Ko-Dabirɛnu 37:13 - ALLALA KUMƐ

¹³ Yakoba ya a fɔ Yusufu ye ko, “I kɔrɔnu bi kolo-fannu de-nyinina Sɛkɛm dafɛ. A sɔgɛ ye n na, n ni i sɔ anu bara.” Yusufu ya a fɔ a fa ye ko, “Awa, ale le wo la. N si ta.”

Ko-Dabirɛnu 37:13 ပူးပေါင်းရင်းမြစ်များ

Ko-Dabirɛnu 22:1

Wati tenbinɛ, Alla ya Iburayima kele alako a ni a kɔrɔbɔ. A ya a fɔ a ye ko, “Iburayima.” Iburayima ya a labira, a ko, “O-o.”

Ko-Dabirɛnu 22:11

kɔnɔ Mari ya a felen melika la. A ya a rakele san-kole rɔ iko fila, a ko, “Iburayima, Iburayima.” Iburayima ko, “O-o, n bi yan.”

Ko-Dabirɛnu 27:1

Isiyaka kɔrɔyara tumɛ min, a yɛ mabirara. A ya ala fɛrɛn-kinamɛ kele, Isɔ kɔni. A ya a fɔ a ye ko, “Nna den.” Isɔ ko, “O-o.”

Ko-Dabirɛnu 27:18

Woletɔ Yakoba tara wonu na a fa wara. A donta a fa kuma bɔn la, a ko, “N fa.” A fa ya a labira. A fa ko, “Nna dan yon bi kɛ la?”

Ko-Dabirɛnu 33:18

Yakoba bɔra Mɛsopotemiya nyamanɛ rɔ tumɛ min, a yisi-kimanɛ tara ha Sɛkɛm soe burɔ Kenan nyamanɛ rɔ.

Ko-Dabirɛnu 37:12

Lunyɛ do, Yusufu kɔrɔnu tara anu fala kolo-fannu de-nyini tinɛ Sɛkɛm soe dafɛ.

Matiyu 10:16

“Wo ni wo tole masɔ! N bi wo latala sulukinu tɛma iko sagɛnu. Wo ni halliya iko duguma-fannu. Wo ni ma kɛlɛ-tɛgɛbɛlɛ la iko kangbɔɛnu.

Luka 20:13

Wo kɔma, ki-fen-tigi ko, ‘N si nfen ma gbɛ? N si n diyana-dan sɔ anu bara. N lanɛ a la ko anu si wo gbiliya serr!’

1 Samuwɛli 3:16

Kɔnɔ Ilayi ya a rakele, a ko, “Nna den, Samuwɛli.” Samuwɛli ya a labira, a ko, “O-o.”

1 Samuwɛli 3:8

Samuwɛlita kele sawa nyɔgɛ Mari bolo, a ya a lasɔ. A tara Ilayi wara tun. A ya a fɔ a ye ko, “Ile le ya n kele? N bara na.” Ilayi ya a lɔn wati wo le tɔ ko Mari le ye dennɛ wo rakele-tinɛ.