Ko-Dabirɛnu 38:26 - ALLALA KUMƐ

²⁶ Yuda ya wonu yen tumɛ min, a ya a sɔn a la. A ko, “Ale le wara yo sɔrɔn! Nde le ya a tinya bawo n ma n kuman-kan latɔnbagaya ka a di nna den Sela ma.” Wo kɔma, Yuda ma a sa a fɛ tun.

Ko-Dabirɛnu 38:26 ပူးပေါင်းရင်းမြစ်များ

Ko-Dabirɛnu 37:33

Yakoba ya duruki wo yen a yɛ la tumɛ min, a ya a lɔn yati, ko ala den Yusufula duruku-hakikɛ le. A ko, “Nna den-bɛrɛbɛrɛla duruki le kɛ la, yɔ! Sogo-yogomɛ le wara a rafarafara kɛ la ka a dɔn saa!”

Ko-Dabirɛnu 38:14

Temara ya ala furunya-kurɛnu bɔ a ma ka kura-dogbɛrɛ kiri a la. A ya kurɛ do fanan burun a kun na. Temara ya a lɔn ko a numɔgɔ-keminɛ Sela wo ara koloya gbongboron, ado a benba ma ale latenbi wɛ a numɔgɔ Sela ma. Woletɔ a sigira gbɛ rɔ Ɛnayim soe don-dɛ la Timina kilɛ la.

Ko-Dabirɛnu 4:1

Nba, Hadama ya ala musi Hawa latenbi a kɔma. A ya buyi bi ka den-kei sɔrɔn. Hawa ko, “N bara den-kei sɔrɔn Marita dɛnbɛnɛ fɛ.” A ya dan wo tɔgɔ sa Ken bawo tɔgɛ wo kɔrɛ le iko mɔgɔ wa a fɔ ko, “N bara fen sɔrɔn.”

2 Samuwɛli 16:22

Anu ya fani-bɔn sɔ Abasalɔm ye bolɔn wo kuma Isirɛla mɔgɛnu si a yen kan min. Abasalɔm ya a sa a fa fɛ-sigi-musi wonu fɛ nyɔ.

2 Samuwɛli 20:3

Mansɛ ke ala bolɔn la Yerusalɛm soe burɔ, a ya ala bolɔn wo to a fɛ-sigi-musu mɔgɔ tan minnu bolo, a ya anu to birɛ rɔ anu siyi-tele-bɛɛ kɔrɔ. Wonu ma fenfen ban a bolo kɔnɔ a ma sɔn kila wonu bara tun. Wonu tora sigini anu dan na wo nya na le iko kɛɛ-musu-magboyanɛnu.

2 Samuwɛli 24:17

Mansa Dawuda ya ale niyi-bɔ-melika yen. A ya a fɔ Mari ye ko, “Ko-tinyanɛ ye nde le la. Nde le wara ko-yogomɛ ma. Mɔgɔ-makinikininɛ kɛnu bara nfen ko-yogoma ma? A bɛnnɛ tɔrɔyɛ kɛ ni sigi mabɛ nna denbayɛ le la.”

Yobu 4:5

Kɔnɔ kaka, tɔrɔyɛ ara na ile kuma, yaga, ile ti ke i munna wo kɔrɔ.

Yobu 40:5

N bara kumɛ minnu fɔ, wonu kolo nde nyɛrɛ ko.

Isikiyɛli 16:52

A fɛrɛ sa fɔ i ni dinya ita yarabiyi wo kɔrɔ. I hakɛ tenbira anutɛ la ha a manɛ iko anu ma hakɛ kɛ iko ile. I kun nayigi miliyɛ bolo bawo i sɔn ara a ma, i na-kelen-nyɔgɔ-musinu bara gbɛ feu!

Habakuku 1:13

Kɔnɔ Mari, ile si ke i munyuna karagbɛlɛ wonu kɔrɔ kama? I kolan sɛnima karagbɛlɛ wonu mafɛlan ma. I ti to i kolan bɛnna karagbɛlɛ wonu ma. Anu tenbi mɔgɔ-latelennɛnu kasarala wati min, nfenna i si i made, i ti kuma? Anu bi min kasarala, wonu telenta ka tenbi anu denu na.

Matiyu 3:8

Wo ni koe donu kɛ minnu si a yira ko wo ara wo kɛ-nyanu yɛlɛma.

Yɔni 8:9

Anu ya kɛ lamɔɛn tumɛ min, anu dama bɔra kelen-kelenyɛ ma ka a dabira kinanu ma ka yigi. Yisa kelen pe le tora anubɛ musi wo sɔnɛ a yakɔrɔ.

Romu 13:12

Suyi-banmatoe le. Banda-ka-dɛ ara gbɛrɛn. Ma ni pinpirɔ-koenu boloka wona ka mala kɛlɛ-kɛ-mirannu bi ka Allata kɛlɛ kɛ wan-takanɛ rɔ.

Romu 3:19

Nba, ma ya a lɔn ko minnu bi Allata tɔn wara-koe kɔrɔ, tɔn-kitabu kɛ sɛbɛra wonu denu ye. Wo sɛbɛnɛ alako mɔgɛna masigima-fɔɛ ni ban ka duninya-mɔgɛ bɛɛ lana Allala kiti kɔrɔ,

1 Samuwɛli 24:17

A ya a fɔ Dawuda ye ko, “Ile latelenta nde ko. Ile ya ko-nyimɛ kɛ n ye kɔnɔ nde ya ko-yogomɛ le ma i la!

1 Samuwɛli 24:18

I wara ko-nyimɛ yira n na bi bawo Mari ara n don i bolo kɔnɔ i ma ko ma n na.