Ko-Dabirɛnu 32:7 - ALLALA KUMƐ

⁷ Hɔnyɛ sigira Yakoba kan la, woletɔ a ya a bolo-fannu tafara sigi tina fila la, mɔgɔni-gbu wo, kolo-fen wo, anubɛ nyomɛnu.

Ko-Dabirɛnu 32:7 ပူးပေါင်းရင်းမြစ်များ

Ko-Dabirɛnu 32:11

N bi i madiyala, Mari, i yandi, n kisi n kɔrɔ Isɔ masibɛ ma kamasɔrɔn n kilannɛ le a la alako a kana mabɛ nna denbayɛnu faga.

Ko-Dabirɛnu 32:3

Yakoba ya kilayɛnu nata a yarɔ a kɔrɔ-kei Isɔ ma Idɔm nyamanɛ rɔ.

Ko-Dabirɛnu 32:8

A ya wo ma bawo a ya a miri ko ni Isɔ nara ka kurun kelen kɛlɛ ka wo nɔ, kurɔn doi min bi tola, wonu si anu buri.

Ko-Dabirɛnu 33:1

Yakoba ya Isɔ anubɛ kei mɔgɔ kɛmɛ nani yen nala tumɛ min, a ya ala dan bɛɛsi lata anu nanu ma, Liya anubɛ Resɛli anubɛ anuna solo-dununa filɛ, kɔni.

Ko-Dabirɛnu 35:3

Ma ni wuli wona ka ta Bɛtɛli. N si saraka-mintan-tinɛ sɔ Alla ye nyɔ bawo wo tumɛ n bi tɔrɔyɛ rɔ, Alla ya n denkun. A tora n fɛ ka n kandan nta tagama bɛɛ rɔ.”

Yaburi 107:6

Wo tumɛ anu bi tɔrɔyɛ wo rɔ, anu dira Mari dala. A ya anu kunyɛ bɔ nyankankantan wo rɔ.

Yaburi 112:5

Mɔgɔ-sewanɛ le wo tigi la min si mɔgɛ dɔndɔ foninsereyɛ rɔ, ado a telennɛ ala yilayɛ rɔ.

Yaburi 142:4

N ba n yɛ lasɛgi tumɛ min, n ti n dɛnbɛna fenfen yen. N buri-kɛ-tina-wo-tina sa. Mɔgɔ-wo-mɔgɔla ko sa nna ko rɔ.

Yaburi 31:13

N bi n yogenu wɛwɛ-sa-kan lamɔɛnna. Kilan ye nna foolɛ rɔ. Anu bi n faga-mɔlɔnɛ bɛɛ ladanna.

Yaburi 61:2

Hali n fɛ-yan n barɛ la, ado n bi yisi-tinyɛ rɔ, n si i tɔgɛ rakele. Ta n na kan-tina-latankanɛ rɔ

Bɔ-Koe-Iyipiti 14:10

Mansɛ anubɛ ala kɛlɛ-dannu gbɛrɛnta anu ma tumɛ min, Isirɛla mɔgɛnu ya anu yɛ lata ka anu yen nala wula-yan la. Anu kumakɔra kilan bolo ha anu ya anu kan nabɔ Mari ma.

Hɛnkilimaya-Kumɛnu 2:11

Ila ko-kɔrɔ-lɔn si i kandan hɛnkilimayɛ rɔ.

Aiseya 28:26

A kusan wɔlɛ kɛla bawo Alla le ya a karan wo la.

Matiyu 10:16

“Wo ni wo tole masɔ! N bi wo latala sulukinu tɛma iko sagɛnu. Wo ni halliya iko duguma-fannu. Wo ni ma kɛlɛ-tɛgɛbɛlɛ la iko kangbɔɛnu.

Matiyu 8:26

Yisa ya a fɔ anu ye ko, “Wo kilannɛ nfenna? Wola dɛnkɛninyɛ ma kolo mumɛ!” Wo kɔma, a ya a lasɔ ka fɔnyɔ anubɛ yi makuma. Fɔnyɔ anubɛ yi wo sigira-a-la don!

Yɔni 16:33

N bara kɛ fɔ wo ye woletɔ wo si yisi-kimɛ sɔrɔn nde baraka rɔ. Duninya-mɔgɛnu si wo tɔrɔ kɔnɔ wo ni wo wakila! N bara anu nɔ!”

Kɛwɔlɛnu 14:22

Anu ya nyɔ-dɛnkɛninya-mɔgɛnu sɛnbɛ don ka anu makawandi ko anu ni to dɛnkɛninyɛ rɔ yiri! Anu ya anu karan ko, “Yanni ma ni don Allala mansayɛ rɔ, fɔ ma ni tɔrɔya siyaman sɔrɔn.”

2 Kɔrɛnti 1:4

A ye ma dɛnbɛna mala tɔrɔyɛ bɛɛ rɔ, woletɔ male fanan si ke donu madɛnbɛna minnu bi tɔrɔyɛ-su-bɛɛ rɔ. Ma si ke anu dɛnbɛna wo dɛnbɛni-su la, male nyɛrɛ ara min sɔrɔn Alla bolo.

2 Timoti 3:12

ado ni min bɛɛ ye a fɛ ka ma Allata mɔgɛ la Kirasiti Yisa fɛ, wo tigi si gbɛlɛyɛ sɔrɔn.