Ko-Dabirɛnu 37:29 - ALLALA KUMƐ

²⁹ Anu kɔrɔ sarɛ Rubɛn nara kɔlɔn dɛ la anu kɔma tumɛ min, a ma Yusufu taran kɔlɔn wo rɔ tun. Ala duruki min bi a kan na, a ya wo rafara mɔninyɛ bolo.

Ko-Dabirɛnu 37:29 ပူးပေါင်းရင်းမြစ်များ

Ko-Dabirɛnu 34:13

Anu bara a lɔn nun ko Sɛkɛm buira anu tirisan-musi ma, woletɔ Yakobala dannu ya Sɛkɛm anubɛ a fa yabi halliyɛ rɔ ka anu yanfa.

Ko-Dabirɛnu 37:34

Yakoba ya ala duruki rafara a kan na mɔninyɛ bolo ka kasa-kurɛ don a kan na. A mɛra ala dan dila.

Ko-Dabirɛnu 44:13

Bɛnyamɛ kɔrɔnu ya anuna durukinu tafara anu kan na yisi-tinya bolo. Anu ya anuna dunɛ wonu bi tun ka anu kiri anuna sofɛlɛnu kɔ tɛma. Anu sɛgira anu kɔma Iyipiti nyamanɛ rɔ.

2 Samuwɛli 1:11

Dawuda anubɛ ala kɛlɛ-dannu ya anuna durukinu tafara yisi-tinya bolo.

2 Samuwɛli 13:19

A ya ta-gbangban kɛ a kunyɛ rɔ ka ala duruki wo rafara a kan na. A ya a bolo filɛ burun a yɛ la. A dimatoe tara.

2 Mansɛnu 11:14

A ke nyɔ, a ya mansa-kurɛ sɔnɛ taran Bato-Bɔn don-dɛ sɛnbɛrɛn-kɔn fɛ iko anuna namu ye nya min. Mansa-kurɛ kɛ lafoonɛ kandali-kɛlɛnuna kun-tiginu bolo anubɛ buru-fɛlɛnu anubɛ mɔgɛnu. Anu damasi ye a lawɔyɔla sewɛ bolo. Anu bi burinu fanan fɛla. Ale Atalaya ya wo rayen min kɛ, a ya ala duruki rafara yisi-tinyɛ bolo. A ya a fɔ ko, “Anu bi nna bu-koe le tɔ kɛ la.”

2 Mansɛnu 19:1

Mansa Hɛsakaya ya kumɛ wonu namɔɛn tumɛ min, a ya ala duruki rafara yisi-tinyɛ bolo. A tara kasa-kurɛ don a kan na. A tara Mari Bato-Bɔn la.

2 Mansɛnu 5:7

Isirɛla mansɛ wo ya kɛdi wo karan tumɛ min, a ya ala duruki rafara yisi-tinyɛ bolo. A ya a fɔ ko, “Siriya mansɛ kɛ mirinɛ ko kiraya-dandannɛ le nde la, wa? A miri le ko Alla le nde la, wa? Sɛnbɛ ye nde bolo ka mɔgɔ faga anubɛ ka furi niyi bila a rɔ? N bara a lɔn kɛ le ma ko n kɛlɛ-sɔgɛ ara a bira.”

Yobu 1:20

Yobu ya wonu namɔɛn tumɛ min, a ya ala duruki rafara yisi-tinya bolo. A ya a kunyɛ sii. A ya a laburun dugu ma ka Alla bato.

Yɛrɛmaya 36:24

Ale mansɛ anubɛ ala mɔgɔ-banu ya kɛ lamɔɛn min kɛ, anu yisi ma tɔrɔ. Anu ma kilan defan!

Yowɛli 2:13

Wo kana wola durukinu tafara yisi-tinya bolo tun kɔnɔ a ko wo ni tubi-yisi-bɛrɛbɛrɛ sɔrɔn. Wo ni wo ya-lamunun wota Mari Alla la bawo wo di a ye, ado a nyimayanɛ wo ye. A fonde ti bɔ yona, ado ala keninteyɛ kolo. A rabɛnnɛ wo makoto-koe la, wo tɔrɔ ko ma de!

Yilan-Yilan Koe 14:6

Ko-lakɔrɔsila mɔgɔ filɛ, Nunna den-kei Yasowa anubɛ Yɛfunɛla dan Kelabu, wonu yisi magboyara ha anu ya anuna durukinu tafara yisi-tinya bolo.

Kɛwɔlɛnu 14:14

Min ma-sɔgɛ ye mɔgɛnu na, Banabasi anubɛ Pɔli ya wo lamɔɛn tumɛ min, anu ya anuna durukinu tafara yisi-tinya bolo. Anu burimatoe donta nyama tɛma ka gbele-gbelen ko,

Kɛlɛ-Kurugbɛnu 11:35

Yɛfɛta ya ala dunmusi wo yen tumɛ min, a ya ala duruki rafara yisi-tinya bolo. A ko, “E, nna den, i wara a ma, n yisi ara tinya. N bara n dakan-don Mari ye n ti ke min tinyana.”