Ko-Dabirɛnu 37:27 - ALLALA KUMƐ

²⁷ Wo na, ma ni a mayira Sumanyila kegeyɛnu ma. Ma kana ko-yogoma ma a la kamasɔrɔn ma na-kelen-nyɔgɔ-bɛrɛbɛrɛ le ale la.” Anu ya a kuman-kan wo bira.

Ko-Dabirɛnu 37:27 ပူးပေါင်းရင်းမြစ်များ

Ko-Dabirɛnu 29:14

Leban ya a fɔ a ye ko, “Nna den-bɛrɛbɛrɛ le ile la.” Yakoba tora Leban fɛ karɛ kelen.

Ko-Dabirɛnu 37:22

Rubɛn ya a fɔ anu ye ko, “Wo kana ko-wo-ko ma a la. Wo ni a lakɛ kɔlɔn rɔ wulɛ rɔ yan.” Rubɛn ya kɛ fɔ alako a si fɛrɛ sɔrɔn nya min ka Yusufu bɔ anu bolo ka a lakisi ka a lasɛgi a fa ma.

Ko-Dabirɛnu 42:21

Anu ya a fɔ anu nyɔgɔn ye ko, “Ni i ya a yen ma ye tɔrɔla ka, ma ya ko-yogomɛ min ma ma dɔgɛ Yusufu la, wo le dankɛ bilanɛ ma fɛ kɛ la. Ma ya a yakɔrɔ-mamɔnɛ yen tumɛ min wo tumɛ a ye ma madiyala ko ma kana a faga. Kɔnɔ ma ma ma tole masɔ a la woletɔ ma ye tɔrɔyɛ kɛnu sɔrɔnna.”

Ko-Dabirɛnu 50:20

Wole ya ko-yogomɛ sigi n na kɔnɔ Alla ya a yɛlɛma n ye a nyimɛ la alako mɔgɔ siyaman ni kanan n fɛ.

2 Samuwɛli 12:9

Mari ko nfenna i wara ala kumɛ bɔ a gbɛ rɔ? A ko nfenna i wara ko-yogoma-su kɛ ma? I wara a ma, Amonnu bara Yuraya faga kɛlɛ rɔ. Wo kɔma fanan, i wara ala musi bi!

Nihɛmaya 5:5

Yanni ma ni duti wonu yili-sarɛ sɔrɔn, fɔ ma wa mala dannu denu mayira ka wonu ma yɔɔnnu na, ado male donu bara ban mala dunmusinu mayirala. Ma ti ke ko-wo-ko nɔla tun yigi-tɛgɛ bolo bawo mala wɔli-kɛ-tinɛnu bi gbaran rɔ. Yele kelen de male Yahudiyanu na wona. Anuna dannu kin matɛnu ko, wa?”

Nihɛmaya 5:8

N ya a fɔ anu ye ko, “Ma ara ma raya nun ka ma na-kelen-nyɔgɛnu kunka sibolo-gbɛrɛnu bolo. Kɔnɔ kaka, wo ye wo na-kelen-nyɔgɛ Yahudiyanu fɔrɔsɛla ka anu nyɔgɔn mayira wo ma.” Kun-tiginu ya a sigi-a-la don! Anu ma ke fenfen fɔla.

Bɔ-Koe-Iyipiti 21:16

“Ni min ya mɔgɛ kankan, ni a ya mɔgɛ wo mayira le wo, ni a tora a bolo le wo, wo ni kankan wo faga.

Bɔ-Koe-Iyipiti 21:21

Hali wo, ni a ma faga tele filɛ wo kɔrɔ, wo kana kuma di yɔɔn-tigi wo ma bawo a ya a san de!

Matiyu 16:26

Ni mɔgɛ ya duninya fan bɛɛ sɔrɔn kɔnɔ a ni bɔnɔ a niyi la, a ya nfen tɔnɛ sɔrɔn wo la? Mɔgɔ ti ke fenfen dila a niyila ko la,

Matiyu 26:15

A ya a fɔ anu ye ko, “Ni n ya Yisa don wo bolo, wo si nfen di n ma?” Anu ya wodi-gbɛ bi-sawa dan ka wo di a ma.

1 Timoti 1:10

yɛlannu wo, kei-maki-keinu wo, yɔɔn-mayiralɛnu wo, foninya-fɔlɛnu wo, foninya-sereya-bɔlɛnu wo, anubɛ ko-wo-ko min si tonya-karan masɔsɔ, tɔn kɛ sɛbɛnɛ wonu denu ye.

Lankɛnimayɛ 18:13

Anuna fan min tɔgɛ sinamɔn wo, kɛnɛ wo, isɛnti wo, mira wo, anubɛ farankinsɛnsɛ, yila-wo-yila sa nyɔ min si wonu fanan san. Baan wo, tulu wo, dɛgɛ-munku wo, fui-fen wo, wonu sanna-wo-sanna sa nyɔ. Ninki wo, sagɛ wo, soee wo, kirindi wo, yɔɔn wo, hali mɔgɔni-gbui, wonu fanan sanna-wo-sanna sa nyɔ.

1 Samuwɛli 18:17

Mansa Sɔli ya a fɔ Dawuda ye ko, “Ni i ya i kerinteya ka Marita kɛlɛ kɛ n ye, n si nna dunmusu-sirɛ di i ma min tɔgɛ Mɛrabu.” (Sɔli ya kɛ ma bawo a ma di a ye ale ni Dawuda faga fɔ Filisitinu.)