Ko-Dabirɛnu 4:10 - ALLALA KUMƐ

¹⁰ Wo kɔma, Mari ko, “I wara nfen ma kɛ la? I tole masɔ! I dɔgɛ yele ye dila n dala ka bɔ dugi rɔ a tayili-sara-koe la.

Ko-Dabirɛnu 4:10 ပူးပေါင်းရင်းမြစ်များ

Ko-Dabirɛnu 18:20

Wo kɔma, Mari ya a fɔ Iburayima ye ko, “Mɔgɛnu bi kuma-yogomɛ min fɔla Sɔdɔm anubɛ Kɔmɔra soenuna ko la, wo ara n tɔrɔ, ado anu sɔn yogo ha ka a dan-natenbi.

Ko-Dabirɛnu 3:13

Mari Alla ya a fɔ musi wo ye ko, “I ya kɛ tɛgɛ nfen ma?” Musi ko, “Duguma-fan le ya n yanfa woletɔ n ya gbɔɛ wo dɔn.”

Ko-Dabirɛnu 9:5

Ni min ya a ta-nyɔgɛ faga, wo fanan ni faga. Ni soge min ya hadama-dan faga, wo fanan si faga.

2 Mansɛnu 9:26

a ya a yen anu bara Nebɔti anubɛ ala dannu faga yan kunu. A ko fɔ a wa a tɔrɔ kan-tina-kelan kɛ rɔ yan. Woletɔ i ni ta Mansa Yɔram furi bi ka a labui Nebɔtila wɔli-kɛ-tinɛ kɛ rɔ alako ka Marita kumɛ latɔnbagaya.”

2 Ko-Kɔrɔta-Karan 28:9

Marita nɛbi Odɛdi siginɛ Samariya soe burɔ. Isirɛla kɛlɛ-dannu bi tala Yuda mɔgɔ-biranɛnu na anu bolo Samariya soe burɔ tumɛ min, nɛbi kɛ bɛnta anu na soe kɔma. Ale nɛbi ya a fɔ kɛlɛ-dan wonu ye ko, “Wo benbanuta Mari Alla diminyanɛ Yuda kɛnu ma, woletɔ a ara a ma, wole ara anu nɔ kɔnɔ wo ara karagbɛlɛyɛ min sigi anu na ka anu mɔnima-fagɛ-kɛ, a ara wo lɔn.

Yobu 16:18

Ile kanbɛ, anu ya ko-yogomɛ min sigi n na, i kana mabɛ wonu nakunu. N yele tenbi telenbagayɛ kelela ka bɔ dugi rɔ, i kana kilɛ tɛgɛ a ma.

Yobu 24:12

Mɔgɔ-tanbannɛnu bi anu kan nabɔla Alla ma soe burɔ kɔnɔ hali wo, Alla ti anu denkun. Fen-tiginu bi min sigila bolo-kolɔnnu ma, Allala ko sa wo rɔ.

Yaburi 50:21

Wo ara kɛ damasi ma nun kɔnɔ n ma fenfen fɔ. Wole mirinɛ ko nde le iko wole. Kɔnɔ kaka, n bi nala bɔla gbɛ rɔ wo ye ka wo makuma.

Yaburi 72:14

Minnu bi bolo-kolɔn bira boloko-yogomɛ-kɛla ka anu tɔrɔ, ale mansɛ si wonu tɔrɔ bawo bolo-kolɔn wonu niyi-sɔnkɔ sa.

Yaburi 9:12

Alla fonde ye mɔgɔ-tɔrɔnɛnu ko. A si a wɔlɔ matɔlɔ anu di-kɛ-kan la ka wonu tɔrɔ minnu bi ata mɔgɔ-tɔrɔnɛnu yakɔrɔ-mamɔla.

Yaburi 9:13

Mari, kinikini n ma. I kolan lana ka a yen, n yogenu bi n tɔrɔla nya min. E, Mari, n nakanan saya-kilɛ ma

Bɔ-Koe-Iyipiti 3:7

Mari ya a fɔ ko, “Nta mɔgɛ minnu bi Iyipiti, n bara wonuna tɔrɔyɛ yen yati! Anuna wɔli-kunyɛnu bi min mala anu na, n bara wo lɔn ka anu di-kɛ-kannu namɔɛn. N bara anuna yisi-lafinyɛ lɔn.

Aiseya 5:7

Mari Sɛnbɛ-Bɛɛ-Tigita nakɔɛ, wo le Isirɛla kɛ la. Yuda nyamanita-mɔgɛ wonu minnu di a ye, wonu denu bi ki-fenyɛ la. Mari miri ko anu bi ko-kɛndɛ le kun na nun, yaga, anu sa fenfen kun na fɔ mɔgɔ-fagɛ. A ya a lɔn ko anu bi ko-telennɛ le kun na nun, yaga, anu bi buila minnu ma, wonu bi dila a dala ko-telenni-koe la.

Yilan-Yilan Koe 35:33

“Ni mɔgɛ do ya mara-koe tɛgɛ, a ni yele do labɔ mɔgɛ ma ha mɔgɛ wo ni faga, mɔgɛ wo yele si nyamanɛ wo latinya. Wo dugi ma ti ku fɔ mɔgɛ min ya fagalɛ kɛ ka yele labɔ, wo fanan yele ni bɔ ka faga le serr!

Kɛwɔlɛnu 5:3

Pita ya a fɔ a ye ko, “Ananayasi, nfenna i wara sɔn ko Setanɛ ni don i yisi rɔ? I ya ila dugi feri min nyɔgɔn na, i ya do bɔ wodi wo la ka a lamara i nyɛrɛ ye, ado i ye foninyɛ le fɔ tinɛ Allala Ni-Sɛnimɛ ye wo la.

Kɛwɔlɛnu 5:9

Woletɔ Pita ya a fɔ a ye ko, “Nfenna wobɛ ila kei ya a latɛgɛ ko wo ni Marita Ni-Sɛnimɛ kɔrɔbɔ? Minnu tara ila kei togon, wonu bi dɛ la kaka. Anu si ta ile fanan na!”

Tɔn-Fɔɛ-Fila-Nyɔgɛ 21:1

“Wota Mari Alla ye nala lanyiri-nyamanɛ min dila wo ma, wo wa ke nyɔ rɔ, ni mɔgɛ do ya furi taran binyɛ rɔ, a ma a fagalɛ lɔn,

Hiburunu 11:4

Dɛnkɛninyɛ le fɛ, Ebɛli ya saraka-bɛrɛbɛrɛ bɔ Alla ye min tenbira Kenta sarakɛ la. Alla nyɛrɛ sɔnta ata kɔ-fannu na ka a yira ko a ara a hɛnɛ. Ala dɛnkɛninyɛ fɛ, hali Ebɛli faganɛ kɔnɔ ha bi, a ya koe min ma, wo ye kumala ma ye.

Hiburunu 12:24

Sarama-kan-kurɛ ara kiri Yisa yele min fɛ, wo ara ke wo fanan ma, ado a yele-purupurunɛ tenbira Ebɛli yele la.

Yemesi 5:4

Mɔgɛ minnu wɔlita wo ye wola sɛnɛnu tɔ, wo ya wonu kensunya. Alla ara wola yasere-masa-kan lamɔɛn. Nba, minnu ya wola fui-fan tɛgɛ ka a ladɛn wo ye, wonu di-kɛ-kan ara ke Mari Alla Sɛnbɛ Bɛɛ Tigi tole rɔ!

Yasowa 7:19

Yasowa ya a fɔ Ekan ye ko, “Nna dan, i ni tonyɛ fɔ Isirɛlata Mari Alla ye kaka ka i sɔ i hakɛ la. I ya min ma, wo fɔ n ye kaka. I kana ko-wo-ko dogon n ma.”

1 Samuwɛli 13:11

Kɔnɔ Samuwɛli ya a fɔ a ye ko, “I wara nfen ma kɛ la?” Mansa Sɔli ya a fɔ a ye ko, “Mɔgɛnu ta ara nyɛnsɛn n ma, ado i ya a fɔ le ko i ye nala. Kɔnɔ i ma na ila lɔgɔ-sanɛ kɔrɔ ha Filisitinu nadɛnta n kan ma Mikimasi.