Ko-Dabirɛnu 39:23 - ALLALA KUMƐ

²³ Kun-tigi wo ma hɔn fenfen na tun. A ya yelela-koe bɛɛsi to Yusufu bolo kamasɔrɔn a ara a lɔn ko Mari ye Yusufu fɛ. Yusufu ya min bɛɛ kɛ, Mari ya wo lasabati.

Ko-Dabirɛnu 39:23 ပူးပေါင်းရင်းမြစ်များ

Ko-Dabirɛnu 39:20

Pɔtifa ya Yusufu bi ka a ladon yele la, mansɛta yelela-mɔgɛnu bi kan min.

Ko-Dabirɛnu 39:8

Kɔnɔ a ya a ban a tigila musi bolo ka a fɔ a ye ko, “Ila kei ara a bolo-fan bɛɛsi latenbi n ma. Ala ko-wo-ko sa a bolo-fannu bara-koe rɔ. A ara wo lanayɛ di n ma.

Yaburi 1:3

Mɔgɔ-sufa wo mani de iko kɔlɔma-kuri min kinɛ yi da la. A si gbɔ a tumɛ rɔ. A yanba-kunyɛ fanan ti gbala mumɛ! Mɔgɛ wo wa a bole don fenfen tɔ, wo ti sɛgi kɔma.

Aiseya 43:2

A ko ma tenbi dumɛ tɛma, a ye ma fɛ nyɔ rɔ. Ma kunyɛ ti to tɔrɔyɛ wo rɔ. Hali ma tenbi tɛ tɛma, a ko ma ti mintan. Ma kunyɛ ti to gbɛlɛyɛ wo rɔ.

Daniyɛli 6:22

Nta Alla ara ata melika lana ka yarɛ kɛnu dɛ makiri alako anu kana ko ma n na. A ya kɛ ma le bawo n ma ko tinya, ado n ma ko-yogoma ma i la.”

1 Samuwɛli 2:30

“A ko ale Isirɛla mɔgɛnuta Mari Alla ara lanyiri kiri wati-tenbinɛ ko Aruna anubɛ ata denbayɛ si ma ata wɔli-kɛlɛnu na tolon! Kɔnɔ a ko kaka, a ti sɔn wo ma tun. A ko min bi a gbiliyala, ale fanan bi wo le fanan gbiliyala. Min bi a lafɛyala, ale fanan bi wo le tigi lafɛyala.