Ko-Dabirɛnu 35:3 - ALLALA KUMƐ

³ Ma ni wuli wona ka ta Bɛtɛli. N si saraka-mintan-tinɛ sɔ Alla ye nyɔ bawo wo tumɛ n bi tɔrɔyɛ rɔ, Alla ya n denkun. A tora n fɛ ka n kandan nta tagama bɛɛ rɔ.”

Ko-Dabirɛnu 35:3 ပူးပေါင်းရင်းမြစ်များ

Ko-Dabirɛnu 28:15

I tara kan-bo-kan, n si to i fɛ ka i kandan. N si na i la fɔɔ nyamanɛ kɛ rɔ tun. N ti i boloka fɔ n ba n kuman-kan latɔnbagaya.”

Ko-Dabirɛnu 31:3

Wo kɔma, Mari ya a fɔ Yakoba ye ko a ni sɛgi ala mɔgɛnu barɛ a fata nyamanɛ rɔ. Mari ko a si to a fɛ.

Ko-Dabirɛnu 31:42

Ni n benba Iburayima anubɛ n fa Isiyakanuna Alla sa n fɛ nun, n bolo-kolɔn gbɛ le bɔla i warɛ nun. Kɔnɔ Alla ara nta tɔrɔyɛ anubɛ nta wɔlɛ yen n ya minnu kɛ i ye, woletɔ a ya i makuma suyi rɔ kiyo rɔ.”

Ko-Dabirɛnu 32:24

Kɔnɔ ale Yakoba tora yi kɔgɔma. Su kelan wo rɔ, a ma mɛ, kei do nara a wara. Anubɛ wo ya turuni-kɛ dabira. Anu kira turunɛ kɛla kudu ha banda-ka-dɛ ma.

Ko-Dabirɛnu 32:7

Hɔnyɛ sigira Yakoba kan la, woletɔ a ya a bolo-fannu tafara sigi tina fila la, mɔgɔni-gbu wo, kolo-fen wo, anubɛ nyomɛnu.

Ko-Dabirɛnu 35:4

Yakobala mɔgɛnu ya anuta bɛsɛnu don a bolo anubɛ anuna tolola-fan minnu tugunnɛ anuna bɛsi-kɔ-koe la. Yakoba ya denkɛ sin ka wo bɛɛ togon kɔlɔma-kuru-wɛ do kɔrɔ Sɛkɛm soe dafɛ.

Ko-Dabirɛnu 35:7

Yakoba ya a buri a kɔrɔ Isɔ kɔrɔ tumɛ min, Alla bɔra gbɛ rɔ a ye Bɛtɛli, woletɔ Yakoba ya saraka-mintan-tinɛ sɔ nyɔ ka a tɔgɔ sa “Allata Bɛtɛli.”

Ko-Dabirɛnu 48:15

Yakoba duwara Yusufula dannu ye ko, “Alamɛ n fa Isiyaka anubɛ n benba Iburayimata Alla ni ata duwɛ layigi den-kei filɛ kɛnu kuma. Ka a bi n dennɛ ma ha ka a sigi kaka la, Alla min ya n kandan ka n tanka masibɛnu ma, alamɛ wota duwɛ tora anu kuma.

Yaburi 107:6

Wo tumɛ anu bi tɔrɔyɛ wo rɔ, anu dira Mari dala. A ya anu kunyɛ bɔ nyankankantan wo rɔ.

Yaburi 107:8

Fɔ anu ni baraka bira Marita keninteya-dannatɛgɛbɛlɛla ko la anubɛ a ya kabana-koe minnu ma anu ye.

Yaburi 46:1

Ma latanka-tinɛ anubɛ ma sɛnbɛ le Alla la. Ma tenbi tɔrɔyɛ rɔ, a rabɛnnɛ ma dɛnbɛn-koe la tuma-wo-tuma.

Yaburi 50:15

Tɔrɔyɛ wa na wo ma, ni wo ya n kele, n si wo dɛnbɛ, ado wo si n gbiliya.”

Yaburi 91:15

A ko anu ba a rakele, a si a labira. Anu tenbi yakɔrɔ-mamɔɛ rɔ, a ye anu fɛ. A ko a si anu nakisi ka a ma, anu ni gbiliyɛ sɔrɔn.

Hɛnkilimaya-Kumɛnu 3:6

I ye ko-wo-ko mala, i ni Mari fɔlɔn gbiliya, woletɔ a si kila-telennɛ yira i la.

Aiseya 30:19

Wole minnu siginɛ Yerusalɛm soe burɔ, wo ti di tun! Hinante le Mari la. Wo wa di a dala, a si wo yabi.

Aiseya 43:2

A ko ma tenbi dumɛ tɛma, a ye ma fɛ nyɔ rɔ. Ma kunyɛ ti to tɔrɔyɛ wo rɔ. Hali ma tenbi tɛ tɛma, a ko ma ti mintan. Ma kunyɛ ti to gbɛlɛyɛ wo rɔ.

1 Samuwɛli 10:3

I wa bɔ nyɔ fanan, i si ta furr, ha i ni ta ke kɔlɔma-kuru-latankanɛ do kɔrɔ Tebɔ soe dafɛ. I si bɛn kɛmɔgɔ sawa la nyɔ minnu bi tala Alla bato tinɛ Bɛtɛli soe burɔ. Kelan, baa-den sawa ye wo bolo. Wo ye tala wonu na. Doi, biredi-lɔngbɔn sawa ye wo bolo. A sawa nyɔgɛ, i si nɔnbɔ-gbɔ-yi yen gbolo-bɔrɛ do rɔ a bolo.