Ko-Dabirɛnu 36:20 - ALLALA KUMƐ

^20-22 Isɔ ya Idɔm nyamanɛ wo duguran minnu taran nyɔ, wonu benba tɔgɛ le Siyiri. Siyiri wo ya den-kei mɔgɔ wɔrɔnfila sɔrɔn. Wonu tɔgɛ le Lotan wo, Sobali wo, Sibiyɔn wo, Ena wo, Dison wo, Ɛsɛri wo, Disan wo, anubɛ anu tirisan-musi Timina. Anu benba tɔgɛ le Hora. Lotan wo ya den-kei mɔgɔ fila sɔrɔn. Wonu tɔgɛ le Hori anubɛ Himam.

Ko-Dabirɛnu 36:20 ပူးပေါင်းရင်းမြစ်များ

Ko-Dabirɛnu 14:6

Anu tara Horanu kɛlɛ Idɔm kɔnkɛnu kuma, ha ka ta ke Elipara soe ma min bi wulɛ dala.

Ko-Dabirɛnu 36:19

Kun-tigi le wonu na minnu bɔra Isɔ bɔnsɔn rɔ.

Ko-Dabirɛnu 36:2

Isɔ kegeyɛnu le kɛnu na, Isɔ ya Kenan kɛnuna dunmusi fila furu. Kelan, Hɛtinuna dunmusi le wo la. A tɔgɛ le Eda. A fa tɔgɛ le Ilɔn. Doi wo, Hɛfanuna dunmusi le wo la. A tɔgɛ le Oholibama. A benba tɔgɛ le Sibiyɔn. A fa tɔgɛ le Ana.

Tɔn-Fɔɛ-Fila-Nyɔgɛ 2:12

Fɔlɔ nun, mɔgɛ minnu siginɛ Idɔm nyamanɛ rɔ, wonu siginɛ faran-woenu denu na nun. Kɔnɔ Isɔ kegeyɛnu ya anu gben ka anu nabɔ anuna nyamanɛ wo rɔ. Wo kɔma, Isɔ kegeya-mɔgɛnu sigira nyɔ iko Isirɛla mɔgɛnu si na Kenan kɛnu gbenna nya min ka anu sigi nyɔ.)

Tɔn-Fɔɛ-Fila-Nyɔgɛ 2:22

Mari ya min ma Lɔti kegeyɛnu ye, a ya wo le nyɔgɔn ma Isɔ kegeyɛnu fanan ye, Idɔm mɔgɛnu, kɔni. Mari ya a ma, Idɔm mɔgɛnu ya nɔ-ko sɔrɔn faran-woe-ma-mɔgɛnu ma ka anu sigi anuna nyamanɛ rɔ kɔnkɛnu siya kan min. Anu bi nyɔ ha bi.