Ko-Dabirɛnu 33:4 - ALLALA KUMƐ

⁴ Kɔnɔ Isɔ burimatoe fanan tara ka a labɛn gbuturu diyanayɛ rɔ. Anu mɔgɔ filɛ dira biribiri!

Ko-Dabirɛnu 33:4 ပူးပေါင်းရင်းမြစ်များ

Ko-Dabirɛnu 29:11

Yakoba ya Resɛli kɔndɔn ka di sewɛ bolo.

Ko-Dabirɛnu 29:13

Leban ya a berinnɛ Yakoba wara-koe lamɔɛn tumɛ min, a burimatoe tara a labɛn ka a kɔndɔn ka a ramɔnsɔn. Anu tara bɔn la. Koe min bɛɛ ara ma nun, Yakoba ya wo fɔ a berin Leban ye.

Ko-Dabirɛnu 32:11

N bi i madiyala, Mari, i yandi, n kisi n kɔrɔ Isɔ masibɛ ma kamasɔrɔn n kilannɛ le a la alako a kana mabɛ nna denbayɛnu faga.

Ko-Dabirɛnu 32:28

Kei wo ya a fɔ a ye ko, “I tɔgɔ ma tun Yakoba. I tɔgɛ le gbɛ Isirɛla bawo wo kɔrɛ le iko mɔgɔ wa a fɔ ko ‘Minnubɛ Alla ya turunɛ kɛ.’ Wobɛ Alla ya turunɛ kɛ anubɛ mɔgɛnu, ado i wara anu nɔ.”

Ko-Dabirɛnu 43:30

Yusufu ban wo fɔla, kinikinɛ donta a rɔ. Di-kɛ-sɔgɛ ya a bira. A tara ala bɔn konko la di-kɛ-tinɛ.

Ko-Dabirɛnu 43:34

Wɔli-kɛlɛnu ya dɔn-fan min tafara anu tɛma Yusufula tebulu kuma ka a don anu bolo, anu ya Bɛnyamɛtɛ lakoloya kinyama loli ka tenbi a kɔrɔ wonutɛ la iko Yusufu ya a fɔ ala wɔli-kɛlɛ wonu ye nya min. Anu ya fen-dɔn-kɛ ka anu min kolikoli, ha anu fara pen!

Ko-Dabirɛnu 45:2

Yusufu dira ha Iyipiti kɛ minnu bi bɔn wola foolɛ rɔ, wonu ya a di-kɛ-kan wo lamɔɛn. Anu tora a fɔla ha mansɛla mɔgɛnu ya a lamɔɛn.

Ko-Dabirɛnu 46:29

a ma mɛ, Yusufu ya ata kirindi bi ka ta a fa labɛn tinɛ Kosɛn sigisɔn rɔ. A ya a fa taran Kosɛn. Anubɛ a fa ya anu nyɔgɔn bira gbuturu! Yusufu donta diyi-kɛ rɔ. A mɛra dila.

2 Samuwɛli 14:33

Abasalɔm ya min bɛɛsi fɔ Yohabu ye, wo tara wonu takaran Mansa Dawuda ye. Ale mansɛ ya Abasalɔm kele. Abasalɔm ke mansɛ ma, a ya a laburun a ma a kɔrɔ. Mansɛ ya a sɛnibɔ ka a sunbu.

Nihɛmaya 1:11

I wɔlɔ matɔlɔ nta matarali-kan la anubɛ minnu bi i gbiliya-koenu mala ka wonu fananta matarali-kan lamɔɛn. I yandi, n ba ta n sɔ mansɛ yakɔrɔ bi, n ba ko-wo-ko fɔ a ye, wo la ni tɔnbagaya. A ma, mansɛ ni a ya-nyimɛ yira n na.” Mansɛla baan-bɔlɛ le nde la wo wati rɔ.

Yobu 2:12

Anu tora wula-yan la, anu ya ale Yobu mafiliyanɛ yen kirayɛ bolo. Anu ya a ragbɛ wati min, anu donta diyi-kɛ rɔ ka anuna durukinu tafara yisi-tinya bolo. Wo kɔma, anu ya gbangban yuluyulu anu kunyɛ rɔ.

Yaburi 34:4

N ya Mari madiya, ado a ya nna madiyali-kan lamɔɛn. A ya n bɔ n takilan-koe bɛɛ rɔ.

Hɛnkilimaya-Kumɛnu 16:7

Ni i kɛ-nya ya Mari hɛnɛ, hali i yoge, Mari si wo ma i diyana-mɔgɛ la.

Hɛnkilimaya-Kumɛnu 21:1

Mari ye yi-gbere latelenna nya min, a si mansɛ yisi fanan natelen wo nya na le.

Luka 15:20

Nba, a wulita ka sɛgi a fa wara. “Yanni a ni ke nyɔ, a fa ya a yen nala wula-yan la. A yisi fara kinikinɛ la. A ya a buri ka a bole mini ala dan kan ma ka a sunbu.

Kɛwɔlɛnu 20:37

Anu dama dira ka Pɔli ramɔnsɔn ka a sunbu.

1 Samuwɛli 20:41

Dennɛ wo bɔnɛ nyɔ rɔ, Dawuda bɔra farɛ wonu kɔma. A ya a maburun dugi ma Yonatan kɔrɔ iko sawa. Anu ya anu bole sa anu nyɔgɔn kan ma ka anu nyɔgɔn kɔndɔn ka di. Kɔnɔ Dawuda, wo le dira belebele-wɛ-kɛ.