Ko-Dabirɛnu 32:28 - ALLALA KUMƐ

²⁸ Kei wo ya a fɔ a ye ko, “I tɔgɔ ma tun Yakoba. I tɔgɛ le gbɛ Isirɛla bawo wo kɔrɛ le iko mɔgɔ wa a fɔ ko ‘Minnubɛ Alla ya turunɛ kɛ.’ Wobɛ Alla ya turunɛ kɛ anubɛ mɔgɛnu, ado i wara anu nɔ.”

Ko-Dabirɛnu 32:28 ပူးပေါင်းရင်းမြစ်များ

Ko-Dabirɛnu 17:15

Alla ya a fɔ Iburayima ye tun ko, “Ila musi Sirayi tɔgɔ ma tun Sirayi. A tɔgɛ le gbɛ Sira.

Ko-Dabirɛnu 17:5

I tɔgɔ ma tun Burama. I tɔgɛ le gbɛ Iburayima kamasɔrɔn wo kɔrɛ le sibolo siyamɛnu benba,

Ko-Dabirɛnu 25:31

Kɔnɔ Yakoba ko, “Bawo den-kei-sarɛ le ile la, ita sɔ tinɛ mayira n ma.”

Ko-Dabirɛnu 31:24

Kɔnɔ yanni anu ni ke Yakoba ma, Alla ya kiyo ladon Leban yɛ ma suyi rɔ ka a fɔ a ye ko, “A ma i fɛrɛma. I kana Yakoba ragbɛrɛn hali ka kuma-yogoma fɔ a ma.”

Ko-Dabirɛnu 32:24

Kɔnɔ ale Yakoba tora yi kɔgɔma. Su kelan wo rɔ, a ma mɛ, kei do nara a wara. Anubɛ wo ya turuni-kɛ dabira. Anu kira turunɛ kɛla kudu ha banda-ka-dɛ ma.

Ko-Dabirɛnu 32:27

Kei wo ya Yakoba manyinika ko, “Ile tɔgɛ kama?” A ko, “N tɔgɛ le Yakoba.”

Ko-Dabirɛnu 33:20

Yakoba ya saraka-mintan-tinɛ sɔ nyɔ ka a tɔgɔ sa “Isirɛlata Alla Sɛnbɛ-Bɛɛ-Tigi Le.”

Ko-Dabirɛnu 33:4

Kɔnɔ Isɔ burimatoe fanan tara ka a labɛn gbuturu diyanayɛ rɔ. Anu mɔgɔ filɛ dira biribiri!

Ko-Dabirɛnu 35:10

Alla sɛgira a gbɛ ma tun, a ko, “I tɔgɔ ma tun Yakoba. I tɔgɛ le gbɛ Isirɛla.” Woletɔ anu ya a kele Isirɛla.

2 Samuwɛli 12:25

wo le ya a ma, a ya Nɛbi Netan lata dan wo tɔgɔ sa tinɛ ko a ni wo kele Mari Diyana-Mɔgɛ.

1 Mansɛnu 18:31

A ya kuru tan-ni-fila bi ka wonu sɔ Yakobala den-kei tan-ni-filɛ tɔgɔ rɔ. (Mari ya Yakoba kɛ le tɔgɛ yɛlɛma nun ko Isirɛla.)

2 Mansɛnu 17:34

Anu bi anuna namu-kɔrɛ wo kun na ha bi. Anu sa Mari batola anu yisi bɛɛ la, ado Mari ya tɔn minnu di Yakoba kegeyɛnu ma, Isirɛla mɔgɛnu, kɔni, anu sa sɔnna wonu birala.

1 Ko-Kɔrɔta-Karan 1:34

Iburayimala den Isiyaka ya den-kei mɔgɔ fila sɔrɔn, Isɔ anubɛ Yakoba.

Hɛnkilimaya-Kumɛnu 16:7

Ni i kɛ-nya ya Mari hɛnɛ, hali i yoge, Mari si wo ma i diyana-mɔgɛ la.

Aiseya 43:1

Isirɛla mɔgɛnuna Mari ko ma kana kilan bawo a ye nala ma lakananna. A ko a ara a sereka-tɔgɛ sa ma kuma. A halalɛ le male la.

Aiseya 65:15

Wole karagbɛlɛnu tɔgɔ-ratɛgɛ mani de ala wɔli-kɛlɛnu bolo iko mɔɛn, ado ale Mari Alla nyɛrɛ le ye wo fagala. Kɔnɔ ale si ata wɔli-kɛlɛnu kele tɔgɔ-gbɛrɛ la.

Yilan-Yilan Koe 13:16

Musa ya Hosiya tɔgɛ yɛlɛma ka a kele ko Yasowa.

Yɔni 1:42

Wo kɔma, a nara Saimon la Yisa wara. Yisa ya a mafɛlɛn tumɛ min, a ko, “Saimon le ile la, Yɔnila dan. I tɔgɛ si kele Sifasi.” (Tɔgɛ kɛ anubɛ Pita, tɔgɔ kelen de! A kɔrɛ le, “Farɛ.”)

Lankɛnimayɛ 2:17

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la! “ ‘Minnu bara nɔlɛ kɛ, n si Allata biredi dogonnɛ do di wonu ma. N si kuru-gbɛ fanan di anu kelen-kelennamɛ-bɛɛ ma, tɔgɔ-kurɛ sɛbɛnɛ minnu ma, kɔni, ado mɔgɔ-wo-mɔgɔ ma tɔgɛ wo lɔn fɔ min bi a sɔrɔnna.’

1 Samuwɛli 26:25

Mansa Sɔli ya a fɔ Dawuda ye ko, “Nna den, alamɛ i ya Marita duwɛ sɔrɔn. I donta ko-wo-ko rɔ, i si wo munanfagɛ sɔrɔn.” Dawuda tara a kunfɛ. Mansa Sɔli fanan tara a warɛ.