Ko-Dabirɛnu 32:30 - ALLALA KUMƐ

³⁰ Woletɔ Yakoba ya kan tinɛ wo tɔgɔ sa Pɛniyɛli bawo wo kɔrɛ le iko mɔgɔ wa a fɔ ko, “Alla Kolonkɛ.” A ko, “N bara Alla nyɛrɛ kolonkɛ yen n yɛ la kɔnɔ n ma faga.”

Ko-Dabirɛnu 32:30 ပူးပေါင်းရင်းမြစ်များ

Ko-Dabirɛnu 16:13

Mari min kumara Hega ye, Hega ya wo tɔgɔ sa “Alla min kolonkɛ ye n na.” A ko, “Alla Min Kolonkɛ Ye N Na, n bara wo yen n yɛ la kɔnɔ n ma faga.”

Ko-Dabirɛnu 28:19

A ya kan tinɛ wo tɔgɔ sa Bɛtɛli. Soe wo tɔgɔ-kɔrɛ le nun Lusi.

Ko-Dabirɛnu 35:9

Yakoba bɔɛ Mɛsopotemiya nyamanɛ rɔ, Alla bɔra a ye gbɛ rɔ tun ka ata duwɛ layigi a kuma.

1 Mansɛnu 12:25

Mansa Yɛrabowami min bi Isirɛla mɔgɛnu kun na, wo ya Sɛkɛm soe mabɛn ka soe wo latanka tinɛnu nadan. Sɛkɛm wo ye Ifɛrɛm kɔnkɔ-nyamanɛ le tɔ. Ale Mansa Yɛrabowami sigira nyɔ rɔ wati-kundu-ni kɔrɔ. Wo kɔma, a bɔra nyɔ rɔ ka ta Pɛnuwɛli soe fanan latanka tinɛnu nadan.

Bɔ-Koe-Iyipiti 33:14

Mari ko, “Nba, ale le wo la. N bara sɔn. Nde nyɛrɛ si to wo tɛma gbɛ! Wo si a ma, do ni bɔ ila dunɛ la ka i yisi kimɛ.”

Aiseya 6:5

Nde, Aiseya ya a fɔ ko, “Gbalo ye n ma bawo n dɛ ma kin, ado n bi mɔgɛ minnu tɛma, wonu fanan dɛ ma kin. Ado nfan, n bara Mansa Alla yen n nyɛrɛ yɛ la, Mari Sɛnbɛ-Bɛɛ-Tigi, kɔni. Ka a tɛgɛ kɛ dama ma, yigi-wo-yigi sa n bolo tun.”

Aiseya 9:5

Wola kɛlɛ-dannuna sanbarɛnu anubɛ yele ye duruki minnu ma, wo bɛɛ ye mintanna le gburr!

Yilan-Yilan Koe 12:8

Mabɛ Musa si kuma ma nyɔgɔn na kɔnɔ n sa tamayi-kumɛ fɔla a ye. Ka tenbi wo bɛɛ la, a ya n nyɛrɛta tamasere yen, yɔ! Nfen ya a to gbɛ, wo sa kilanna ka murutiya-kumɛ kɛ fɔ a ma.”

Yɔni 1:18

Mɔgɔ ma Alla yen bɛ. Allatalata Den kelen pe, Alla nyɛrɛ, kɔni, wo ara a Fa yira ma la, ado a gbɛrɛnnɛ a Fa ma.

1 Kɔrɛnti 13:12

Ma ye fan min yenna kaka, wo mani de iko fenna muninyɛ min ti yen nyɛrɛ-mafɛlan rɔ a kilɛ fɛ. Kɔnɔ wo wati wa na tumɛ min, ma si fan bɛɛ ragbɛ wass! N ma Alla wara-koe bɛɛ lɔn kaka kɔnɔ n si na Alla lɔn iko Alla ya nde lɔn nya min.

2 Kɔrɛnti 3:18

Ma dama ya-makanɛ ye Marita gbiliyɛ mayirala, ado gbiliya kelan wo ye bɔla Marita Ni-Sɛnimɛ le bolo. Ale le ye ma yɛlɛmana alako ma kɛ-nya ni ma iko ale. Wo si a ma, a ni to ala gbiliya-makawanɛ dila ma ma Marita Ni-Sɛnimɛ baraka rɔ.

2 Kɔrɛnti 4:6

A sɛbɛnɛ Allata kitabu rɔ ko, “Waan ni bɔ pinpi rɔ,” ado Alla kelan le ya ala waan lamalan ma yisi rɔ alako ma ni Allata gbiliyɛ lɔn min bi malanna Yisa Kirasiti yakɔrɛ ma.

Kalesiya 1:6

N kawanɛ wole Kalesiya kɛnu ma! Wo ara Allata kilɛ boloka tiriya, ado ale le ya wo yabɔ ata hinɛ fɛ kɔnɔ wole lara ko-gbɛrɛkɛ la, anu bi min kelela ko kibara-nyimɛ.

Ɛfɛsa 1:17

N bi ma Mari Yisa Kirasiti, wo Fa Alla gbiliya-tigi matarala ko a ni ata Ni-Sɛnimɛ di wo ma. A si hɛnkili di wo ma ka ata tonyɛ labɔ gbɛ rɔ wo ye alako wo ni a lɔn a nya-bɛrɛbɛrɛ ma.

Tɔn-Fɔɛ-Fila-Nyɔgɛ 34:10

Ka a fɔlɔ wo wati ma, nɛbi-gbɛrɛkɛ mumɛ ma taran Isirɛla mɔgɛnu tɛma min si ma iko Nɛbi Musa bawo anubɛ Mari kumara anu nyɔgɔn na iko mɔgɔ si kuma a ta-nyɔgɛ la nya min.

Tɔn-Fɔɛ-Fila-Nyɔgɛ 5:24

ka a fɔ n ye ko, ‘Mata Mari Alla ya ata sɛnbɛ anubɛ ata gbiliyɛ yira ma la. Kɔnɔ fɔlɔ nun, ma ya a lɔn ko ni Alla kumara mɔgɛ ye, a si faga. Kɔnɔ kaka, wo ara ma tɛrɛna-koe la ma bolo ka a lɔn ko ni Alla kumara mɔgɛ ye, a si to a niyi la.

Kɔlɔsi 1:15

Alla min ti yen, ata muninyɛ le Kirasiti la. Yanni fenfen ni dan, a ye nyɔ nun, ado dali-fan-bɛɛta kun-tigi le ale la.

2 Timoti 1:10

Kɔnɔ kaka, ma kisilɛ Yisa Kirasiti nara min kɛ, a ara a yira ma la gbɛ rɔ ko Kirasiti ara nɔ-ko sɔrɔn sayɛ ma. A ara habadan-nimayɛ yira ma la kibara-nyimɛ baraka rɔ.

Hiburunu 11:27

Dɛnkɛninyɛ le fɛ, Musa bɔɛ Iyipiti, a ma kilan mansɛla diminyɛla ko la. A tora tala yarɔ bawo Alla min ti yen, a ya a yɛ sɔ wo le la.

Yasowa 5:13

Yasowa gbɛrɛnta Yɛrikɔ ma tumɛ min, a ya mɔgɛ do yen sɔnɛ a yakɔrɔ, faan ye a bole tɔ. Yasowa tara a wara la ka a fɔ a ye ko, “I ye male le fɛ, ka, ma kɛlɛ-nyɔgɛ le ile la?”

Kɛlɛ-Kurugbɛnu 13:17

Manowa ya a fɔ a ye ko, “A ma, ma ni i tɔgɛ lɔn woletɔ i kan wa bɔ-a-la tumɛ min, ma si i gbiliya.”

Kɛlɛ-Kurugbɛnu 13:18

Melika ya a manyinika, a ko, “N tɔgɛ-lɔn-sɔgɛ ye i la kama? N tɔgɔ nya ti yen wo bolo.”

Kɛlɛ-Kurugbɛnu 8:17

Wo kɔma, a tara Pɛnuwɛli soe burɔ ka anuna san-bon-nayan-bɛ tinya ka keinu faga soe wo burɔ.

Kɛlɛ-Kurugbɛnu 8:8

Kidiyɔn anubɛ ala kɛlɛ-dannu bɔra nyɔ ka ta Pɛnuwɛli soe burɔ. Anu ya soe wo mɔgɛnu fanan tara. Sorɔ-mɔgɛ wonu fanan ya a yabi iko Sukɔti mɔgɔ-banu ya a yabi nya min.