Ko-Dabirɛnu 37:4 - ALLALA KUMƐ

⁴ A na-kelen-nyɔgɛnu ya a yen tumɛ min ko anu fa ara ale keni ka tenbi anu dama la, anu ya a makeliya ka a magboya. Anu ma anu ya-nyimɛ yira a la tun.

Ko-Dabirɛnu 37:4 ပူးပေါင်းရင်းမြစ်များ

Ko-Dabirɛnu 27:41

Isɔ ya Yakobala koninteyɛ sigi a burɔ ka a tɛgɛ duwɛ wola ko ma a fa ya min kɛ a dɔgɛ ye. Isɔ ya a miri a ma a yisi rɔ ka a fɔ mɔgɛnu ya la ko, “N fa sa mɛla sayɛ la tun. Ni n fa sara, fɔ n ba n dɔgɛ kɛ faga.”

Ko-Dabirɛnu 37:11

A na-kelen-nyɔgɛnu ya a kɔn kɔnɔ a fa ya a hɛnkili to ala kiyo wo ko.

Ko-Dabirɛnu 37:5

Lunyɛ do, Yusufu kiyora. A ya ala kiyo wo rakaran a na-kelen-nyɔgɛnu ye ko, “Wo ni wo tole masɔ nna kiyo la a kin na!” A ko, “N kiyora le bi suyi rɔ. Ma ye fui-fen-tɛgɛnɛ lakirila sɛnɛ rɔ. N ya a yen ko nta fui-fen-nakiri ara a lasɔ ka a latelen tede! Wota fui-fen-nakirinɛnu nara kinki nta fui-fen-nakiri wo la. Anu madunɛ ntɛ kɔrɔ.” A na-kelen-nyɔgɛnu ya a fɔ a ye ko, “Mansaya-sɔgɛ le ile la male kuma, wa?” Ka a tɛgɛ ala kiyo wo ma, a sɔgɔ labɔra a na-kelen-nyɔgɛnu na lass, ka tenbi a fɔlɔtɛ la.

Ko-Dabirɛnu 4:5

kɔnɔ a ma sɔn Ken anubɛ ala kɔ-fan la. Woletɔ Ken diminyara bɛrɛkɛ! A ya a yakɔrɛ sisi yisi-bɔɛ bolo.

Ko-Dabirɛnu 49:23

I yogenu si to ile Yusufu bɔnsɔnnu makeliyala ka anu kɛlɛ kalabɛn la.

Yaburi 38:19

N yogenu kɛndɛ, ado anu tagbɛlɛ. N ma n sɔgɔ-labɔ-kunya yen n yoge siyamɛnu na.

Yaburi 69:4

N sɔgɔ labɔnɛ minnu na, n ma ko ma minnu na, wonu siya n kun-sigi ko. N yogenu bi tɔgɛ sala n na. Anu tagbɛlɛ n ko, ado n faga-sɔgɛ ye anu na. N ma fan minnu bi, anu bi n fɔrɔsɛla ko n ni wonu nasɛgi.

Yɛrɛmaya 12:6

I ye minnu yasere-masala kɛ la, i na-kelen-nyɔgɔ-bɛrɛbɛrɛ le wonu na. Hali i kebilɛ nyɛrɛ, anu bi dɛdɛ rasala i ma. Wonu denu bi i kan ma. Woletɔ hali anu bi kuma-teleka-telekɛnu fɔla i ye, i kana la anu na.

Maraka 3:25

Ni kɛlɛ donta denbayɛ min tɛma, denbayɛ wo ti mɛ nyɛnsɛnna.

Taita 3:3

Fɔlɔ-nun, kuntan anubɛ kuma-birabɛlɛ anubɛ ko-yogoma-kɛlɛ le male la. Mɔgɛnu ya ma yanfa ko ma ni ma yɔɔnnu na fɛrɛ-nata anubɛ nyɛrɛ-diyana-ko-sufa-bɛɛ bolo. Ma ya mala wati bɛɛ tinya wunduyogoyɛ anubɛ keliyɛ rɔ. Ma gboyara mɔgɛnu ye, ado anu fanan gboyara ma ye.

1 Yɔni 2:11

Kɔnɔ ni gboyanayɛ ye anubɛ a na-kelen-nyɔgɔn tɛma, wo tigi ye pinpi rɔ. A ye tagamana pinpi rɔ. A ma a ta-tinɛ lɔn hali, bawo pinpi ara a fiyonya.

1 Yɔni 3:10

Nba, dan-nafarɛ-bɛrɛ ye Allala dannu anubɛ Setanɛla dannu tɛma. Minnu ti ko-latelennɛ kɛ wo, minnu ti a na-kelen-nyɔgɛ keni wo, Allala den ma wonu na.

1 Yɔni 3:12

Ma kana ma iko Ken min ya a dɔgɛ faga. Setanɛtɛ le Ken wo la. A mara kama, Ken ya a dɔgɛ faga? A ya wo faga bawo ale ma ko-latelennɛ kɛ muk! Kɔnɔ a dɔgɛ ya min ma, wo telenta.

1 Yɔni 4:20

Ni mɔgɛ ko a ara Alla keni, hali wo, a na-kelen-nyɔgɛla ko lamaranɛ a yisi rɔ, foninya-fɔlɛ le wo tigi la. Ma ara ma na-kelen-nyɔgɛ min yen, ni ma ma wo keni, Alla don, ma ma min yen bɛ? Ma si a fɔ kama ko ma ye wo kenina?

1 Samuwɛli 17:28

Dawuda ye kumɛ minnu fɔla kɛlɛ-dannu ye, a kɔrɔ Ɛliyabu ya wonu namɔɛn. A diminyara Dawuda ma. A ko, “Ile ye nfen mala yan tɔ? Yon bi ila sagɛnu mafɛlɛnna wulɛ rɔ? Ile kolobɛlɛ kalabante, i ya a lɔn iko i ya koe bɛɛ lɔn. Ile nara kɛlɛ mafɛlɛn tinɛ le dɔrɔn.”