Ko-Dabirɛnu 35:2 - ALLALA KUMƐ

² Yakoba ya a fɔ ala denbayɛnu anubɛ ala wɔli-kɛlɛnu ye ko, “Wo ye bɛsɛ minnu kɔla, wo ni wonu nakɛ a rɔ. Wo ni wo ku ka wo sɛninya. Wo ni wo mayɛlɛma kura-kunɛnu na alako ka a yira ko wo ara wo kan-kɔ sɔ wola bɛsɛnu na.

Ko-Dabirɛnu 35:2 ပူးပေါင်းရင်းမြစ်များ

Ko-Dabirɛnu 18:19

N bara Iburayima ma nta mɔgɔ-yabɔnɛ la woletɔ a si ala dannu anubɛ a bɔnsɔn-mɔgɛnu karan n bara-koe ma alako anu ni ko-latelennɛ kɛ ka nna kumɛnu bira. Ni anu ya wo ma, n bara nta lanyiri min kiri Iburayima ye, n si wo latɔnbagaya.”

Ko-Dabirɛnu 31:30

Nba, n ya a lɔn ko i wara n boloka bawo i fa-sɔgɛ ara i bira. Kɔnɔ hali wo, n bi bɛsɛ minnu kɔla, nfenna i wara wonu kankan?”

Ko-Dabirɛnu 31:34

A ya a taran, Resɛli ara bɛsɛ wonu dogon nyomɛ kirika-bɔrɛnu tɔ. A siginɛ wonu kuma. Leban ya fan bɛɛsi rafɛlɛn bɔn la nyɔ kɔnɔ a ma ala bɛsɛnu yen mumɛ!

Ko-Dabirɛnu 34:2

Hemori min bi mansayɛ la Hɛfa nyamanɛ wo rɔ, wola dan Sɛkɛm buira Daina ma ka a sa a fɛ.

2 Samuwɛli 7:23

Isirɛla mɔgɛnu fanan nyɔgɔn sa! I wara ma kunyɛ labɔ yɔɔnyɛ rɔ ka male ma ile halalɛ la. E, Mari, i ya kabana-koe minnu kɛ ma benbanu ye, wo ya a ma le, ile tɔgɔ tara pɔn, ka ke duninya tɔnkɔn nani bɛɛ rɔ. Ila mɔgɛnu taranta tala yarɔ nya min, i tara anu yogenu gbenna anu yarɔ wo nya na le anubɛ wonuna bɛsɛnu. Ita mɔgɛ le male la, i ya minnu kunyɛ bɔ gbaran rɔ Iyipiti kɛnu bolo, kɔni.

2 Mansɛnu 17:29

Kɔnɔ hali wo, sundan wo minnu siginɛ Samariya nyamanɛ rɔ, wonu tora anuta bɛsɛnu nadanna anu nyɛrɛ ye. Isirɛla mɔgɛnu ya anuna bɛsɛnu sigi kan-tina-mayɛlɛnɛ minnu tɔ fɔlɔ nun, sundan wonu ya anuna bɛsɛnu sigi nyɔnu tɔ. Anu tora anuna bɛsɛnu sigila anu dan na iko anu duruta a mala nya min anu halala-soenu tɔ.

2 Mansɛnu 5:10

Nɛbi Ilaisa ya ala wɔli-kɛlɛ sɔ ka a fɔ Neyaman ye ko a ni ta a ku Yorodan bɛ rɔ iko wɔrɔnfila. Ni a ya wo ma, a si kɛndɛya feu!

1 Ko-Kɔrɔta-Karan 16:26

Sibolo-gbɛrɛnu bi minnu kɔla, bɛsɛ le wonu na dɔrɔn! Kɔnɔ mata Mari, wo le ya san-kole dan.

Yobu 1:5

Anu ba ladiyɛ kɛ, banda wa ka, Yobu si suri a lasɔla sɔgɔma ka sarakɛ bɔ ala dan kelen-kelennamɛ wo bɛɛ ye alako wonu ni sɛninya Alla yala. A ye wo mala bawo a ye a mirila ko tumado ala dan do ara Alla lafɛya, a sa min kalama.

Yaburi 51:2

I ni n yisi ku alako a ni gbɛ. I ni n yesi ka n hakɛ bɔ n ma.

Yaburi 51:7

N hakɛ bɔ n ma alako n ni gbɛ. N mayesi. N ni gbɛ ka tenbi bɛgi-gbɛ la.

Bɔ-Koe-Iyipiti 19:10

Musa ya mɔgɛnuna yabilɛ wo latenbi Mari ma. Mari ya a fɔ Musa ye ko, “Ta a fɔ mɔgɛnu ye ko anu ni anu sɛninya bi anubɛ sina. Anu ni anuna kurɛnu ku.

Bɔ-Koe-Iyipiti 19:14

Musa yigira mɔgɛnu wara tumɛ min ka bɔ kɔnkɛ kuma, a ya a fɔ anu ye ko anu ni anu sɛninya Mari bato-koe la ka anuna kurɛnu ku.

Bɔ-Koe-Iyipiti 23:13

“Wo kana bɛsɛnu kɔ, hali anu wara-ko-kumɛ kana taran wo da rɔ. N bara min bɛɛsi fɔ wo ye kɛ la, wo ni a ma wo fɛrɛma wonuna ko la.”

Makawandili Kumɛnu 5:1

A ma i fɛrɛma Alla Bato-Bɔn la. Yanni mɔgɛ ni kuntanya-sarakɛnu bɔ nyɔ iko kuntan donu bi a mala nya min, a fisa, a ni ta nyɔ ka hɛnkili sɔrɔn bawo kuntan wonu ma a lɔn ko anu bi ko-yogomɛ le kun na.

Aiseya 1:16

A ko wo ni wo nyɛrɛ ku ka wo sɛninya. A ya wo yen karagbɛlɛyɛ minnu kɛla, a ko wo ni wo bole bɔ wonu tɔ. Wo fara ko-yogoma-kɛ la

Aiseya 52:11

Wole Bato-Bon-miran-madununɛnu, wo kana wo bole tugu fen-sɛninyabɛli fenfen na. Wo sɛninyanɛ ni bɔ gbaran rɔ. Wo ni to sɛninyɛ rɔ.

Yɛrɛmaya 13:27

Mari ko wo ye kinsin-kansan-koe minnu kun na, a ara wo bɛɛ yen. A ko wo ye bɛsi-kɔ-koe min bɛɛ kun na min manɛ iko yɛlɛnyɛ, a ya wo bɛɛ lɔn. Wo ye miliya-koe min bɛɛ la, a ye wonu kalama. Wo ye sɔn-yogoyɛ min kun na sɛnɛnu tɔ anubɛ kɔnkɛnu ma, a ko wo bɛɛ ragbɛnɛ le a bolo. Mari ko gbalo ye wole, Yerusalɛm kɛnu ma. Wo kɔsɔnɛ si to ha muntuma?

Yɛrɛmaya 16:20

Hadama-dan si ke bɛsɛ ladanna a nyɛrɛ ma, wa? Ɔn, kɔnɔ Alla ma bɛsɛ wonu na.”

Yɛrɛmaya 5:7

Mari ko nde ni ma makoto-kunya fɔ a ye bawo wole, ata mɔgɛnuna ko sa ala ko rɔ tun. Wo dama ara wo gboro bɛsɛnu tɔ Alla ma minnu na. Alla ko a ye wo hayu bɛɛ kasala kɔnɔ hali wo, wo telenni ma a ye. Wo kɛnɛ wo nyɔgɔn kɔma yɛlɛnnuna bɔn la.

Isikiyɛli 18:31

Anu bi karagbɛlɛyɛ min bɛɛ kun na, anu ni anu bole bɔ wo bɛɛ rɔ. Anu ni sɔndɔma-kurɛ anubɛ miriya-kurɛ lana anu burɔ. Nfenna saya-sɔgɛ ye Isirɛla mɔgɛnu na?

Isikiyɛli 20:7

N ya a fɔ anu ye ko anu ni anuna kisimiriya-bɛsɛnu nakɛ a rɔ. N ya a fɔ anu ye fanan ko anu kana anu nyɛrɛ latinya Iyipiti bɛsi-fuyinu kɔ-koe la bawo anuta Mari Alla le nde la.

Isikiyɛli 36:25

N si yi-sɛnimɛ purupuru anu ma alako anu ni sɛninya bɛsi-kɔ-koe anubɛ anu kɛ-nya-yogomɛ bɛɛ ma min bara anu natinya.

Daniyɛli 5:4

ka anuna bɛsɛnu kɔ. Bɛsɛ wonu nadannɛ sɛnɛ la anubɛ wodi-gbɛ, anubɛ silɛɛ, anubɛ nɛgɛ, anubɛ kɔlɔma, anubɛ kuri.

Saraka-Masɔlɛnuta Tɔnnu 15:5

Ni mɔgɔ-wo-mɔgɔ ya a sigi kirayatoe wola sofa wo rɔ, hali ka a sosa a la, a si ala kurɛ anubɛ a fɛrɛ-bɔnkɛ ku. Hali a wa ban wo mala, a sɛninyabɛlɛ le Mari yala ha wurɛ la.

Saraka-Masɔlɛnuta Tɔnnu 17:16

Ni a ma a ku a kilɛ fɛ, a si a hakɛ-tɔrɔyɛ sɔrɔn.

Yilan-Yilan Koe 31:24

A tele wɔrɔnfila nyɔgɛ, wo si wola kurɛnu ku. Wo le si a ma, wo si sɛninya ka ta dagɛ rɔ iko Mari ya a fɔ nya min.”

Kɛwɔlɛnu 19:26

Pɔli kɛ ye min mala kɛ la, a ye mɔgɛnu tɔrɔla Ɛfɛsa soe burɔ yan nya min, wo ya wo yen. A tora doni, a ni ke Esiya nyamanɛ bɛɛ rɔ. A ye a fɔla ko male ye bɛsɛ minnu nadanna, Alla ma wonu na mumɛ!

1 Kɔrɛnti 10:7

Ma kana bɛsɛnu kɔ iko wonu denu ya a ma nya min, ado a sɛbɛnɛ Allata kitabu rɔ ko, “Anu ya anu de-nyini ka anu min. Wo kɔma, anu wulita Alla-lɔnbɛlɛnuna dɔn-kɛ-nya bila.”

2 Kɔrɛnti 7:1

N diyana-mɔgɛnu, lanyiri kɛ bɛɛ kirinɛ male le ye! Woletɔ koe min bɛɛ si fɛrɛ-bɔnkɛ anubɛ niyi latinya, ma ni ma nyɛrɛ sɛninya wonu ma. Ma ni ko-sɛnimɛ nyini ka to kilanna Alla la.

Kalesiya 4:8

Yanni wole sibolo-gbɛrɛ ni ma Allatɛ la tumɛ min, wo taranta yɔɔnyɛ la wonu sɛnbɛ kɔrɔ, Alla ma minnu na.

Tɔn-Fɔɛ-Fila-Nyɔgɛ 11:28

Ni wo don ya tɔn kɛnu tinya ka wo kan-kɔ sɔ Alla la ka ta bɛsɛnu kɔ tinɛ, dankɛ kɛ si wo bira.

Tɔn-Fɔɛ-Fila-Nyɔgɛ 32:16

Wola bɛsi-kɔ-koenu bi a mala, Mari ye wo makeliyala. Wo ye Mari gboyana-koenu nadanna woletɔ a ara kɔrɔtɔ wo ma.

Tɔn-Fɔɛ-Fila-Nyɔgɛ 5:7

“A ko wo kana fen-gbɛrɛkɛ bato ale kɔma muk!

Tɔn-Fɔɛ-Fila-Nyɔgɛ 6:14

Wo kana bɛsi-wo-bɛsi kɔ minnu bi wo sigi-nyɔgɛnu bolo wola foolɛ rɔ.

Tɔn-Fɔɛ-Fila-Nyɔgɛ 7:25

Wo ni anuna bɛsɛnu mintan. Sɛnɛ anubɛ wodi-gbɛ minnu bi anuna bɛsɛnu ma, a sɔgɔ kana wo bira ka wonu bi. Ni wo ya wo ma, wo si ma gbalo la wo ye bawo wo ko-sunu ma di Alla ye hali doni bɛrɛni!

Hiburunu 10:22

ma ni ma gbɛrɛn Alla ma worɔ. Ma ni ma gbɛrɛn ma yisi bɛɛ anubɛ dɛnkɛninya-bɛrɛ la ma bolo bawo ma sɔn-yilikinɛnu bara sɛninya, ado ma fɛrɛ-bɔnkɛnu manɛ iko anu bara ku yi-sɛninyanɛ le la.

Yemesi 4:8

Wo ni wo gbɛrɛn Alla ma. A si a gbɛrɛn wo ma. Hakɛ-tiginu, wo ni wo bole laku feu! Wole nafiginu, wo ni ko-yogomɛ bɔ wo sɔndɔmɛ rɔ feu!

Yasowa 23:7

Wo kana bila mɔgɛ wonu fɛ minnu bi wola nyamanɛ rɔ. Wo kana anuna bɛsɛnu tɔgɛ rakele. Wo kana lanyiri kiri hali ka wo gboro anuna bɛsɛnu tɔ. Wo kana wo nyɛnkin bɛsɛ wonu kɔrɔ ka anu kɔ.

Yasowa 24:14

Woletɔ Yasowa ya a fɔ Isirɛla mɔgɛnu ye ko, “Wo ni mata Mari gbiliya ka a bato wo yisi bɛɛ la ka wo telen a ye wati bɛɛ. Wo benbanu ya bɛsi-fuyi minnu kɔ Yufereti bɛ kɔma anubɛ Iyipiti nyamanɛ rɔ, wo ni wonu nakɛ a rɔ. Wo ni mata Mari kelen pe le bato.

Yasowa 24:15

Kɔnɔ ni wo rabɛnni ma ka Mari bato, wo si min bato worɔ, wo ni wo latɛgɛ bi. Tumado wo benbanu ya bɛsɛ minnu kɔ Yufereti bɛ kɔgɔma nun, ni wo ma, wo siginɛ Amora minnu tɛma, wo ye a fɛ ka wonuna bɛsɛnu kɔ kɔnɔ mabɛ nta denbayɛ si Mari kelen pe le bato.”

Yasowa 24:2

Yasowa ya Isirɛlata Mari Allata kumɛ latenbi mɔgɛnu ma ko, “Wati-yan-tenbinɛ, wo benba minnu bi Yufereti bɛ kɔma, wonu ya bɛsi-fuyinu kɔ. Iburayima anubɛ Nehori fa Tɛra ya bɛsɛ do kɔ.

Yasowa 24:20

Ni wo ya bɛsi-wo-bɛsi kɔ ka wo ban Mari la, a si wo tɔrɔya ata fondo-bɔɛ la. A ya ata ko-nyimɛ min kɛ wo ye nun fɔlɔ, a si wo halaki wo gbɛ rɔ.”

Yasowa 24:23

Yasowa ya a fɔ anu ye tun ko, “Awa kaka, wo ni wola bɛsɛnu nakɛ a rɔ ka Isirɛlata Mari Alla bato wo yisi bɛɛsi la.”

Yude 1:23

I ni donu fɔrɔn ka anu bɔ tɛ rɔ alako wonu ni kisi. Wo ni kinikini donu ma fanan hali wo kilannɛ anu na. Kɔnɔ hali anu bi kurɛ min donna anu fɛrɛ ma hakɛ-kɛ-tinɛ, wonu ni gboya wo ye. Wo kana wo gbɛrɛn mɔgɔ-su wonu ma.

Kɛlɛ-Kurugbɛnu 10:16

Tiriyante wo rɔ, Isirɛla mɔgɛnu bara don bɛsɛ minnu kɔ-koe rɔ nun, anu bara wonu tinya. Anu donta Mari kelen pe batoe rɔ tun. Mari ara a fonde layigi anuna tɔrɔyɛla ko la.

Ruti 1:15

Neyomi ya a fɔ ale Ruti ye ko, “I bɔ wo ara sɛgi ka ta ala mɔgɛnu bara anubɛ Mohabu kɛnuta bɛsi-kɔ-tinɛ. Ile fanan ni sɛgi a fɛ ka ta ila mɔgɛnu bara.”

1 Samuwɛli 16:5

Samuwɛli ya a fɔ ko, “Ade, n nara le dɔrɔn ka sarakɛ bɔ Mari ye. Wo ni wo nyɛrɛ sɛninya iko tɔn ya a fɔ nya min. Wo ni bila n fɛ.” A ya a fɔ Yɛsi anubɛ ala dannu ye wo nya na le fanan ka anu kele saraka-bɔɛ kuma.

1 Samuwɛli 7:3

Samuwɛli ya a fɔ Isirɛla mɔgɛnu ye ko, “Ni wole ya wo ya-lamunun Mari la wo yisi bɛɛ la, fɔ ni wo ya wola bɛsɛnu nakɛ a rɔ katarala wola bɛsɛ ma min nadannɛ musila muninyɛ rɔ min tɔgɛ Asitɔra. Wo ni wo nyɛrɛ dantɛgɛ Mari kelen pe le ma ka ale kelen pe bato. Ni wo ya wo ma, ale si wo tanka Filisitinu masibɛ ma.”