Ko-Dabirɛnu 37:34 - ALLALA KUMƐ

³⁴ Yakoba ya ala duruki rafara a kan na mɔninyɛ bolo ka kasa-kurɛ don a kan na. A mɛra ala dan dila.

Ko-Dabirɛnu 37:34 ပူးပေါင်းရင်းမြစ်များ

Ko-Dabirɛnu 37:29

Anu kɔrɔ sarɛ Rubɛn nara kɔlɔn dɛ la anu kɔma tumɛ min, a ma Yusufu taran kɔlɔn wo rɔ tun. Ala duruki min bi a kan na, a ya wo rafara mɔninyɛ bolo.

Ko-Dabirɛnu 42:38

Kɔnɔ Yakoba ko, “Ndeta dan kɛ, wo ti ta wo fɛ mumɛ! A na ya anu mɔgɔ fila pe le sɔrɔn. A kɔrɔ ara sa. A kelen pe le tonɛ gbɛ! Ni ko mara a la wola tagama rɔ, wo si a ma, n kɔrɔyanɛ ni faga yisi-tinya bolo.”

Ko-Dabirɛnu 44:13

Bɛnyamɛ kɔrɔnu ya anuna durukinu tafara anu kan na yisi-tinya bolo. Anu ya anuna dunɛ wonu bi tun ka anu kiri anuna sofɛlɛnu kɔ tɛma. Anu sɛgira anu kɔma Iyipiti nyamanɛ rɔ.

2 Samuwɛli 1:11

Dawuda anubɛ ala kɛlɛ-dannu ya anuna durukinu tafara yisi-tinya bolo.

2 Samuwɛli 3:31

Dawuda ya a fɔ Yohabu anubɛ ala kɛlɛ-dannu ye ko anu ni di Abinala ko la. Anu ni anuna durukinu tafara ka kasa-duruki don. Anu bi tala Abina furi la furi-bi-fan kuma kaburu-soe la tumɛ min, Dawuda nyɛrɛ-nyɛrɛ bilara anu fɛ.

1 Mansɛnu 20:31

Ala mɔgɔ-banu tara a fɔ a ye ko, “Ma ye a lamɔɛnna ko Isirɛla mansɛnu si kinikini de mɔgɔ ma. Ni i si sɔn, ma ni kasa-kurɛ kiri ma la ka yili kiri ma kan na ka a yira ko ma ara famayigi ma yogenu kɔrɔ. Ma ni ta Mansa Ehabu wara. Tumado, a ti i faga.”

1 Mansɛnu 21:27

Mansa Ehabu ya Marita kumɛ wo lamɔɛn Nɛbi Ilaya bolo min kɛ, a ya ala duruki rafara yisi-tinya bolo ka kasa-kurɛ kiri a la. A ya a ban fen-dɔn-koe ma, a kira sani kasa-kurɛ wo kuma, ado hali a tenbi tagamana, a yisi magboyanɛ.

2 Mansɛnu 19:1

Mansa Hɛsakaya ya kumɛ wonu namɔɛn tumɛ min, a ya ala duruki rafara yisi-tinyɛ bolo. A tara kasa-kurɛ don a kan na. A tara Mari Bato-Bɔn la.

2 Mansɛnu 2:12

Nɛbi Ilaisa ya a yen yɛlɛla, a ya a rakele, a ko, “E, n fa! Ile Isirɛla latankalɛ! I wara ta!” Nɛbi Ilaisa ma a yen tun. Yisi-tinyɛ wola ko la, Nɛbi Ilaisa ya a kan-na-duruki rafara filɛ la.

2 Mansɛnu 22:11

Kumɛ minnu sɛbɛnɛ buku wo rɔ, ale mansɛ ya wo lamɔɛn tumɛ min, a ya ala duruki rafara yisi-tinyɛ bolo.

1 Ko-Kɔrɔta-Karan 21:16

Mansa Dawuda ya ale niyi-bɔ-melika yen sɔnɛ san anubɛ dugu tɛma. Faan ye a bole la. A ye Yerusalɛm kasara-koe rɔ. Mansɛ anubɛ ala mɔgɔ-banu ya kasa-duruki don anu kan na. Anu damasi ya anu madu ka anu kunyɛ gbangban dugu ma.

1 Ko-Kɔrɔta-Karan 7:22

Anu fa Ifɛrɛm mɛra anu dila tele-siyaman kɔrɔ. Ale kɛmɔgɛ wo na-kelen-nyɔgɛnu nara saya-kɔndɔli-kɛ-tinɛ.

Nihɛmaya 9:1

Karɛ wo nyɛrɛ, a tele mogan-ni-nani nyɔgɛ ma, Isirɛla mɔgɛnu ya anu nadɛn ka sunyɛ don alako anu ni anuta yisi-lafinyɛ yira Mari la. Anu ya kasa-kurɛnu kɛ anu ma ka gbangban kɛ anu kunyɛ rɔ ka diyi-kɛ sɔnsɔn a la. Wo si a yira ko anu nimisanɛ. Wo wati ya a taran, anubɛ sibolo-gbɛrɛnu sa gbundu kelen tɔ tun. Anu bara anu fara wonuta gbundi la nun. Wo kɔma, anu ya anu sɔ anu hakɛ la anubɛ anu benbanu bara min tinya.

Yobu 1:20

Yobu ya wonu namɔɛn tumɛ min, a ya ala duruki rafara yisi-tinya bolo. A ya a kunyɛ sii. A ya a laburun dugu ma ka Alla bato.

Yobu 16:15

A manɛ iko kasa-kurɛ ara kara n fɛrɛ ma. N yisi-tinyanɛ siginɛ gbangban rɔ.

Yobu 2:12

Anu tora wula-yan la, anu ya ale Yobu mafiliyanɛ yen kirayɛ bolo. Anu ya a ragbɛ wati min, anu donta diyi-kɛ rɔ ka anuna durukinu tafara yisi-tinya bolo. Wo kɔma, anu ya gbangban yuluyulu anu kunyɛ rɔ.

Yaburi 69:11

N bi n makirila diyi-kɛ-kurɛnu na kɔnɔ anu bi n mayɛlɛnna.

Aiseya 32:11

Wo siginɛ ladiyɛ rɔ, hɔn sa wo la kɔnɔ wo ni yɛrɛyɛrɛn kumakɔɛ bolo. Wo ni wo gbu-makolonya ka wo buta kiri kasa-kurɛ la.

Aiseya 36:22

Ilayakim anubɛ Sɛbana anubɛ Yowa ya anuna durukinu tafara yisi-tinya bolo. Kandɛ ya kumɛ min bɛɛsi fɔ anu ma, anu tara wonu takaran Mansa Hɛsakaya ye.

Yɛrɛmaya 36:24

Ale mansɛ anubɛ ala mɔgɔ-banu ya kɛ lamɔɛn min kɛ, anu yisi ma tɔrɔ. Anu ma kilan defan!

Yɛrɛmaya 48:37

Bɛɛ si a kunyɛ gbana ka anu buyɛ matɛgɛ. Bɛɛ ye nala a bole matɛgɛ-tɛgɛla di-kɛ-tinɛ ka kasa-kurɛ kɛ a ma.

Yowɛli 2:13

Wo kana wola durukinu tafara yisi-tinya bolo tun kɔnɔ a ko wo ni tubi-yisi-bɛrɛbɛrɛ sɔrɔn. Wo ni wo ya-lamunun wota Mari Alla la bawo wo di a ye, ado a nyimayanɛ wo ye. A fonde ti bɔ yona, ado ala keninteyɛ kolo. A rabɛnnɛ wo makoto-koe la, wo tɔrɔ ko ma de!

Matiyu 11:21

A ko, “Ile Koresin so-burɔ-mɔgɛnu, gbalo ye wo kuma! Ile Bɛti-Sayida so-burɔ-mɔgɛnu, gbalo ye wole fanan kuma bawo kabana-koe minnu bara kɛ wo rɔ, ni wo nyɔgɔn kɛra Taya anubɛ Saidon soenu tɔ nun, nyɔ-mɔgɛnu bara tubi nun, bi ma! Anu si kasa-kurɛ don anu kan na nun ka ta-gbangban kɛ anu kunyɛ rɔ ka a yira ko anu bara anu kɛ-nyanu yɛlɛma!

Matiyu 26:65

Saraka-masɔla-kun-tigi-wɛ ya wo lamɔɛn tumɛ min, a ya ala duruki rafara diminyɛ bolo. A ko, “Tanama-kumɛ le kɛ la! Ma mako sa sereya-gbɛrɛkɛ la tun mumɛ! Wo ara ala kuma-yogomɛnu namɔɛn yan tɔ! Nba, kumɛ dan le wo la!

Kɛwɔlɛnu 14:14

Min ma-sɔgɛ ye mɔgɛnu na, Banabasi anubɛ Pɔli ya wo lamɔɛn tumɛ min, anu ya anuna durukinu tafara yisi-tinya bolo. Anu burimatoe donta nyama tɛma ka gbele-gbelen ko,

Yasowa 7:6

Yasowa anubɛ Isirɛla mɔgɔ-banu ya anuna durukinu tafara yisi-tinyɛ bolo. Anu ya anu nyɛrɛ fɛrɛn dugu la Marila tɔn-kenkirɛ yakɔrɔ. Anu ya gbangban kɛ anu kunyɛ rɔ ka a yira ko anu bara nimisa. Anu telenta sani dugu ma gbɛn!

Lankɛnimayɛ 11:3

N si nna nɛbi fila lata minnu fɛrɛya bɔnɛ kasa-kurɛ la. Wonu si Allala kumɛ fɔ tele waga kelen ani tele kɛmɛ fila ani tele bi-wɔrɔ (1,260) kɔrɔ.”

Kɛlɛ-Kurugbɛnu 11:35

Yɛfɛta ya ala dunmusi wo yen tumɛ min, a ya ala duruki rafara yisi-tinya bolo. A ko, “E, nna den, i wara a ma, n yisi ara tinya. N bara n dakan-don Mari ye n ti ke min tinyana.”