Ko-Dabirɛnu 4:8 - ALLALA KUMƐ

⁸ Wo kɔma, Ken ya a fɔ a dɔgɛ ye ko, “Ma ta binyɛ rɔ.” Anu tara binyɛ rɔ. Anu bi nyɔ tumɛ min, Ken kɛra a dɔgɛ Ebɛli ma ka a faga.

Ko-Dabirɛnu 4:8 ပူးပေါင်းရင်းမြစ်များ

Ko-Dabirɛnu 4:25

Hadama anubɛ ala musi ya den-kei do sɔrɔn tun. Ala musi ya wo tɔgɔ sa Sɛti bawo tɔgɛ wo kɔrɛ le iko mɔgɔ wa a fɔ ko, “ka a di.” A ya a fɔ ko, “Alla ara den-kei do di n ma Ebɛli gbɛ rɔ tun, Ken ya min faga, kɔni.”

2 Samuwɛli 14:6

N fa, den-kei fila le n bolo nun. Wonu denu kɛlɛta sɛnɛ rɔ mɔgɔ sa kan min ka anu fara. Doi ya a ta-nyɔgɛ faga.

2 Samuwɛli 3:27

Abina ke soe tarɛ dɛ ma, Yohabu ya a bi. Anu ya anu mata doni. Yohabu ya a nyɛrɛ ma iko a ye gbundu-kumɛ do le fɔla a ye. A ya Abina buyi punsɔgɔ. A ya Abina faga bawo wo le fɔlɔn ya ale dɔgɛ Asahɛli faga.

2 Ko-Kɔrɔta-Karan 21:4

Yɛhoram kɛ kunta Yuda nyamanɛ ma tumɛ min, a ya a dɔgɔ mɔgɔ wɔrɔ wonubɛ nyɔ-mɔgɔ-ba donu faga.

Nihɛmaya 6:2

Ale Sanbalati anubɛ Kesɛm ya anu sara n bara ko n ni anu taran so-nɛ do rɔ Ono Lɛɛ rɔ. Kɔnɔ nde ya a lɔn ko n bira-mɔlɔnɛ le wo la anu bolo ka koe do sigi n ma.

Yobu 11:15

i si ke i kunyɛ kɔrɔbila le worɔ, miliyɛ mumɛ sa i ma. I si i sɔ worɔ gben, tamayi mumɛ ti taran i rɔ.

Yaburi 139:19

E, Alla, alamɛ karagbɛlɛ bɛɛ fagara. Alamɛ karagbɛlɛnu ya n nafɛrɛnɛ to n dan na.

Yaburi 36:3

Fenfen sa a da rɔ fɔ kuma-yogoma-fɔɛ anubɛ foninya-fɔɛ. Alela ko sa hɛnkilimaya-koe anubɛ ko-nyimɛ wara-koe rɔ tun.

Yaburi 55:21

A ye kuma-teleka-telekɛ min nabɔla a da rɔ, wo di iko fɛnɛ kɔnɔ fenfen sa a sɔn-kole rɔ fɔ gboyanayɛ. Fɔlɔ nun, kumɛ min bi bɔla a da rɔ, wonu manɛ n fɛrɛ ma iko tuli kɔnɔ a ye kumɛ min nabɔla a da rɔ kaka, wo mani de n fɛrɛ ma iko anu ba mɔgɔ tɛgɛ faan la.

Hoseya 4:2

A ko wo ye mɔgɛnu dankala. Wo sa wola lanyirinu natɔnbagayala. Wo ye mɔgɔ-fagɛ kɛla, wo ye kankanyɛ kɛla, wo ye yɛlɛnyɛ kɛla. Wo ara wunduyogoyɛ dan-natenbi. Yanni do ni kimɛ, wo ara do faga.

Yilan-Yilan Koe 35:20

“Ni mɔgɛ bɛɛsi ya a lɔn ko mɔgɔla gboyanayɛ ye mɔgɛ do rɔ, wonubɛ wo tigi ni kɛlɛ, a ni faga mɔgɛ wo bolo, anu si a yiliki. Ni a ya a latosokoro bawo a ara a kɔnkɔn a ma nun, ka, ni a ya fan do lakɛ a ma, ka, ni a ya a bole lagbu ka a tugu wo la, anu si wo tigi yiliki. Furi wo na-kelen-nyɔgɔ-bɛrɛbɛrɛ si a lasɔ kumɛ wo la ka a na-kelen-nyɔgɛ tayili sara. Ni a ya mɔgɛ wo lasɔrɔn, ale fanan si wo faga.

Matiyu 23:35

Mɔgɔ-magbalanɛ min bɛɛ fagara, wo si wonuna tɔrɔyɛ sɔrɔn. Ka a bi Ebɛlita sayɛ ma ale min magbalanɛ, kɔni, ha ka a sigi Bɛrɛkayala dan Sakarayata sayɛ la, wo si tɔrɔyɛ wo bɛɛ sɔrɔn, ado wo ya ale Sakaraya faga Alla-Bato-Bɔn anubɛ saraka-bɔ-tinɛ tɛma.

Luka 11:51

Ka a dabira Ebɛlila sayɛ ma ha ka a sigi Sakarayala sayɛ la, ale min fagara saraka-bɔ-tinɛ anubɛ kan-tina-sɛnimɛ tɛma, kɔni. N bi a fɔla wo ye ko bi-mɔgɛnu si tɔrɔyɛ sɔrɔn wonu damala ko la terr!

Luka 22:48

Kɔnɔ Yisa ya a manyinika ko, “E, Yudasi, i ye nde, Hadama-dan donna n yogenu bolo tɔ sunbuli fɛ, wa?”

Hiburunu 11:4

Dɛnkɛninyɛ le fɛ, Ebɛli ya saraka-bɛrɛbɛrɛ bɔ Alla ye min tenbira Kenta sarakɛ la. Alla nyɛrɛ sɔnta ata kɔ-fannu na ka a yira ko a ara a hɛnɛ. Ala dɛnkɛninyɛ fɛ, hali Ebɛli faganɛ kɔnɔ ha bi, a ya koe min ma, wo ye kumala ma ye.

Hiburunu 12:24

Sarama-kan-kurɛ ara kiri Yisa yele min fɛ, wo ara ke wo fanan ma, ado a yele-purupurunɛ tenbira Ebɛli yele la.

Yude 1:11

Gbalo ye anu ma! Anu bara bila Kenta kilɛ fɛ. Anu bara anu nyɛrɛ di ko-yogomɛ ma wodila ko la iko Belam ya a ma nya min. Anu bara halaki murutiyɛ rɔ iko Kora murutiyara nya min.