Ko-Dabirɛnu 4:5 - ALLALA KUMƐ

⁵ kɔnɔ a ma sɔn Ken anubɛ ala kɔ-fan la. Woletɔ Ken diminyara bɛrɛkɛ! A ya a yakɔrɛ sisi yisi-bɔɛ bolo.

Ko-Dabirɛnu 4:5 ပူးပေါင်းရင်းမြစ်များ

Ko-Dabirɛnu 31:2

Yakoba ya a berinna dannu gbunya-kumɛ wo lamɔɛn. A ya a yen fanan ala yakɔrɔ sa a berin Leban kuma tun iko fɔlɔ.

Ko-Dabirɛnu 31:5

A ya a fɔ anu ye ko, “N bara a yen ko nna yakɔrɔ sa wo fa kuma tun iko fɔlɔ. Kɔnɔ n fata Alla ara to n fɛ.

Ko-Dabirɛnu 39:19

Yusufu tigi Pɔtifa ya kumɛ wo lamɔɛn ala musi la tumɛ min, a yisi bɔra dɔgɔma-ma-de!

Yobu 15:13

Min sanɛ wo kuma, i wara to diminyani Alla ma ha i nagankuri namanɛ kuma-siyaman-fɔɛ ma.

Yobu 5:2

Sɔgɔ-labɔɛ le si kun-takolɔn faga. Keliya-diminyɛ si a ma, mɔgɛ ni faga iko yuwɛ.

Yaburi 20:3

Alamɛ a ya a fonde lamiri wola kɔ-fannu ma ka sɔn wola saraka-mintantɛnu na.

Hɛnkilimaya-Kumɛnu 19:3

Mɔgɛ si a nyɛrɛ tinya ala kuntanyɛ la kɔnɔ hali wo, a si a tɛgɛ sigi Mari ma.

Hɛnkilimaya-Kumɛnu 29:10

Mɔgɔ-latelennɛ ma di gbalo-salɛnu ye kɔnɔ mɔgɔ-latelennɛnu si wonu niyi lakisi.

Makawandili Kumɛnu 4:4

N bara a lɔn gbɛ, mɔgɛ bɛɛ sɛbɛ donnɛ wɔlɛ ma minna ko la. Ni i ya mɔgɔ-sɛbɛ-donnɛ yen, a sɔgɛ le a la, a ni tenbi a sigi-nyɔgɛ la. Hali wo, wo fanan tagbɛlɛ. Wo mani de fanan iko mɔgɔ tenbi fɔnyɔ birala.

Aiseya 3:9

Hali anu yala-yen si a yira ko anu yilikinɛ. Anu hakɛ sanɛ gbɛ rɔ iko Sɔdɔm kɛnutɛ mara nya min. Anu tinya-koe ara to a ma, ado anu nyɛrɛ gbɛ le wo la, yɔ!

Yilan-Yilan Koe 16:15

Wo kɔma, Musa yisi bɔra! A ya a fɔ Mari ye ko, “I kana sɔn anuta kɔ-fan la mumɛ! N ma ko-yogoma ma mɔgɛ kɛnu na! N ma anu bɔni fenfen na. Hali sofɛlɛ kelen, n ma wo bi anu bolo kɔ-fenyɛ la.”

Matiyu 20:15

ado nta wodi le kɛ la, a ma bɛn, wa, n ni n diyana-koe kɛ wo la? I ye keliyɛ kɛla nna foninsereyɛla ko la nfenna?’ ”

Kɛwɔlɛnu 13:45

Yahudiyanu ya nyama yen tumɛ min, keliyɛ wulita anu na kati! Anu ya Pɔli manyini ka ala kumɛ bɛɛ masɔsɔ.

Hiburunu 11:4

Dɛnkɛninyɛ le fɛ, Ebɛli ya saraka-bɛrɛbɛrɛ bɔ Alla ye min tenbira Kenta sarakɛ la. Alla nyɛrɛ sɔnta ata kɔ-fannu na ka a yira ko a ara a hɛnɛ. Ala dɛnkɛninyɛ fɛ, hali Ebɛli faganɛ kɔnɔ ha bi, a ya koe min ma, wo ye kumala ma ye.

Yude 1:11

Gbalo ye anu ma! Anu bara bila Kenta kilɛ fɛ. Anu bara anu nyɛrɛ di ko-yogomɛ ma wodila ko la iko Belam ya a ma nya min. Anu bara halaki murutiyɛ rɔ iko Kora murutiyara nya min.

1 Samuwɛli 16:7

Mari ya a fɔ a ye ko, “I hɛnkili kana na buri mɔgɔla kinyɛ anubɛ ala yanyɛ fɛ. N sa nyinina keminɛ kɛ ma. Hadama-dan si mɔgɛ yen nya min, nde, Mari ti mɔgɛ yen wo nya. Hadama-dan yɛ ye mɔgɔ fɛrɛ-bɔnkɛ le la kɔnɔ nde, Mari yɛ ye mɔgɔ-burɛ le la.”