Ko-Dabirɛnu 32:4 - ALLALA KUMƐ

⁴ A ya a fɔ ala kilayɛnu ye ko, “Wo ni a fɔ n tigi Isɔ ye ko nde, ala wɔli-kɛlɛ Yakoba kan le kɛ la ko n bara ta mɛ ma berin Leban barɛ Mɛsopotemiya nyamanɛ rɔ.

Ko-Dabirɛnu 32:4 ပူးပေါင်းရင်းမြစ်များ

Ko-Dabirɛnu 23:6

“I wɔlɔ matɔlɔ ma la bawo ma ya a lɔn ko Allata-mɔgɔ-yabɔnɛ le ile la ma tɛma. Kanba-hakikɛ minnu bi ma bolo yan tɔ, i ya lakalan. I ni wo kelen bi ka ila furi togon nyɔ. Ma fenfen ti ma ban kanba-sinnɛ dila i ma.”

Ko-Dabirɛnu 25:30

Isɔ ya a fɔ Yakoba ye ko, “I yandi, n kɔ dɔnta-wulennɛ kɛ rɔ, n kana kirɔn-a-la.” (Woletɔ Isɔ tɔgɛ sara Idɔm nyamanɛ kun na min kɔrɛ, “Fen-Wulan.”)

Ko-Dabirɛnu 27:29

Alamɛ bɔnsɔn siyaman wɔlita i ye. Mɔgɛnu ni anu famayigi i kɔrɔ. Alamɛ i mara kun-tigi la i na-kelen-nyɔgɛnu kuma. Anu ni anu famayigi i kɔrɔ. Ni min ya i danka, wo si dankɛ sɔrɔn. Ni min duwara i ye, wo si duwɛ sɔrɔn.”

Ko-Dabirɛnu 27:37

A fa ya a fɔ a ye ko, “N bara ban a mala kun-tigi la ile kuma. N bara a na-kelen-nyɔgɛnu ma wɔli-kɛlɛnu na ale kɔrɔ. N bara duwa ala fui-fan anubɛ ala nɔnbɔ-gbɔɛnu ye. Nna den, fenfen sa n bolo tun n si min di i ma.”

Ko-Dabirɛnu 31:41

San mogan kɛ mumɛ bɛɛ kɔrɔ, i ye a mala n na ka le. N wɔlita i ye san tan-ni-nani ila dunmusu filɛ kɛnuna ko la. N wɔlita i ye tun san wɔrɔ kɔrɔ alako n ni nta kolo-fen-sugi sɔrɔn. Hali wo, i tora n sarɛ mayigi-ni-yɛlɛ kɛla iko siyaman.

Ko-Dabirɛnu 32:18

I si a fɔ a ye ko, ‘Ila wɔli-kɛlɛ Yakoba, wo letan le kolo-fan kɛnu na. A ya kɛnu nana ile, a kɔrɔ Isɔ sanbayɛ le la.’ I si a fɔ a ye ko ata wɔli-kɛlɛ Yakoba ye nala kɔma.”

Ko-Dabirɛnu 32:5

A fɔ a ye fanan ko yɔɔn siyaman bi n bolo anubɛ kolo-fannu. Baa wo, saga wo, ninki wo, sofɛlɛ wo, wonu bi n bolo duk! N bi wole, nna kilayɛnu natala a ma alako n bara-koe ni diya a ye.”

Ko-Dabirɛnu 33:14

Min fisa, i ni ta ma yarɔ. N si to anu nagbengbenna doni-doninyɛ ma. N si i taran Idɔm nyamanɛ rɔ.”

Ko-Dabirɛnu 33:8

Isɔ ya Yakoba manyinika ko, “N bɛnta kolo-fen-siyamɛ minnu na, i ya wonu nata i yarɔ nfenna?” Yakoba ya a yabi ko, “N bara wonu nata alako n ni yisi-kimɛ sɔrɔn ile, n tigi bolo.”

Ko-Dabirɛnu 36:8

Woletɔ Isɔ yirindira ka ta a daga makɛ Idɔm nyamanɛ rɔ kɔnkɛnu siya kan min.

Ko-Dabirɛnu 36:9

Isɔ mamanɛ le kɛnu na,

Ko-Dabirɛnu 4:7

Ni i ya ko-nyimɛ le ma nun, n si n ban ila kɔ-fan la nun, wa? Kɔnɔ bawo i wara ko-yogomɛ ma min kɛ, hakɛ ye i manɛgɛnna. A sɔgɛ ye hakɛ la, a ni i bira kɔnɔ ile kana sɔn, a ni i nɔ.”

1 Mansɛnu 20:32

Anu ya kasa-kurɛ kiri anu na ka yili kiri anu kan na. Anu tara Mansa Ehabu warɛ. Anu ya a fɔ a ye ko, “Ila wɔli-kɛlɛ Bɛnhedadi ya ma lana a niyi lakisi-koe rɔ i wara.” Mansa Ehabu ya a fɔ anu ye ko, “Ha bi, a ye a niyi la? Wo kin, n na-kelen-nyɔgɛ le ale la.”

Bɔ-Koe-Iyipiti 32:22

Aruna ko, “I yandi, hali i ma diminya n ma. I ya a lɔn ko mɔgɔ kɛnu sɔn ma kin.

Hɛnkilimaya-Kumɛnu 15:1

Kuma-makimani-fɔɛ si mɔgɔ-yisi-bɔnɛ kimɛ kɔnɔ kuma-yogoma-fɔɛ si tɛ tugu mɔgɔ-yisi-bɔnɛ la.

Hɛnkilimaya-Kumɛnu 25:15

Mɔgɛ min si a munyu mansɛ kɔrɔ kuma fɔ tinɛ, tumado, wole ye ale mansa-miriya yɛlɛmana. Kuman-kan-diyamɛ le si mɔgɔ nɔ.

Hɛnkilimaya-Kumɛnu 6:3

Ni a sɔgɛ ye ile la ko i ni bɔ mɔgɔ-sufa wo sɛnbɛ kɔrɔ fɔ i ni kɛnu ma. I buri tala a wara tiriya ka a madiya alako a ni i to nyɔ.

Makawandili Kumɛnu 10:4

Ni ila kun-tigi-fonde bɔra i kan ma, i ni a bira-i-rɔ. Nyɛrɛ-birɛ wo si a ma, ila ko-tinyanɛ wo bɔrɔ ni bɔ kun-tigi wo ye.

Aiseya 21:11

Sarakanɛ le kɛ la Idɔm kɛnuna ko la. Mɔgɛ do ye n takelela ka bɔ Idɔm nyamanɛ rɔ, a ko, “Ile kila-mafɛlɛnnɛ, wati yili tonɛ gbɛ yanni bandɛ ni ka?”

Luka 14:11

ado min bɛɛ si a nyɛrɛ kɔrɔbi, wo ma si yigi. Min ba a nyɛrɛ famayigi, wo la si yɛlɛ.”

1 Pita 3:6

Ni wole musinu ya ko-nyimɛ kɛ wola keinu ye, wo si ma Sirala dunmusinu na worɔ. Ma mama Sira ye wo nya na le nun. A ya ala kei, Iburayimala kumɛ bira ka a kele ko, “N tigi.” Wo si kɛ bɛɛ kɛ hali kilan sa a fɛ.

Kɛlɛ-Kurugbɛnu 5:4

Ile Mari min nara ila mɔgɛnu na ka bɔ Idɔm kɔnkɔ-nyamanɛ rɔ, dugi yɛrɛyɛrɛnta wulɔn, bandɛ nara, kɔnkɛnu magara anu gbɛ rɔ. Wo bɛɛ mara ile Isirɛla mɔgɛnuta Mari Alla yala, ale min bi Sinayi kɔnkɛ kuma, kɔni.

1 Samuwɛli 26:17

Mansa Sɔli ya a lɔn ko Dawuda le kumala. A ko, “Nna den Dawuda le kumala kɛ la?” Dawuda ko, “Ɔn, n tigi.