Ko-Dabirɛnu 37:14 - ALLALA KUMƐ

¹⁴ Woletɔ a fa ya a fɔ a ye ko, “Ta i kɔrɔnu anubɛ kolo-fannu mafɛlɛn. Ni a yogoma sa nyɔ, i ni na wo fɔ n ye.” Woletɔ Yusufu bɔra Hiburɔn lɛɛ rɔ ka ta a kɔrɔnu nyini ha Sɛkɛm soe dafɛ.

Ko-Dabirɛnu 37:14 ပူးပေါင်းရင်းမြစ်များ

Ko-Dabirɛnu 13:18

Burama ya ala dagɛ wayan ka ta a daga makɛ Mamirela kɔlɔma-kuru-latankanɛ donu kɔrɔ minnu bi Hiburɔn soe dafɛ. A ya saraka-mintan-tinɛ do sɔ Mari ye nyɔ.

Ko-Dabirɛnu 23:19

Wo kɔma, Iburayima ya ala musi Sira togon faran wo la min bi Makipela tɛngbɛnya rɔ Hiburɔn soe telen tɔ Kenan nyamanɛ rɔ Mamireta kɔlɔmanu bi kan min.

Ko-Dabirɛnu 23:2

A fagara Hiburɔn soe burɔ Kenan nyamanɛ rɔ. Iburayima dira Sirala ko la.

Ko-Dabirɛnu 29:6

A ya anu manyinika tun ko, “A kɛndɛ?” Anu ko, “Ɔn, a kɛndɛ. I ma ala dunmusi Resɛli yen nala sagɛnu na kɛ la?”

Ko-Dabirɛnu 35:27

Yakoba tara a fa Isiyaka wara Mamireta kɔlɔmanu kɔrɔ Hiburɔn soe dafɛ. Iburayima anubɛ Isiyaka sigi tina kɔrɛ le nyɔ la.

Ko-Dabirɛnu 37:15

Kei do ya a taran tagama-tagamana wulɛ rɔ nyɔ. Wo ya a manyinika ko, “Ile ye nfen nyinina yan?”

Ko-Dabirɛnu 41:16

Kɔnɔ Yusufu ya a fɔ mansɛ ye ko, “Nde ti ke kiyo kɔrɛ fɔla n nyɛrɛ ma fɔ Alla. Wo le si ke a kɔrɛ fɔla alako i yisi ni kimɛ.”

Ko-Dabirɛnu 43:27

Wo kɔma, ale fanan ya anu kɔndɔn ka anu manyinika anu fa-kɛmɔgɔla ko ma, a ko, “Wo fa kɛndɛ?”

2 Samuwɛli 11:7

Yuraya ke Mansa Dawuda ma Yerusalɛm soe burɔ, a ya a manyinika Yohabu anubɛ kɛlɛ-den-toenuna ko ma. A ya a manyinika kɛlɛ fanan bara-koe ma.

2 Samuwɛli 18:32

Mansɛ ya wo fanan manyinika. A ko, “Kɔnɔ ko ma ma Abasalɔm na?” Itiyopiya kɛ wo ko, “Min mara wo la, alamɛ wo nyɔgɔn mara i yoge bɛɛ la anubɛ minnu bi murutiyala i ma.”

1 Mansɛnu 2:33

Woletɔ dunɛ wo si to sigila Yohabu anubɛ ala kebilɛ kuma habadan! Kɔnɔ Mansa Dawuda anubɛ ata kebilɛ minnu bi sigila a gbɛ rɔ, wonu si to yisi-kimɛ sɔrɔnna Mari bolo habadan!”

Ɛsita 2:11

Tele-wo-tele, mansɛla musinu bi kan min, Mɔdekɛyai si na nyɔ matagama alako a ni a lɔn a dɔgɛ wo wara-koe ye nya min.

Yaburi 125:5

Kɔnɔ i wa karagbɛlɛnu tɔrɔ minnu bara ita kilɛ boloka, i ni wonu fanan tɔrɔ. Alamɛ yisi-kimɛ tora Isirɛla mɔgɛnu ye.

Yɛrɛmaya 29:7

A ko a ya wo lata birɛ rɔ soe min tɔ, wo ni wɔli-nyimɛnu kɛ nyɔ. Wo ni Mari madiya wola soela ko la wo siginɛ min tɔ. Ni yisi-kimɛ ye soe wo rɔ, wole fanan si taran yisi-kimɛ rɔ.

Luka 19:42

Yisa ko, “E, Yerusalɛm kɛnu, ni wo ya a lɔn nun min si yisi-kimɛ lana wo ma, wo kin! Kɔnɔ wonu dogonnɛ wo ma kaka,

Yasowa 14:13

Yasowa duwara Kelabu ye ka Hiburɔn soe di a ma. Soe wo ye ala dannu bolo ha bi bawo Kelabu bilara Isirɛlata Mari Alla fɛ.

Yasowa 14:15

Yanni soe wo ni di Kelabu ma wati min, a tɔgɛ le nun Araba. Araba, kɛmɔgɔ-ba le wo la nun Anakim mɔgɛnu tɛma min tɔgɛ sara soe wo kuma. Nba, wo kɔma, nyamanɛ wo taranta yisi-kimɛ rɔ.

Kɛlɛ-Kurugbɛnu 1:10

Anu tara Kenan kɛ donu fanan kan ma Hiburɔn soe burɔ min tɔgɛ nun Araba. Kebila sawɛ minnu bi nyɔ, anu ya wonu nɔ, Sɛsayinu wo, Ahaimannu wo, anubɛ Talamayinu.

1 Samuwɛli 17:22

Dawuda nara dɔn-fan minnu na, a ya wonu to anuna fen-namaralɛ bolo. A burimatoe tara a kɔrɔnu kɔndɔn tinɛ anuna kɛlɛ-kɛ-tinɛ.