Ko-Dabirɛnu 4:22 - ALLALA KUMƐ

²² Lamɛkila musi Sila ya Tubali-Ken sɔrɔn. Siyakinu anubɛ nunakɛnu benba le wo la. Tubali-Ken wo tirisan-musi le Nama la.

Ko-Dabirɛnu 4:22 ပူးပေါင်းရင်းမြစ်များ

Ko-Dabirɛnu 4:21

Yebɛli dɔgɔ-kei tɔgɛ le Yubɛli. Bɔlon-fɔlɛnu anubɛ fuli-fɛlɛnu benba le wo la.

Ko-Dabirɛnu 4:23

Lamɛki ya ala musi Eda anubɛ Sila rakele ka a fɔ anu ye ko, “Wo ni wo tole masɔ. Keminɛ min ya n tanban, n bara wo faga.

2 Ko-Kɔrɔta-Karan 2:7

Woletɔ i yandi, boloma-wɔli-kɛlɛ donu nana n ma minnu kusan sɛnɛ anubɛ wodi-gbɛ anubɛ silɛɛ anubɛ nɛgɛ ladanna. Wo kɔma, i ni mɔgɛnu nana n ma minnu kusan kura-bilolamɛ anubɛ kura-wulan anubɛ kura-finyɛ ladanna. Wonu ni na kofu nna boloma-wɔli-kɛlɛnu ma, n fa Mansa Dawuda ya minnu yabɔ Yerusalɛm soe burɔ Yuda nyamanɛ kɛ rɔ.

Bɔ-Koe-Iyipiti 25:3

I si n kɔ-fan minnu bira anu bolo, wo le kɛnu na, sɛnɛ wo, wodi-gbɛ wo, anubɛ silɛɛ.

Yilan-Yilan Koe 31:22

Tɛ ti ke fan minnu mintanna iko sɛnɛ, wodi-gbɛ, silɛɛ, fukan, nɛgɛ anubɛ dandakuyi, wo si wonu sɛninya tɛ la. Wo kɔma, wo si Marita yi-sɛninyanɛ kɛ anu ma. Tɛ si ke fan minnu mintanna, wo ni wonu sɛninya sɛninya-yi la dɔrɔn iko tɔn ya a fɔ nya min!

Tɔn-Fɔɛ-Fila-Nyɔgɛ 33:25

Wola soenu da-balan-fannu, alamɛ wonu mara nɛgɛnu na wo kanan-koe la. Fananta wo ye wo kɛndɛ la, alamɛ fanka taranta wo bolo.”

Tɔn-Fɔɛ-Fila-Nyɔgɛ 8:9

Kɔnkɔ ti wo bira nyɔ. Fenfen ti dasa wo ma nyɔ. Wo si nɛgɛnu taran farɛnu tɔ. Wo si kɔnkɛnu sin ka silɛɛ bɔ anu tɔ.