Ko-Dabirɛnu 4:16 - ALLALA KUMƐ

¹⁶ Ken bɔra Mari fɛ ka ta Yilan-yilan Tinɛ Idɛn nakɔɛ tele-bɔɛ wara la.

Ko-Dabirɛnu 4:16 ပူးပေါင်းရင်းမြစ်များ

Ko-Dabirɛnu 3:8

Wurɛ wo la, anu ya Mari Alla na-kan lamɔɛn nakɔɛ rɔ. Woletɔ anu ya anu buri Mari Alla kɔrɔ ka ta anu dogon kɔlɔma-kurinu kɔma.

Ko-Dabirɛnu 4:14

Bawo i wara i yakɔrɛ firindi n ma min kɛ ka n gben nna sɛnɛ kuma, ka a dabira bi ma fɔ n ba ma yilan-yilantoe la, ado ni mɔgɔ-wo-mɔgɔ ya n yen, wo si n faga.”

Ko-Dabirɛnu 4:17

Ken ya ala musi latenbi a kɔma. Wo ya buyi bi ka Inɔki sɔrɔn. Ale Ken ya soe min datɛgɛ, a ya ala dan wo tɔgɛ sa soe wo kuma Inɔkiya.

2 Mansɛnu 13:23

Kɔnɔ hinɛ anubɛ kinikinɛ ye Mari rɔ. A ma sɔn Isirɛla mɔgɛnu nato-koe ma. A ya anu dɛnbɛ bawo a ara sarama-kan kiri Iburayima anubɛ ala den Isiyaka anubɛ wola den Yakoba ye nun, ado ha kaka, a ma nyina ala mɔgɛnu ko.

2 Mansɛnu 24:20

Mari diminyara Yuda mɔgɛnu ma anubɛ Yerusalɛm so-burɔ-mɔgɛnu ha a ya a kolan firindi anu ma.

Yobu 1:12

Mari ya a fɔ ale Setanɛ ye ko, “Tana ma wo la. Ko-wo-ko di i ye, i ni wo ma a bolo-fannu na kɔnɔ i kana ko-wo-ko ma ale Yobu nyɛrɛ la.” Setanɛ bɔra nyɔ.

Yobu 2:7

Setanɛ ya a bɔ Mari dafɛ. A ya a ma, sumunɛ tara fɛrɛnna Yobu fɛrɛ bɛɛ ma purususu!

Yobu 20:17

A ti ala nɔnfulu-ladɛnnɛ diya bɔ. Wo ti ma a bolo iko liyi anubɛ fɛnɛ.

Yaburi 5:11

Kɔnɔ min bɛɛ ye kisi-koe nyinina i bolo, alamɛ wonu tora nyagalen rɔ i bolo ka to sigi sala sewɛ rɔ. Anu yamatogon ila kanan-koe la bawo i di anu ye. Anu si nyagalen bawo i wara min ma anu ye.

Yaburi 68:2

A si anu gben iko fɔnyɔ si ta-sisi gben nya min. Karagbɛlɛnu si taran Alla tontɛ kɔrɔ, iko tɛ si kɛɛn lalee nya min.

Bɔ-Koe-Iyipiti 20:18

Mɔgɛnu ya banda-nyin-masɔgɛ yen ka san-sɛran anubɛ buru-fɛ-kan lamɔɛn ta-sisi-fin-bɛ rɔ kɔnkɛ kuma tumɛ min, anu yɛrɛyɛrɛnta ka anu masɛgi anu kɔma.

Yɛrɛmaya 23:39

Mari si wo bi ka wo lafili a rɔ pirr! A ya soe min di wobɛ wo benbanu ma, a ya a ban wo la.

Yɛrɛmaya 52:3

Mari diminyara Yuda mɔgɛnu ma anubɛ Yerusalɛm so-burɔ-mɔgɛnu ma ha a ya a kolan firindi anu ma. Ale Yuda Mansa Sɛdɛkaya murutiyara Babilɔn Mansa Nɛbukanasa ma.

Yona 1:3

Kɔnɔ hali wo, Yona ya Mari sɔsɔ. Mari ko a ni ta tele-bɔɛ kɔnɔ ale tara a ye tele-yigi. Yapa soe min bi kɔgɔ-yi kɔnkɔn-dɛ la, a tara a ye nyɔ. A ya kulun-belebele-wɛ do wulinɛ taran min bi tala Sipeni nyamanɛ rɔ. A ya kulun-sarɛ di ka ta. Ale miri le ko a si ke le a burila Mari kɔrɔ.

Matiyu 18:20

ado mɔgɔ fila, ni wo ma, mɔgɔ sawa wa bɛn n tɔgɔ rɔ, n bi anu tɛma nyɔ.”

Luka 13:26

Wo si a yabi worɔ ko, ‘Ma ya fen-dɔn-kɛ i fɛ ka ma min kan-tina-kelen. I ya mɔgɛnu karan mala soe burɔ!’

Yɔni 1:10

Ale Kumɛ wo ye duninya rɔ nun, ado Alla ya duninya dan ale le baraka rɔ kɔnɔ hali wo, duninya-mɔgɛnu ma a lɔn anutɛ la ka a gbiliya.

Yɔni 1:3

Alla ya fan bɛɛ dan ale le baraka rɔ, ado Alla ma fenfen dan ale kɔma.

1 Tɛsalonaika 1:9

Wo ya ma rabira nya min, mɔgɛ bɛɛ ye wo fɔla. Wo ya bɛsɛnu boloka nya min fanan ka wo ya-lamunun Alla nimɛ la, Alla-bɛrɛ, kɔni, bɛɛ ye wo rakaranna.