Ko-Dabirɛnu 40:20 - ALLALA KUMƐ

²⁰ Tele sawa wo kɔma, mansɛ wo ya a sɔrɔn-tele-ladiyɛ kɛ ala mɔgɔ-banu ye. A ya ala baan-bɔlɛ anubɛ ala biredi-mintannɛ labɔ yele la ka anu sɔ ala mɔgɔ-banu yakɔrɔ.

Ko-Dabirɛnu 40:20 ပူးပေါင်းရင်းမြစ်များ

Ko-Dabirɛnu 21:8

Isiyaka koloyara. Dennɛ wo da-ka tumɛ, Iburayima ya ladiyɛ kɛ a ye.

Ko-Dabirɛnu 40:13

Tele sawa wa tenbi, mansɛ si ila sɔ tinɛ lasɛgi i ma. I si baan bɔ mansɛ ye tun iko i duruta a mala nya min nun.

Ko-Dabirɛnu 40:19

Ile ye tele sawa pe le bɔla. Wo kɔma, mansɛ si i kunyɛ tɛgɛ a dagɛ rɔ ka i don kɔlɔma ma. Konanu si i tɛgɛ kon!”

1 Mansɛnu 3:15

Nba, Mansa Silamɛni kundenta. A ya a fɔ ko, “Yaga, n bi kiyo le la nun!” A tara Yerusalɛm ka a sɔ tɔn-kenkirɛ yarɔ Marila tɔnnu bi min tɔ. A ya saraka-mintantɛnu bɔ Mari ye anubɛ yisi-kima-sarakɛnu. A ya ladiyɛ ladan ka ata mɔgɔ-banu kele ladiyɛ wo rɔ.

2 Mansɛnu 25:27

Ifali-Mɛrodaki mara mansɛ la san min na Babilɔn nyamanɛ rɔ, ale Babilɔn mansɛ wo ya ko-nyimɛ kɛ Yuda mansa kɔrɛ Yɛhoyasin ye ka a labɔ yele la. Mansɛ wo ya a labɔ yele la san bi-sawa ani san wɔrɔnfilɛ, a karɛ tan-ni-fila nyɔgɛ, a tele mogan-ni-wɔrɔnfila nyɔgɛ le ma.

Ɛsita 1:3

Sakasi kɛ, wola mansayɛ san sawa nyɔgɛ ma, a ya ladiya-belebele kɛ ala nyamanita-mɔgɔ-banu ye. Kɛlɛ-dan minnu bi Pasiya anubɛ Midiya nyamanɛ rɔ, wonu bɛnta ladiyɛ wo rɔ. Mɔgɔ-ba minnu bi nyamanɛ wonu kun na anubɛ a mɔgɔ-ba-malɔnnɛnu, wonu fanan bɛnta a rɔ.

Yobu 3:1

Tele wɔrɔnfilɛ wo banta tumɛ min, kumɛ bɔra Yobu dɛ rɔ. A ya a sɔrɔn-tele danka.

Yaburi 105:19

Wonu kɛnɛ tora a ma ha ala wɔlɔyiya-kumɛ bɔra-a-la. Marita kumɛ ya a yira mansɛ la ko Yusufu ye tonyɛ le tɔ.

Yɛrɛmaya 52:31

Ifali-Mɛrodaki mara mansɛ la san min na Babilɔn nyamanɛ rɔ, ale Babilɔn mansɛ wo ya ko-nyimɛ kɛ Yuda mansa-kɔrɛ Yɛhoyasin ye ka a labɔ yele la. Mansɛ wo ya a labɔ yele la san bi-sawa ani san wɔrɔnfila, a karɛ tan-ni-fila, a tele mogan-ni-loli-nyɔgɛ le ma.

Matiyu 14:6

Hɛrodi sɔrɔn-tele kera tumɛ min, Hɛrodiyasila dunmusi ya a dɔn nyama bɛɛ yala. Dɔn wo ya Hɛrodi hɛnɛ kati!

Matiyu 25:19

“Wati-yan tenbira tumɛ min, wɔli-kɛlɛ wonu tigi sɛgira ka anuna wodi dan.

Maraka 6:21

Tɔ-a-la, Hɛrodiyasi ya fɛrɛ sɔrɔn Yɔni ma. Mansɛ sɔrɔn-tele kera tumɛ min, a ya ladiyɛ kɛ ala kun-tiginu ye nun anubɛ ala kɛlɛ-den-kunyɛnu anubɛ Kalili nyamanita-mɔgɔ-banu.