Ko-Dabirɛnu 39:4 - ALLALA KUMƐ

⁴ Yusufu wara-koe ya Pɔtifa hɛnɛ woletɔ a ya a ma ala wɔli-kɛla-kun-tigi la. Pɔtifa ya a bolo-fan bɛɛsi latenbi a ma fanan.

Ko-Dabirɛnu 39:4 ပူးပေါင်းရင်းမြစ်များ

Ko-Dabirɛnu 15:2

Kɔnɔ Burama ko, “E, n tigi Mari Alla, i ye n barayila nfenna ko la? Den sa n bolo. N kɛɛ-bila sa, fɔ nna wɔli-kɛlɛ Ɛliyesa Damasika kɛ, wo le ye n kɛɛ bila.”

Ko-Dabirɛnu 18:3

A ya a fɔ anu ye ko, “N fanu, wo yandi, wo belen wo sulenna n barɛ yan tɔ. Wola wɔli-kɛlɛ le nde la.

Ko-Dabirɛnu 19:19

Hala a dan, i wara n niyi lakisi nya min, wo fɔlɔn ya ko bɔ. Kɔnɔ n ti ke n burila ha kɔnkɛ wo kuma. Kɔnkɛ wo fɛ-yan. Yanni n ni ke nyɔ tumɛ min, n ti halaki, wa?”

Ko-Dabirɛnu 24:2

Wo wati rɔ, Iburayima ya a fɔ ala wɔli-kɛla-kunyɛ ye min bi a bolo-fan bɛɛsi kuma ko, “I bole ladon n kin tɛma

Ko-Dabirɛnu 32:5

A fɔ a ye fanan ko yɔɔn siyaman bi n bolo anubɛ kolo-fannu. Baa wo, saga wo, ninki wo, sofɛlɛ wo, wonu bi n bolo duk! N bi wole, nna kilayɛnu natala a ma alako n bara-koe ni diya a ye.”

Ko-Dabirɛnu 33:10

Yakoba ko, “Ade, n bi i madiyala, ni n bara-koe ara i hɛnɛ, i yandi, i sanbɛnu bira n bolo wo rɔ. Ka tonyɛ fɔ, n bara i yakɔrɔ-nyimɛ yen n bara-la iko Alla kolonkɛ.

Ko-Dabirɛnu 33:8

Isɔ ya Yakoba manyinika ko, “N bɛnta kolo-fen-siyamɛ minnu na, i ya wonu nata i yarɔ nfenna?” Yakoba ya a yabi ko, “N bara wonu nata alako n ni yisi-kimɛ sɔrɔn ile, n tigi bolo.”

Ko-Dabirɛnu 39:8

Kɔnɔ a ya a ban a tigila musi bolo ka a fɔ a ye ko, “Ila kei ara a bolo-fan bɛɛsi latenbi n ma. Ala ko-wo-ko sa a bolo-fannu bara-koe rɔ. A ara wo lanayɛ di n ma.

1 Mansɛnu 16:9

Mansa Ilala kɛlɛ-den-kunyɛ do ye nyɔ nun min bi ala kirindinu fan kelan kun na. Kɛlɛ-den-kunyɛ wo tɔgɛ le Simiri. Ale Simiri ya yanfɛ rabɛn ale Mansa Ila ma. Mansɛla bonna-wɔli-kɛlɛnuna kun-tigi do ye nyɔ, wo tɔgɛ le Arasa. Wo ya a taran, ale Mansa Ila ye Arasala bɔn la Tirisa soe burɔ. A ara gbɛɛ min furr, ha gbɛɛ ya a bira.

Ɛsita 2:9

Ale Ɛsita wara-koe ya Hɛgayi hɛnɛ. Tiriyante wo rɔ, a donta Ɛsita mamunyɛ rɔ ka dɔn-fen-hakikɛ di a ma alako ala kinyɛ ni bɔ gbɛ rɔ. A ya sunkurun mɔgɔ wɔrɔnfila yabɔ ka wonu ma ala bonna-wɔli-kɛlɛnu na. A ya kan-tina-hakikɛ di anubɛ ala bonna-wɔli-kɛlɛnu ma min tenbira sunkurɔn doinutɛ la.

Hɛnkilimaya-Kumɛnu 14:35

Mansɛ si sewa ala wɔli-kɛla-nyimɛ la kɔnɔ a yogomɛ min ti sɔn ala wɔlɛ kɛla, ale mansɛ si wo tɔrɔ.

Hɛnkilimaya-Kumɛnu 16:7

Ni i kɛ-nya ya Mari hɛnɛ, hali i yoge, Mari si wo ma i diyana-mɔgɛ la.

Hɛnkilimaya-Kumɛnu 17:2

Bonna-wɔli-kɛla-hɛnkilimɛ si taran bon-tigila den-milibɛlɛ kun na bɔn la. Anubɛ bon-tigi wola dannu ta si kɛnya kɛɛ-sɔrɔn rɔ bɔn wo la.

Hɛnkilimaya-Kumɛnu 22:29

Mɔgɔ-wo-mɔgɔ kusan wɔlila, wo ti to ata wɔlɛ kɛla dogɔn tɔ. Hali mansɛ, a si a bolo don a wara-koe rɔ ala wɔli-nyimɛ wola ko la.

Hɛnkilimaya-Kumɛnu 27:18

Mɔgɛ min bi ala ki-fan fɛ-birala, wo le ye ala ki-fan wo gbɔɛ dɔnna. A ye wo nya na le fanan, wɔli-kɛlɛ min bi ala kun-tigi fɛ-birala, wo le ye gbiliyɛ sɔrɔnna.

Hɛnkilimaya-Kumɛnu 3:4

Ni i ya wo ma, i wara-koe si Alla hɛnɛ anubɛ mɔgɛnu.

Kɛwɔlɛnu 20:28

Wo ni ma saga-fɛ-biralɛnu na ka Allata mɔgɛnu fɛ-bira. Wo ni wo yili to wo nyɛrɛ ko anubɛ wo kurɔn ko Allata Ni-Sɛnimɛ ara min bɛɛ don wo bolo, ado a ya wonu ma atɛ la ala danta sayɛ fɛ.

Ruti 2:6

Wɔli-kunyɛ wo ya a fɔ Bowasi ye ko, “Neyomi le nara a la ka bɔ Mohabu nyamanɛ rɔ.

1 Samuwɛli 16:22

Wo kɔma, Mansa Sɔli ya kilayɛ lata Yɛsi ma, a ko, “Ila den Dawuda kɛ di n ye. A sɔgɛ ye n na, a ni to wɔlila n ye.”

1 Samuwɛli 2:26

Samuwɛli tora koloyala, ado a diyanɛ Mari anubɛ mɔgɛnu ye.