Ko-Dabirɛnu 4:7 - ALLALA KUMƐ

⁷ Ni i ya ko-nyimɛ le ma nun, n si n ban ila kɔ-fan la nun, wa? Kɔnɔ bawo i wara ko-yogomɛ ma min kɛ, hakɛ ye i manɛgɛnna. A sɔgɛ ye hakɛ la, a ni i bira kɔnɔ ile kana sɔn, a ni i nɔ.”

Ko-Dabirɛnu 4:7 ပူးပေါင်းရင်းမြစ်များ

Ko-Dabirɛnu 19:21

Melika wo kelen ya a fɔ ale Lɔti ye ko, “N si a ma iko i wara a fɔ n ye nya min. N ti so-ni kelan wo halaki.

Ko-Dabirɛnu 3:16

Alla ya a fɔ musi wo ye ko, “N si a lagbɛlɛya i kuma den sɔrɔn tinɛ. Hali wo, ila kei-sɔgɛ si taran i la, ado a si kun-tigiyɛ kɛ i kuma.”

2 Samuwɛli 24:23

Arɔna ban kɛnu dila Mansa Dawuda ma, a duwara mansɛ ye ko, “Alamɛ ita Mari Alla ya a ma, sarakɛ kɛ ni bira.”

2 Mansɛnu 8:28

Yuda Mansa Ehasaya kɛ anubɛ Isirɛla Mansa Yɔram ya anu kundɛn ka ta Siriya Mansa Hasiyɛli kɛlɛ. Anu ya kɛlɛ wo kɛ Remɔti-Kaliyadi soe dafɛ kɔnɔ Mansa Yɔram tanbanta kɛlɛ wo rɔ.

Yobu 11:14

ni i ya i fara karagbɛlɛyɛ la, i ma sɔn ko-yogomɛ ni taran ila bɔn la,

Yobu 11:15

i si ke i kunyɛ kɔrɔbila le worɔ, miliyɛ mumɛ sa i ma. I si i sɔ worɔ gben, tamayi mumɛ ti taran i rɔ.

Yobu 29:4

Wo wati rɔ, fen bi n bolo nun, ado diyanayɛ min bi mabɛ Alla tɛma, wo ya nna bɔn lakanan.

Yobu 42:8

Wo ni ta tura wɔrɔnfila anubɛ saga-yigi wɔrɔnfila la Yobu ma alako wo ni anu ma sarakɛ la wo nyɛrɛ ye. Yobu si madiyali kɛ wo ye. N si ata madiyalɛ lamɔɛn alako n kana wo layarabi iko a bɛnta, wo ni yarabi nya min. Wo ma tonya fɔ n bara-koe rɔ iko ale Yobu ya tonyɛ fɔ n bara-koe rɔ nya min.”

Hɛnkilimaya-Kumɛnu 18:5

Mɔgɔ kana lafisayalɛ kɛ ka karagbɛlɛ yiliki ma a yoe la anubɛ ka mɔgɔ-latelennɛ-yoe ma a yiliki la.

Hɛnkilimaya-Kumɛnu 21:27

Karagbɛlɛla saraka-bɔɛ ma di Mari ye katarala ni ko-yogoma-kɛ-sɔgɛ tonɛ a yisi rɔ.

Yɛrɛmaya 3:12

A ko n ni ta kilayɛ lake kantɔ-wara la Isirɛla mɔgɛnu bi kan min. Mari ko wole, Isirɛla mɔgɛ minnu telenni ma, wo ni sɛgi ale Mari ma. A ko a ti a kolan firindi wo ma tun! A ko a kinikinite, a fondo-bɔnɛ ti to wo kan ma tun.

Yɛrɛmaya 6:20

Mari ko nfenna wole, Yuda kɛnu bi Siba nyamanita isɛnti mala sarakɛ la a ye? Nfenna wo ye nala fɔrɔnyakalɛ la ka bɔ wulɛ rɔ pon? A ko a ti sɔn wola saraka-mintantɛnu na. Wola sarakɛnu sa a hɛnɛna hali!

Maika 7:18

Alla gbɛrɛ sa nyɔ min manɛ iko ile Mari. Mɔgɛ minnu bi anu niyi la kaka, ile si wonu makoto anu hakɛ la. I fonde magboyani ma ita mɔgɛnu kuma tuma-wo-tuma. I nyagalennɛ ka ila keninteyɛ yira anu na tuma-wo-tuma.

Malakayi 1:10

Mari Sɛnbɛ-Bɛɛ-Tigi ko alako nun, wole saraka-masɔlɛ mɔgɔ kelen ya Bato-Bɔn don-dɛ balan nun. Wo si a ma, mɔgɔ ti saraka-fuyinu mintan nyɔ. A sewani ma wonu na. A ko wo ya saraka-wo-saraka di a ma, a ti sɔn wo la.

Malakayi 1:13

Wole le gbunyara, wo ko wo ara bandan. Wo ya wo sunyɛnu sigi san ma a kɔrɔ. Wo ye tola nala kankanya-kolo-fan anubɛ kolo-fen-kirɛ anubɛ kolo-fen-namarɛnu na. Alla ko wole miri ko ale si sɔn wo la wo bolo?

Malakayi 1:8

Wo taranta kolo-fen-fiyon minnu dila a ma sarakayɛ la, wo kin? Wo taranta kolo-fen-namarɛ minnu dila a ma, wo kin? Wo taranta kolo-fen-kirɛ minnu dila a ma, wo kin? Nba, wo ni wo to wonu sufa dila wola mansɛnu ma, wa, ni anu si sewa wo la. Wo ye nyinina minnu ma mansɛ wonu bolo, anu si wonu di wo ma?

Yilan-Yilan Koe 32:23

N bi wo makawandila, ni wo ya lanyiri kɛ tinya, wo ara hakɛ kɛ Mari la worɔ. Wo la a la serr, ko wo hakɛ-yulumu si wo bira gben!

Kɛwɔlɛnu 10:35

Min ba kilan a la ka ko-latelennɛ kɛ, a si mɔgɛ wo rabira, a mara mɔgɔ su-wo-su la.

Romu 12:1

Nba, n na-kelen-nyɔgɛnu, ka a tɛgɛ Allata kinikini-belebele-wɛla ko ma male ye, n bi wo madiyala ko wo ni wo nyɛrɛ ma saraka-nimɛ la Alla ye. Wo sɛninyanɛ ni taran Alla yala ka a kɔntɔ-diya-koenu kɛ. A bato-nya-bɛrɛ le wo la wo si min ma.

Romu 14:18

Min bɛɛ si wɔlɛ kɛ Kirasiti ye kilɛ kɛ fɛ, wo tigi si diya Alla ye ka tɔgɔ-nyimɛ sɔrɔn mɔgɛnu bolo.

Romu 6:12

Wo kana sɔn, hakɛ ni nɔ-ko sɔrɔn wo ma alako wo ni to wo nyɛrɛ wasala wo diyana-koenu tɔ.

Romu 6:16

Ado nfan, wole ya a lɔn ko wo wa wo nyɛrɛ lasɔnnaya iko yɔɔn ka mɔgɛ dola kumɛ bira, wo ara ma yɔɔn la kun-tigi wo ye. Ni wo tora hakɛ kɛla, wo si ma yɔɔn la hakɛ kɔrɔ, min si a laban sayɛ ma, ni wo ma, wo si ma Allala yɔɔn la ala kuma-birɛla ko la, min si a laban ko-latelennɛ ma Alla ye.

Ɛfɛsa 1:6

Ma ni a tanto ata hina-belebele-wɛla ko la kosɛbɛ! A ara wo di ma ma sewɛ rɔ a diyana-dan baraka rɔ.

1 Timoti 5:4

Kɔnɔ ni dan anubɛ mamanɛ ye min bolo, i ni wonu karan ko anu denu ni anu sɔrɔnnɛnu anubɛ anu benbanu makoe nyinya. Wo le ye Alla hɛnɛna bawo wonu denu ya anu makolo.

Hiburunu 11:4

Dɛnkɛninyɛ le fɛ, Ebɛli ya saraka-bɛrɛbɛrɛ bɔ Alla ye min tenbira Kenta sarakɛ la. Alla nyɛrɛ sɔnta ata kɔ-fannu na ka a yira ko a ara a hɛnɛ. Ala dɛnkɛninyɛ fɛ, hali Ebɛli faganɛ kɔnɔ ha bi, a ya koe min ma, wo ye kumala ma ye.

Yemesi 1:15

Ata ko-yogomɛ min bi a yisi rɔ, wo si buyi bi ka mui hakɛ la. Hakɛ wa tagbaya a kuma tumɛ min, a si a laban sayɛ ma.

1 Pita 2:5

Wo ni wo nyɛrɛ yira iko kuru-nimɛnu alako wole nyɛrɛ ni ma Allala bon-sɛnimɛ dandan la. Wo si wɔlɛ kɛ bɔn wo la ka ma saraka-masɔla-sɛnimɛnu na. Wo si saraka-sɛnimɛnu bɔ min si Alla hɛnɛ Yisa Kirasiti baraka rɔ,