Ko-Dabirɛnu 4:26 - ALLALA KUMƐ

²⁶ Sɛti wo fanan ya den-kei sɔrɔn. A ya a tɔgɔ sa Inɔsi. Mɔgɛnu ya Mari batoe dabira wati wo le tɔ.

Ko-Dabirɛnu 4:26 ပူးပေါင်းရင်းမြစ်များ

Ko-Dabirɛnu 12:8

Wo kɔma, a bɔra nyɔ ka ta Bɛtɛli soe tele-bɔɛ wara la kɔnkɛnu siya kan min. Anu ya anu daga makɛ Bɛtɛli soe anubɛ Eyai soe tɛma. A ya saraka-mintan-tinɛ do fanan sɔ Mari ye nyɔ. A ya baraka bira a ye ka a bato.

Ko-Dabirɛnu 26:25

Woletɔ a ya saraka-bɔ-tinɛ sɔ nyɔ ka Mari madiya. A ya ala fani-bɔn sɔ nyɔ. Ata wɔli-kɛlɛnu ya kɔlɔn sin nyɔ fanan.

1 Mansɛnu 18:24

Anu ni anuna Beyali matara. Nde fanan si Mari matara. Kɛ filɛ, ni min ya tɛ layigi saraka-mintan-tinɛ kuma, ma damata Alla le wo la.” Anu dama sewara ka sɔn wo ma.

Yaburi 116:17

N si na baraka-bira-sarakɛnu na i ye ka i madiya.

Aiseya 44:5

A ko mɔgɛnu si to a fɔla kelen-kelenyɛ ma ko Marita mɔgɛ le anu denu na. Anu si kofu male Isirɛla mɔgɛnu ma. Anu kelen-kelennamɛ-bɛɛ si Mari tɔgɛ sɛbɛ anu bole ma ka anu nyɛrɛ kele ko Allata mɔgɛ donu.

Aiseya 48:1

Wole Isirɛla mɔgɛ minnu bɔra Yuda kebilɛ rɔ, wo ni wo tole masɔ de! Mari ko wole ye wo gborola a rɔ ka ale Isirɛlata Alla tɔgɛ ratɛgɛ a la, ado tonya sa wola kumɛ fenfen tɔ.

Aiseya 63:19

Mɔgɛ donu bi nyɔ, i ma minnu mara wɛ tele-kelen-bɛrɛni! I tɔgɔ ma sa wonu kuma lun-kelen lun-tala, ado male ara ma le gbɛ iko mɔgɛ wonu.

Yɛrɛmaya 33:16

Yerusalɛm anubɛ Yuda kɛ toenu nakisinɛ si to, ado mɔgɛnu si soe wo nyɛrɛ kele ko, “Ma Kisilɛ Mari.”

Yowɛli 2:32

Kɔnɔ min bɛɛ si Mari rakele anu dɛnbɛn-koe la, wonu na si kanan wulɔn, ado Yerusalɛm so-burɔ-mɔgɛ donu fanan si kisi wulɔn iko Mari ara a fɔ nya min. A ko a wa min yabɔ ka a kele, a si wo to a niyi la.

Sɛfanaya 3:9

Kɛ dama wa ka-a-la tumɛ min, Mari ko a si sibole bɛɛ yɛlɛma ka anu fara anuna bɛsi-kɔ-koe la. A ko mɔgɛ bɛɛ si ale kelen pe bato ka ata kumɛ bira.

Luka 3:38

Keyana fanan fa le Inɔsi la, Inɔsi fanan fa le Sɛti la, Sɛti fanan fa le Hadama la, min bi Allala dan la.

Kɛwɔlɛnu 11:26

A ya a yen tumɛ min, a nara a la Antiyaki. San kelen kɔrɔ, anu mɔgɔ filɛ tora ladɛn kɛla Mari Yisata mɔgɛnu fɛ nyɔ ka nyama-ba karan. Antiyaki soe burɔ, Yisata mɔgɛnu tɔgɔ kele fɔlɔtɛ kɛra ko Kirasitita mɔgɛnu.

Kɛwɔlɛnu 2:21

ado mɔgɔ-wo-mɔgɔ wa madiyali kɛ Mari tɔgɔ rɔ, a ko wo tigi si kisi.’

Romu 10:13

Iko a sɛbɛnɛ Allala kitabu rɔ nya min, a ko, “Min bɛɛ si Mari rakele a dɛnbɛn-koe la, wonu si kisi.”

1 Kɔrɛnti 1:2

ma ye kɛdi kɛ sɛbɛla wole Allala mɔgɛnu ma minnu bi Kɔrɛnti soe burɔ. Alla ya minnu kele ka ma ata mɔgɔ-sɛnimɛnu na wo, minnu lanɛ Yisa Kirasiti la wo, minnu bi duninya kan tinɛ bɛɛ wo, ma ye kɛdi kɛ sɛbɛla wole ma ma Mari Yisa tɔgɔ rɔ. Mata Mari anubɛ anuta Mari le ale la.