara a lamɔɛn fanan ko ile si ke ko-dogonnɛnu kɔrɛ lɔnna le. Hali kɔndɔfili-koenu, i si wonu nya-yen. Ni ile kera sɛbɛli kɛ rakaranna ka a kɔrɛ fɔ n ye, n si ko sawa ma i ye. N si duruki-ba-hakikɛnu di i ma. N si sɛnɛ-yɔlɔkɛ bila i kan na. Wo kɔma, n si i tugun nna kandɛ la nyamanɛ kɛ rɔ.”

Emɔsi 3:7

Ni yarɛ wɔrɔndɔra, mɔgɔ kuma ti kɔ, wa? Allatala ti ko-wo-ko ladan a ti min kɔrɛ fɔ male nɛbinu ye. Woletɔ ni Allatala kumara, male nɛbinu ti a kuman-kan latenbi, wa?