Ko-Dabirɛnu 32:31 - ALLALA KUMƐ

³¹ Yanni Yakoba ni bɔ nyɔ tumɛ min, tele ara bɔ a ma. A ye a tonkanna kamasɔrɔn a woro-kuri purukulunɛ anu nyɔgɔn na.

Ko-Dabirɛnu 32:31 ပူးပေါင်းရင်းမြစ်များ

Ko-Dabirɛnu 16:13

Mari min kumara Hega ye, Hega ya wo tɔgɔ sa “Alla min kolonkɛ ye n na.” A ko, “Alla Min Kolonkɛ Ye N Na, n bara wo yen n yɛ la kɔnɔ n ma faga.”

Ko-Dabirɛnu 19:15

Banda-ka-dɛ ma, melika wonu ya a fɔ Lɔti ye ko, “I lasɔ, wobɛ ila musi anubɛ ila dunmusu filɛ. Wo ni wo bɔ yan alako wo kana halaki mɔgɛ kɛnuna hakɛla ko la.”

Ko-Dabirɛnu 19:23

Lɔti kera so-nɛ wo ma sun-tele-wati ma,

Ko-Dabirɛnu 32:25

Kei wo ya a yen min kɛ, a ti ke Yakoba nɔla, a ya Yakoba gbesi a woro-kuri ma. Nyɔ purukuluta anu nyɔgɔn na.

Ko-Dabirɛnu 32:32

Kamasɔrɔn kei wo ya Yakoba gbesi a woro-kuri ma, woletɔ ha bi, soge min bi woro-kuri ma, Isirɛla mɔgɛnu ti sɔn wo dɔn-koe ma.

1 Mansɛnu 12:25

Mansa Yɛrabowami min bi Isirɛla mɔgɛnu kun na, wo ya Sɛkɛm soe mabɛn ka soe wo latanka tinɛnu nadan. Sɛkɛm wo ye Ifɛrɛm kɔnkɔ-nyamanɛ le tɔ. Ale Mansa Yɛrabowami sigira nyɔ rɔ wati-kundu-ni kɔrɔ. Wo kɔma, a bɔra nyɔ rɔ ka ta Pɛnuwɛli soe fanan latanka tinɛnu nadan.

1 Mansɛnu 18:26

Anu ya tura kelen bi ka wo faga. Anu ya a soge wo sa sɔgɔ-ladɛnnɛ wo kuma. Ka a bi sɔgɔmɛ ma ha tele latelan, anu bi anuna Beyali wo matarala. Anu bi gbele-gbelenna ka a fɔ ko, “Beyali, ma yabi. Beyali, ma yabi.” Anu ya saraka-mintan-tinɛ min nadan, anu tora anu dɔnna wola foolɛ rɔ. Kɔnɔ anu ma yabilɛ mumɛ yen anu yɛ la.

Yaburi 38:17

Ka a tɛgɛ nna dumɛ kɛ ma, a ara to doni, n ni mɔlɔkɔn.

Bɔ-Koe-Iyipiti 24:10

Anu ya anuta Alla yen. Alla sɔra kan min, anu ya nyɔ fanan yen, a matɛgɛnɛ iko safaira. Safaira wo, kuru-da-gbɛlɛ do le wo la min matɛgɛnɛ iko san-kolo-bilolamɛ.

Bɔ-Koe-Iyipiti 24:11

Hali anu ya Alla nyɛrɛ yen, Alla ma ko-wo-ko ma Isirɛla kun-tigi wonu na. Anu ya fen-dɔn-kɛ nyɔ ka anu min.

Aiseya 6:5

Nde, Aiseya ya a fɔ ko, “Gbalo ye n ma bawo n dɛ ma kin, ado n bi mɔgɛ minnu tɛma, wonu fanan dɛ ma kin. Ado nfan, n bara Mansa Alla yen n nyɛrɛ yɛ la, Mari Sɛnbɛ-Bɛɛ-Tigi, kɔni. Ka a tɛgɛ kɛ dama ma, yigi-wo-yigi sa n bolo tun.”

Malakayi 4:2

Kɔnɔ a ko wole min ya ala kumɛnu bira, wo tele wa ke tumɛ min, ale Marita sɛnbɛ si wo lakisi ka kɛndɛyɛ di wo ma iko kirayatoe wa bɔ tele la. Wonu si to gberenya bɔla iko mɔgɛ wa ninki-dan kan bɔ.

2 Kɔrɛnti 12:7

Nba, ka a tɛgɛ wo kabana-ko-waranɛnuna ko la n ya minnu tayen, fɛrɛta-duma-ba dira n ma min manɛ n yala iko Setanɛta kilayɛ. Wo si to n gbesila ka n tanka wasinteyɛ ma.

2 Kɔrɛnti 12:9

kɔnɔ a ya n yabi ka le. A ko n mako sa fen-gbɛrɛ la ata hinɛ kɔma. A ko ni sɛnbɛ sa n bolo, ata sɛnbɛ si koloya n tɔ worɔ. Nba, n sewanɛ bɛrɛkɛ worɔ ka wasi nta sɛnbɛbɔninya-koenuna ko la. N ni a lɔn ko Kirasitita sɛnbɛ ye n matankala.

Tɔn-Fɔɛ-Fila-Nyɔgɛ 5:24

ka a fɔ n ye ko, ‘Mata Mari Alla ya ata sɛnbɛ anubɛ ata gbiliyɛ yira ma la. Kɔnɔ fɔlɔ nun, ma ya a lɔn ko ni Alla kumara mɔgɛ ye, a si faga. Kɔnɔ kaka, wo ara ma tɛrɛna-koe la ma bolo ka a lɔn ko ni Alla kumara mɔgɛ ye, a si to a niyi la.

Tɔn-Fɔɛ-Fila-Nyɔgɛ 5:26

Ha bi, mɔgɛ do ye nyɔ min bara Alla nimɛ kuman-kan lamɔɛn tɛ rɔ, a kɛndɛ ni to iko male?’

Kɛlɛ-Kurugbɛnu 6:22

Kidiyɔn nyɛrɛ ya a lɔn wo le fɛ serr, ko a ara Mari le yen wo la. A kilanta dɔgɔma-ma-de! A ya Mari madiya, a ko, “E, n Tigi Mari Alla, n bara ile nyɛrɛ le yen melikala muninyɛ rɔ n yɛ kɛ la serr!”

Kɛlɛ-Kurugbɛnu 6:23

Mari ya a fɔ a ye ko, “I yisi ni kimɛ. Hali i ma kilan. Ko-wo-ko ti ma i la.”

Kɛlɛ-Kurugbɛnu 8:8

Kidiyɔn anubɛ ala kɛlɛ-dannu bɔra nyɔ ka ta Pɛnuwɛli soe burɔ. Anu ya soe wo mɔgɛnu fanan tara. Sorɔ-mɔgɛ wonu fanan ya a yabi iko Sukɔti mɔgɔ-banu ya a yabi nya min.