Ko-Dabirɛnu 4:2 - ALLALA KUMƐ

² Wo kɔma, a ya Ken wo tagbara-sɛ sɔrɔn. A ya den-kei wo fanan tɔgɔ sa Ebɛli. Saga-fɛ-biralɛ le wo la kɔnɔ Ken, sɛni-salɛ le wo la.

Ko-Dabirɛnu 4:2 ပူးပေါင်းရင်းမြစ်များ

Ko-Dabirɛnu 3:23

Woletɔ Mari Alla ya a gben ka a labɔ Idɛn nakɔɛ rɔ alako a ni wɔli dugi rɔ a bɔra kan min.

Ko-Dabirɛnu 37:13

Yakoba ya a fɔ Yusufu ye ko, “I kɔrɔnu bi kolo-fannu de-nyinina Sɛkɛm dafɛ. A sɔgɛ ye n na, n ni i sɔ anu bara.” Yusufu ya a fɔ a fa ye ko, “Awa, ale le wo la. N si ta.”

Ko-Dabirɛnu 4:1

Nba, Hadama ya ala musi Hawa latenbi a kɔma. A ya buyi bi ka den-kei sɔrɔn. Hawa ko, “N bara den-kei sɔrɔn Marita dɛnbɛnɛ fɛ.” A ya dan wo tɔgɔ sa Ken bawo tɔgɛ wo kɔrɛ le iko mɔgɔ wa a fɔ ko, “N bara fen sɔrɔn.”

Ko-Dabirɛnu 4:3

Lunyɛ do, Ken nara fan do la ka bɔ ala sɛnɛ rɔ ka a ma Mari kɔ-fan la.

Ko-Dabirɛnu 47:3

Mansɛ wo ya Yusufu na-kelen-nyɔgɛ wonu manyinika ko, “Wole ye nfen wɔlɛ kɛla?” Anu ya a fɔ mansɛ ye ko, “Kolo-fen-makandannɛ le male la iko ma benbanu bi nya min nun.

Ko-Dabirɛnu 9:20

Nowa le ya sɛni-sɛ dabira. Ale fɔlɔn ya nɔnbɔ-gbɔ-kuri-kiyi dabira.

Yaburi 127:3

Mari le si dannu di mɔgɛnu ma, ado duwa-bɛrɛbɛrɛ le wonu na.

Bɔ-Koe-Iyipiti 3:1

Wo tumɛ Musa ye a biran-kei, Yɛtirola sagɛnu makandanna, Midiyan saraka-masɔlɛ, kɔni, a tara sagɛ wonu nagbengbenna wulɛ rɔ ha ka ta ke Marita kɔnkɔ-sɛnimɛ ma, Sinayi, kɔni.

Emɔsi 7:15

Mari le ya n bɔ wonu kun na ka na n na yan alako n ni wɔlɔyiya-kumɛnu fɔ wole, Isirɛla mɔgɛnu ye.

Luka 11:50

Woletɔ ka a dabira duninya-dan-tumɛ, nɛbi minnu bara faga, wole bi-mɔgɛnu si tɔrɔyɛ sɔrɔn nɛbi-kɔrɔmɛ wo bɛɛ faga-koe la.

Luka 11:51

Ka a dabira Ebɛlila sayɛ ma ha ka a sigi Sakarayala sayɛ la, ale min fagara saraka-bɔ-tinɛ anubɛ kan-tina-sɛnimɛ tɛma, kɔni. N bi a fɔla wo ye ko bi-mɔgɛnu si tɔrɔyɛ sɔrɔn wonu damala ko la terr!

Yɔni 8:44

Wo fa Setanɛla dannu le wole la. Nba, wo ye a fɛ ka wo fa diyana-koenu kɛ. Kebi fɔlɔ, mɔgɔ-fagalɛ le ale la. A ma sɔn tonyɛ ma bawo tonyɛ sa ale rɔ. A wa foninya fɔ, wo ye a yirala a ye nya min. Foninya-fɔlɛ le ale la, ado ale Setanɛ, foninya-fɔlɛ bɛɛ fa le ale la.

1 Yɔni 3:10

Nba, dan-nafarɛ-bɛrɛ ye Allala dannu anubɛ Setanɛla dannu tɛma. Minnu ti ko-latelennɛ kɛ wo, minnu ti a na-kelen-nyɔgɛ keni wo, Allala den ma wonu na.

1 Yɔni 3:12

Ma kana ma iko Ken min ya a dɔgɛ faga. Setanɛtɛ le Ken wo la. A mara kama, Ken ya a dɔgɛ faga? A ya wo faga bawo ale ma ko-latelennɛ kɛ muk! Kɔnɔ a dɔgɛ ya min ma, wo telenta.

1 Yɔni 3:15

Ni min na-kelen-nyɔgɛ gboyara a ye, mɔgɔ-fagalɛ le wo tigi la, ado habadan-nimaya sa mɔgɔ-fagalɛ bolo iko wo ya a lɔn nya min.