Ko-Dabirɛnu 36:2 - ALLALA KUMƐ

² Isɔ kegeyɛnu le kɛnu na, Isɔ ya Kenan kɛnuna dunmusi fila furu. Kelan, Hɛtinuna dunmusi le wo la. A tɔgɛ le Eda. A fa tɔgɛ le Ilɔn. Doi wo, Hɛfanuna dunmusi le wo la. A tɔgɛ le Oholibama. A benba tɔgɛ le Sibiyɔn. A fa tɔgɛ le Ana.

Ko-Dabirɛnu 36:2 ပူးပေါင်းရင်းမြစ်များ

Ko-Dabirɛnu 27:46

Rebɛka ya a fɔ Isiyaka ye ko, “Isɔ ya Hɛti dunmusi minnu furu nun, n bara bandan wonu kɔrɔ. Ni Yakoba fanan ya Hɛti musi do furu min si ma iko kɛnu, wo si a ma, n niyi ra ni gbɛrɛn n ma n siyi-tele-bɛɛ kɔrɔ.”

Ko-Dabirɛnu 36:14

Sibiyɔnna dan Ena, wola dunmusi Oholibama, Isɔla musi, kɔni, wo ya den-kei mɔgɔ sawa sɔrɔn, Yewusi wo, Yalam wo, anubɛ Kora.

Ko-Dabirɛnu 36:24

Siyirila den Sibiyɔn wo ya den-kei mɔgɔ fila sɔrɔn. Anu tɔgɛ le Aya anubɛ Ena. Ena wo ye a fa Sibiyɔnna sofɛlɛnu de-nyinina wulɛ rɔ tumɛ min, ale le fɔlɔfɔlɔn ya tenke-yi-kaliyanɛ yen nyɔ.

Ko-Dabirɛnu 36:25

Siyirila den Ena wo ya den mɔgɔ fila sɔrɔn. A keimɛ tɔgɛ le Dison. A musumɛ tɔgɛ le Oholibama.

Ko-Dabirɛnu 36:3

A ya Nebayɔti tirisan-musi Basemati fanan furu, Sumanyilala dunmusi, kɔni. Kenan kɛ le kɛ dama la.

Ko-Dabirɛnu 9:25

A ya a fɔ wo rɔ ko, “Hamala den Kenan anubɛ a bɔnsɔn si ma dankatoenu na. Anu si ma yɔɔnnu na Sɛma anubɛ Yefɛti bɔnsɔnnu kɔrɔ.”